Ruth Asawa, Jasper Johns, Steve McQueen eta Dan Flavin, Guggenheimen 2026an
Dan Flavin 'berdeetan zehar berdeak'. Argazkia: © Stephen Flavin VEGAP, Bilbao 2025
Guggenheim Bilbao Museoaren Fundazioko Patronatuak bilera egin du bart Bilboko museoan, Imanol Pradales lehendakaria buru zela, Miren Arzalluz museoko zuzendari nagusiak apirilean kargua hartu zuenetik egin duen lehenengoa.
Bilkuran, museoa 2026. urteari begira prestatzen ari den erakusketa programa aurkeztu dute, tartean arte moderno eta garaikidearen ordezkari diren lau artista nabarmeni eskainitako erakustaldi monografikoak.
Horietan lehenak Ruth Asawa artista estatubatuarraren lana jarriko du ikusgai. Bigarrena 1950, 1960 eta 1970eko hamarkadetako AEBko arte plastikoen eszena eraberritu zuen Jasper Johns artistari buruzko atzerabegirakoa izango da. Urrian, bestalde, "mugimendudun irudien bidez gai unibertsaletan eta biografia gogorretan murgiltzen den Steve McQueen artista, zinema-zuzendari eta gidoigilea" protagonista izango duen erakusketa aurkeztuko du Guggenheimek. Azkenik, bi urterik behin Solomon R. Guggenheim Museumeko funtsak Bilboko publikoari erakusteko programaren baitan, Dan Flavin artista minimalistari buruzko erakusketa inauguratuko da azaroan.
Steve McQueenen instalazioa, Tate Modernen. © Steve McQueen.
Azkenik, 2025eko azken hiruhilekoan inauguratuko den erakusketa batean, jendaurrean dauden Museoaren Bildumako artelanak aldatuko direla iragarri dute. Bilduman azkenengo sartu diren lanen aukeraketa bat erakutsiko dute hartara: D. Daskalopoulos Collectionetik dohaintzan jasotako zenbait lan eta Rodenstock bildumak epe luzerako maileguan utzitako pieza batzuk.
Bestalde, aurtengo ekitaldiari buruzko datu batzuk ere aipatu dituzte bileran. Ekainaren 10era arte, 476.795 bisitari hartu ditu Guggenheimek, urte tarte honetarako aurreikusitakoa baino % 29 gehiago eta 2023an, museoak inoizko bisitari gehien izan zuen urtean, baino % 7 gehiago.
Zure interesekoa izan daiteke
Mikel Chillidak hartuko du Chillida Lekuren zuzendaritza
Museoaren "etorkizuna zehazten laguntzea benetako pribilegioa" dela esan du Eduardo Chillida artistaren bilobak. Apirilaren 1ean hartuko du kargua.
"Barreiatutako paisaiak": Euskal industriaren margoak, San Telmo museoan
Gerardo D’Abraira marrazkilariaren lanak ikusgai daude Donostiako San Telmo Museoan. "Barreiatutako paisaiak" izena du erakusketak, eta joan den mende erdialdeko lanak biltzen ditu.
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…