Daniel Innerarityk eskuratu du Kulturaren Vianako Printzea saria
Daniel Innerarity idazle eta filosofoa Bilbon jaio zen, 1959an, baina Iruñean bizi da 15 urte zituenetik, eta 2013ko Kulturaren Vianako Printzea saria eskuratu du. Epaimahaiak "pentsamoldea bizi dugun egoera gorabeheratsura egokitzeko ahalmena" duela goraipatu du.
Juan Luis Sanchez de Muniain Nafarroako Gobernuko Kultura kontseilariak aurten Kulturaren Vianako Printzea saria norentzat izango den jakinarazi du, eta zorionak eman dizkio Innerarityri. Villar Arellano Kultura Batzordearen partaideak prentsaurrekoan esan duenez, "gizarteak bizi duen zalantza eta nahasmen egoera honetan, interesgarria iruditu zaigu Daniel Innerarityren lana goraipatzea, ideiak, pentsamendua eta hausnarketa sormenerako eta berrikuntzarako suspergarri izan baitaitezke".
Arellanoren esanetan, "gizartea ilusio beharrean" dago, eta "gizarteari ilusioa ematen dioten pertsonen lana goraipatu nahi dugu". Filosofia politikoaren munduan hainbat sari eskuratu ditu, eta Europa mailan goraipatu dute. 'Nouvelle Observatoire' aldizkariak munduko 25 pentsalari garrantzitsuenen artean sartu zuen. Daniel Innerarityk Filosofia doktoregoa egin zuen, Nafarroako Unibertsitatean, eta irakasle gisa aritu zen, 1987ra arte. Euskal Herriko Unibertsitateko katedraduna da egun, eta 17 liburu eta 150 artikulu zientifiko argitaratu ditu.
Gainera, 'El País', 'Le Monde' eta 'New York Times' egunkarietako kolaboratzailea da.
Sanchez de Muniain sailburuak esan du saria "jatorrietara" itzuli dela aurten, "hau bezala, Nafarroarekin lotuta dauden eta kultur munduan diharduten pertsonak" sarituz. 25.000 euroko diru-saria du, Nafarroako Gobernuko Kultura Departamentuaren eskutik. Asturiasko printze-printzesek eman ohi dute saria, Leireko santutegian, baina oraindik ez dakite zehazki noiz izango den ekitaldia.
Zure interesekoa izan daiteke
Astiberri Bilboko argitaletxeak Edizio Lan Kultural Onenaren Espainiako saria irabazi du
Astiberrik 25 urteko bidea du atzean, eta “komikigintza goi literaturaren mailara igotzeko egin duen ezinbesteko ekarpena” saritu dio epaimahaiak.
Ramon Saizarbitoria: "'Ene Jesus'en ez dago moderno izan nahirik"
Erein argitaletxeak Ene Jesus Ramon Saizarbitoriak 1976an argitaratu zuen eleberria berrargitaratu du. Joxean Muñozen hitzaurre eta ilustrazio sail batek laguntzen du "amari buruz" diharduen istorioa, Muñozen hitzetan, "zaila baino gehiago, gogorra den kontakizuna".
Marjane Satrapi "Persepolis" komikiaren egilea hil da, 56 urte zituela, "tristurak jota"
Senideek zabaldutako oharraren arabera, Satrapik ezin izan du senarraren heriotza jasan.
Joseba Sarrionandiak "Leturiaren egunkari ezkutua" eleberriaren irakurketa abiatu du
Iurretar idazleak ireki du Bilbo Zaharra euskaltegiak antolatzen duen Klasikoen Irakurraldi Jarraitua. Leturiaren egunkari ezkutua Txillardegiren liburua irakurriko da aurten.
Zuzenean: Klasikoen XIX. Irakurketa Jarraitua
Bilbo Zaharra euskaltegiaren ekimenez, "Leturiaren egunkari ezkutua" Txillardegiren eleberria irakurriko dute aurten etenik gabe jendaurrean.
Ehunka Joxeba Leturia, ostegunean Arriagan
Hilaren 4an, “Leturiaren egunkari ezkutua” Txillardegiren eleberria irakurriko dute jendaurrean etengabe, Bilbo Zaharra euskaltegiak antolatzen duen Klasikoen Irakurraldi Jarraituaren 19. edizioan.
Literaturia, literaturaren erritmoan dardarka
Euskal Letren Plaza zabalduko da Zarautzen maiatzaren 29tik 31ra, “Dar-dar” lelopean: liburu azoka, aurkezpenak, perfomancea, mahai inguruak, ikastaroak, musika, kontzertuak…
Pamielak "Lehoikumea" berrargitaratu du, 1948an Orixek euskaratuta erbesteko Jaurlaritzaren eskariz
Lehoikumea album ilustratuak Jacques Preverten testuak eta Ylla argazkilariaren irudiak biltzen ditu, eta Nikolas Ormaetxea Orixek euskaratu zuen 1948an. Erbestean zen Eusko Jaurlaritzaren eskariz euskaratu zen, aberritik kanporatutako haur euskaldunek zer irakurri izan zezaten. Ia 80 urte geroago, Pamiela argitaletxeak moldatu eta berriz argitaratu du.
Egileekin topaketak, azokak eta ibilbide literarioak protagonista, Liburuaren Egunean
Liburuaren Egunaren ospakizuna Hego Euskal Herriko plaza, liburutegi eta kultur etxeetan zentralizatuko da, publiko guztientzat pentsatutako ekimenekin.
Espainiako Kritikarien Elkarteak Eider Rodriguez eta Ane Zubeldia sarituko ditu
Gipuzkoar idazleek lortu dituzte euskarazko sariak: Rodriguezek, narratiba atalean, Dena zulo bera zen lanagatik, eta Zubeldiak, poesian, Kontra liburuari esker.