Juan Gelman poeta argentinarra hil da
Juan Gelman Mexiko Hirian bizi zen poeta argentinarra hil da hiri horretan, haren familiak jakinarazi duenez.
"Etxean hil da, lasai, familia inguruan zuela, gaixotasun baten ondorioz", azaldu dute senideek. "Berton 16:30 zirenean joan da", erantsi dute. Gelman duela hogei urtetik bizi zen Mexikoko hiriburuan, eta beste hiri askotan ere bizi izan zen aurretik, Argentinako diktadurak erbestean bizitzera behartu baitzuen.
Conculta Kultura eta Arteetarako Mexikoko Batzar Nazionalak ohar batean adierazi duenez, idazlea ospitaleratuta egon zen, hil aurretik.
2007an Cervantes saria eman zioten, bere lanek adierazten duten "errealitatearekiko konpromisoa" eta "bizipen pertsonal beldurgarriak pentsamendu poetikoan uztartzen asmatu izana" aitortzeko, eta 2005ean Sofia Erregina Iberoamerikako Poesia Saria ere jaso zuen. 1975ean erbesteratu zen, Argentinako A Hirukoitzak jazarrita, eta Italian, Frantzian eta, azkenik, Mexikon bizi izan zen.
Juan Gelmanen lan poetikoak tragediaren ukitu nabarmena du, Argentinako diktadurak semea hiltzeak eta iloba kentzeak markatuta dago. Ahanzturaren aurkako borrokalaria izan zen, hortaz, hastapenetatik heriotzara arte.
Conacultak Gelmanen poesiari buruz esan duenez, "egunerokoa bizi da haren poemetan, tonu politikoa, salaketa, bidegabekerien aurreko sumina, umeak eta deserria".
"Poesia gero eta krudelagoa, gero eta izugarriagoa, gizatasunaren aurkakoa, den munduaren kontrako erresistentzia da, gertatzen den guztia ez baitago gizatasunetik at", esan zuen Gelmanek.
Zure interesekoa izan daiteke
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.
Hitza erdigunean jarriko du Gutun Zuriak berriz, 19. edizioan
Bernardo Atxagak, Alana S. Porterok, Karmele Jaiok, Layla Martinezek, Harkaitz Canok, Mario Obrerok, Miren Agur Meabek eta beste hainbat idazlek parte hartuko dute letren Bilboko nazioarteko jaialdian.
Xabier Montoiak "Bakea, bakea" eleberria aurkeztu du
Inazio Osa 43 urteko donostiarrak hondamendia biziko du ama hiltzean, "baina laster ikasiko du oker dagoela oso, deskalabrurik handienean ere beti baita posible zuloan beherago erortzea, are eta zoritxar handiagoak etortzea".
'Lauaxeta, ametsen egilea' erakusketa Euskal Abertzaletasunaren Museora iritsi da, Bilbora
Sabino Arana Fundazioaren Euskal Abertzaletasunaren Museoak Lauaxeta, ametsen egilea erakusketa ibiltaria izango du ikusgai Sabin Etxean, Bilbon, martxoaren 12ra arte. Bizkaiko Foru Aldundiak antolatu du erakusketa, museoarekin lankidetzan, Esteban Urkiaga Lauaxeta euskal olerkari eta idazlearen jaiotzaren 120. urteurrena gogoratzeko.
Gutun Zuria jaialdiak Gerediaga Elkartea eta Valerie Miles idazlea sarituko ditu
Gutun Zuria Bilboko Letren Nazioarteko Jaialdiaren 19. edizioa otsailaren 24tik 28ra egingo dute. Literatura eta argitalpen esparruko hogeita hamar bat sortzailek parte hartuko dute, eta “datozen egunetan” iragarriko dute programazioa.
Doinuelek 2026ko hitzorduak aurkeztu ditu
Euskarazko Plazen Sareak aurten egingo dituzten euskarazko literatura azokak aurkeztu ditu, Iruñean: Baztango (H)ilbeltza, Oiartzungo Literatura Plazara, Azokitiko Gure Gelatik, Zarauzko Literaturia, Ziburuko Euskal Liburu eta Disko Azoka, Hernaniko Liburu eta Disko Azoka, Sarako Ikusi Mikusi, Oiartzungo Hitzen Lihoa eta Lazkaoko Liburu eta Disko Azoka.