Kirmen Uribe, Jose Sacristan eta Joan Colomo, BilbaoPoesian
BilbaoPoesia urriaren 11n hasiko da, Bidebarrieta Kulturgunean ohikoa denez, eta aurtengo edizioak hiru ikuskizun oso desberdin jasoko ditu: Kirmen Uribe idazlearen, Jose Sacristan antzezlearen eta Joan Colomo kantautore katalanaren ahotsak. Lehen egunean, Bidebarrietako Liburutegiko ekitaldi aretoak “Jainko txiki eta jostalari hura” ikuskizunaren Bilboko aurkezpena jasoko du.
Ikuskizunak Kirmen Uribe idazlearen poesia, Mikel Urdangarin, Rafa Rueda eta Bingen Mendizabal musikarien musika eta Mikel Valverderen irudiak elkartuko ditu, “emanaldi indartsua, erakargarria eta erabat liluragarria sortuz”.
Kontzertua 20:00etan hasiko da, eta sarrerak (10 euro) Power Recordsen eta Bilbao Kulturaren webgunean, Bidebarrieta Kulturguneari dagokion atalean, eskuratu ahal izango dira.
Hurrengo kontzertua urriaren 18an izango da (19:30ean), Joan Colomo kantautore katalanarekin, Bidebarrieta Kulturguneko agertoki berean. Sustraiak Nafarroan dituen artista horrek hainbat itzuli iraultzaile ematen dizkio gaztelaniazko eta katalanezko musikari. Emanaldi honetara doan sartu ahalko da.
Sacristan, Machadori begira
Errezitaldi-kontzertu saila urriaren 22an itxiko da, Jose Sacristan antzezle handiak zuzentzen eta antzezten duen “Caminando con Antonio Machado, de Los días azules a El sol de la infancia” ikuskizunarekin. Antzezlearekin batera, Aurora Martínez Piqué arituko da, biolontxeloarekin lagunduz.
“Caminando con Antonio Machado, de Los días azules a El sol de la infancia” ikuskizuna 19:30ean hasiko da. Sarrerak (10 euro) Power Recordsen eta Bilbao Kulturaren webgunean, Bidebarrieta Kulturguneari dagokion atalean, eskuratu ahal izango dira.
Zure interesekoa izan daiteke
Profesionalen eguna, Sarako Idazleen Biltzarra bukatzeko
Apirilaren 5ean abiatutako topagune literarioa gaur bukatuko da, profesionalei eskainitako jardunaldi batean. Aurten, Marikita Tambourin Baigorrin sortutako idazle, irakasle, ikertzaile eta militantea eta Anne-Marie Lagarde zuberotar idazle, ikertzaile eta antropologoa omendu dituzte.
Jabier Muguruza musikari eta idazleak bere lehen eleberria argitaratu du: "Café Mokka"
Eleberria “lehen pertsonako kontakizun intimo eta ironikoa eskaintzen du, kafetegi baten egunerokotasunetik abiatuta. Café Mokka kafetegia behatoki soziokultural bilakatzen da, non bezeroen elkarrizketek eta eguneroko egoerek gizartearen kontraesanak, joerak eta aldaketak islatzen dituzten”.
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.
Hitza erdigunean jarriko du Gutun Zuriak berriz, 19. edizioan
Bernardo Atxagak, Alana S. Porterok, Karmele Jaiok, Layla Martinezek, Harkaitz Canok, Mario Obrerok, Miren Agur Meabek eta beste hainbat idazlek parte hartuko dute letren Bilboko nazioarteko jaialdian.
Xabier Montoiak "Bakea, bakea" eleberria aurkeztu du
Inazio Osa 43 urteko donostiarrak hondamendia biziko du ama hiltzean, "baina laster ikasiko du oker dagoela oso, deskalabrurik handienean ere beti baita posible zuloan beherago erortzea, are eta zoritxar handiagoak etortzea".
'Lauaxeta, ametsen egilea' erakusketa Euskal Abertzaletasunaren Museora iritsi da, Bilbora
Sabino Arana Fundazioaren Euskal Abertzaletasunaren Museoak Lauaxeta, ametsen egilea erakusketa ibiltaria izango du ikusgai Sabin Etxean, Bilbon, martxoaren 12ra arte. Bizkaiko Foru Aldundiak antolatu du erakusketa, museoarekin lankidetzan, Esteban Urkiaga Lauaxeta euskal olerkari eta idazlearen jaiotzaren 120. urteurrena gogoratzeko.