Eliburutegiak 1.100 lan klasiko gehitu ditu katalogora
Eliburutegiak, EAEko Irakurketa Publikoko Sarearen liburutegiek Interneten bidez eduki digitalen irakurketa errazteko eskaintzen duten zerbitzuak, bigarren faseari ekin dio, abiatu eta urte eta erdira.
Berritasunen artean, katalogoa handitu izana dago; hain zuzen ere, euskarazko 100 liburu gehiago, gaztelaniazko 500 gehiago eta ingelesezko beste horrenbeste gehiago jarri dituzte Eliburutegiko erabiltzaileen eskura. Lan klasikoak dira, egile eskubiderik indarrean ez dutenak, eta nork bere gailu mugikor edo ordenagailura jaitsi, eta iraungitze datarik gabe gorde ahalko dira. Maileguan hartutako gainerako liburuekin gertatzen den ez bezala, ez dira 21 egunen buruan borratuko.
Euskarazko lanak eskaini ahal izateko, Eusko Jaurlaritzak akordio hitzartu du Armiarmarekin, erakunde honek horrelako lanak hautatu, berreskuratu eta editatzeko duen eskarmentuan oinarrituta. Besteak beste Agosti Xahoren, Lauaxeta, Lizardi eta Kirikiñoren, Jon Miranderen, J.A. Mogelen eta beste idazle askoren lanak jaitsi ahalko dira, baita “Linguae Vasconum Primitiae” (1545) edo Lazarragaren eskuizkiribua ere, adibidez.
Gaztelaniazko katalogoa zabaltzeko, Miguel de Cervantes Liburutegi Digitalaren Fundazioarengana jo du Jaurlaritzak, eta erakunde horrek gaztelaniazko 500 lan uztea lortu du: Perez Galdos, Zorrilla, Lope de Vega, Quevedo, Larra, Tirso de Molina, “Quijote”…
Ingelesez, bestalde, egile hauen lanak egongo dira zerbitzuaren erabiltzaileen eskura: Robert Louis Stevenson, Mark Twain, Charles Dickens, Virginia Woolf, Hans Christian Andersen, Leo Tolstoy, Oscar Wilde, Arthur Connan Doyle…
Pirateriaren aurkako kanpaina
Bestalde, Eliburutegiak gizarteari pirateriaren aurkako kontzientzia hartzen laguntzeko kanpaina bati ekingo dio ekainean, sare sozialetan eta Interneten. Google Adwords iragarkien bidez eta hitz gako batzuk erosiz, Eliburutegiak bere katalogoa eta maileguan hartzeko liburuen zerrenda -legezkoa eta egile eskubideekin zintzoa- eskainiko dizkie eduki ez-zilegien bila ari diren irakurle digitalei.
Euskal diaspora
Euskal diasporako kideek izena eman dezakete Eliburutegian. Hezkuntza, Hizkuntza Politika eta Kultura Sailaren webgunean eskuragai dagoen formulario bete, eta Sailaren Liburutegi Zerbitzura bidali behar dute, mezu elektroniko batean.
Aplikazioa
Halaber, ekainetik aurrera, Eliburutegiak gailu mugikorretarako aplikazioa izango du. Lehenengo Android sistema erabiltzen duten gailuetan eta geroago Ios darabilenetan erabili ahalko da Liburutegi Digitalaren katalogora sartzeko aplikazioa.
Mailegu gehien, Coelhoren liburuek
2014aren azaroaren 26an abiatu zutenetik, 47.449 mailegu egin ditu Eliburutegiak. Gaztelaniaz, “Adulterio” Paulo Colhoren lana eskatu dute beste edozein baino gehiago, 166 aldiz, eta euskaraz, berriz, “110. streeteko geltokia” Iñaki Zabaleta Urkiolarena (91 mailegu) .
Zure interesekoa izan daiteke
Egileekin topaketak, azokak eta ibilbide literarioak protagonista, Liburuaren Egunean
Liburuaren Egunaren ospakizuna Hego Euskal Herriko plaza, liburutegi eta kultur etxeetan zentralizatuko da, publiko guztientzat pentsatutako ekimenekin.
Espainiako Kritikarien Elkarteak Eider Rodriguez eta Ane Zubeldia sarituko ditu
Gipuzkoar idazleek lortu dituzte euskarazko sariak: Rodriguezek, narratiba atalean, Dena zulo bera zen lanagatik, eta Zubeldiak, poesian, Kontra liburuari esker.
Profesionalen eguna, Sarako Idazleen Biltzarra bukatzeko
Apirilaren 5ean abiatutako topagune literarioa gaur bukatuko da, profesionalei eskainitako jardunaldi batean. Aurten, Marikita Tambourin Baigorrin sortutako idazle, irakasle, ikertzaile eta militantea eta Anne-Marie Lagarde zuberotar idazle, ikertzaile eta antropologoa omendu dituzte.
Jabier Muguruza musikari eta idazleak bere lehen eleberria argitaratu du: "Café Mokka"
Eleberria “lehen pertsonako kontakizun intimo eta ironikoa eskaintzen du, kafetegi baten egunerokotasunetik abiatuta. Café Mokka kafetegia behatoki soziokultural bilakatzen da, non bezeroen elkarrizketek eta eguneroko egoerek gizartearen kontraesanak, joerak eta aldaketak islatzen dituzten”.
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.
Hitza erdigunean jarriko du Gutun Zuriak berriz, 19. edizioan
Bernardo Atxagak, Alana S. Porterok, Karmele Jaiok, Layla Martinezek, Harkaitz Canok, Mario Obrerok, Miren Agur Meabek eta beste hainbat idazlek parte hartuko dute letren Bilboko nazioarteko jaialdian.