Emilio Gutierrez Cabak irekiko du BilbaoPoesía, Blas de Oteroren testuak irakurtzen
Emilio Gutierrez Caba aktoreak Blas de Otero bilbotar idazlearen poemak eta prosazko testuak irakurriko ditu gaur, martxoaren 15arekin, BilbaoPoesía literatura jaialdia irekitzeko, Cecilia Lavilla Berganzak eta Miguel Ituarte getxoztarrak pianoan lagunduta.
Jaialdi lirikoa martxoaren 15etik 24ra egingo dute, Bidebarrieta Liburutegian, “Berriz aireratu” goiburuarekin.
Jaialdian parte hartuko duten izenen artean, nabarmentzekoak dira, esaterako, Bigara, Amorante, Karmelo Iribarren, Leire Bilbao, Manuel Vilas, Bernardo Atxaga eta Marta Sanzenak.
Hilaren 16an, asteartearekin, “Abere ba Ulu ala ele” musikaz lagundutako poesia errezitaldiaren txanda izango da: Bigarak (Itziar Aranburu eta Jon Ander García), Amorantek eta Okene Abregok parte hartuko dute Loraldiarekin batera antolatutako ekitaldian.
Manuel Vilas, Karmelo Iribarren eta Juanra Madariaga izango dira protagonista “Reencuentros” ekitaldian, martxoaren 17an: poesia argitaragabeak eta beren antologietatik hartutako beste batzuk irakurriko dituzte.
Martxoaren 18an, ostegunarekin, Rosana Acquaroni eta Isabel Bono poetak Pepo Paz Saz argitaratzailearekin batera jardungo dira, eta larunbatean, hilak 20, Marta Sanz eta Bernardo Atxaga arituko dira.
Martxoaren 22an, Leire Bilbao, Itziar Minguez, Beatriz Chivite eta Julia Piera poetek hartuko dute hitza, eta biharamunean “Gaztelondo zer berri. Etxahun” errezitaldia eskainiko dute Mikel Etxekoparren musikarekin, Dominika Rekalten testuarekin eta ahotsarekin, Pierre Visslerren soinu grabazioekin eta Jean Christian Galtxetabururen perkusioekin.
Gainera, bi musika kontzertu ere programatu dituzte antolatzaileek, Bidebarrietan: Nacho Vegas (martxoak 19) eta Izaro (martxoak 21).
Emanaldiotara sartzeko gonbidapena eskatu edo sarrera erosi (Emilio Gutierrez Cabaren, Nacho Vegasen eta Izaroren saioak, 5 euro) beharko da.
Zure interesekoa izan daiteke
Espainiako Kritikarien Elkarteak Eider Rodriguez eta Ane Zubeldia sarituko ditu
Gipuzkoar idazleek lortu dituzte euskarazko sariak: Rodriguezek, narratiba atalean, Dena zulo bera zen lanagatik, eta Zubeldiak, poesian, Kontra liburuari esker.
Profesionalen eguna, Sarako Idazleen Biltzarra bukatzeko
Apirilaren 5ean abiatutako topagune literarioa gaur bukatuko da, profesionalei eskainitako jardunaldi batean. Aurten, Marikita Tambourin Baigorrin sortutako idazle, irakasle, ikertzaile eta militantea eta Anne-Marie Lagarde zuberotar idazle, ikertzaile eta antropologoa omendu dituzte.
Jabier Muguruza musikari eta idazleak bere lehen eleberria argitaratu du: "Café Mokka"
Eleberria “lehen pertsonako kontakizun intimo eta ironikoa eskaintzen du, kafetegi baten egunerokotasunetik abiatuta. Café Mokka kafetegia behatoki soziokultural bilakatzen da, non bezeroen elkarrizketek eta eguneroko egoerek gizartearen kontraesanak, joerak eta aldaketak islatzen dituzten”.
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.
Hitza erdigunean jarriko du Gutun Zuriak berriz, 19. edizioan
Bernardo Atxagak, Alana S. Porterok, Karmele Jaiok, Layla Martinezek, Harkaitz Canok, Mario Obrerok, Miren Agur Meabek eta beste hainbat idazlek parte hartuko dute letren Bilboko nazioarteko jaialdian.
Xabier Montoiak "Bakea, bakea" eleberria aurkeztu du
Inazio Osa 43 urteko donostiarrak hondamendia biziko du ama hiltzean, "baina laster ikasiko du oker dagoela oso, deskalabrurik handienean ere beti baita posible zuloan beherago erortzea, are eta zoritxar handiagoak etortzea".