Chick Corea eta Paco de Lucia, Gasteizko Jazzaldiko protagonistak
Gasteizko Jazzaldiak 37. edizioa du honakoa, eta krisiaren eragina nabaritu duen arren (aurten egun bat gutxiago izango du), uztailaren 20an Paco de Luciak eta Chick Coreak eskainiko duten kontzerturako sarreren % 70 erreserbatuta daudela iragarri dute antolatzaileek.
Jazzaldiko presidenteak aurtengo edizioa aurkezteko ekitaldian azaldu duenaren arabera, "garai zailetan musika ona eskainiko du".
Mikel Urmeneta (Kukuxumusu) artistak diseinatu du aurtengo jaialdiaren kartela eta, Añuaren esanetan, "onenetako bat da". Egilearen ustez, hainbat irakurketa ditu.
2013ko Jazzaldia uztailaren 16tik 20ra bitartean egingo dute, eta Chick Coreak eta Paco de Luciak joko duten kontzertua izango da eskaintza esanguratsuena.
Guztira, ekimenak 60 kontzertu eskainiko ditu. Horietatik, 45 doakoak izango dira, eta, krisiak murrizketak egitea eragin duen arren, egitaratuak Estatuan "bakarrik" eskainiko dituzten 15 kontzertu jasotzen ditu. Aurten ere artista handiak izango dira Arabako hiriburuan, Ibrahim Maalouf (uztailak 17), esaterako; bigarrenez etorriko da Gasteizera
Gainera, Bill Frisell eta Pat Metheny ere arituko dira Mendizorrotzako agertokian.
Uztailaren 18an, Jacky Terrasson eta Melody Gardot artisten txanda helduko da.
Hilaren 19an (ostirala), Tom Harrell (tronpeta) eta Branford Marsalis (saxoa) handien emanaldiaz gozatzeko aukera eskainiko dute.
Larunbatean, uztailaren 20an, izango da Chick Corearen eta Paco de Luciaren gaua.
Aurtengo Jazzaldirako, antolatzaileek akordioa lortu dute Renferekin, eta Gasteizera trenez joaten direnek % 30eko deskontua izango dute treneko txarteletan.
Zure interesekoa izan daiteke
Pantxoak eta Peiok bere kantutegiari errepasoa egin diote Iruñeko Baluarten
“Itsaso ondoan” kantuarekin abiatu dute Pantxoak eta Peiok Iruñeko Baluarteko kontzertua, arratsaldeko 19:30ean. Zazpi kontzertuko bira egingo du Iparraldeko bikoteak, eta Lesaka, Bergara eta Baionatik pasako dira. Ondoren, 2027ko urtarrilaren 9an eta 10an Barakaldoko BECen izango da Pantxoa eta Peioren azken dantza.
Aurora Beltranek jasoko du Kulturako Vianako Printzearen Saria
Nafarroako Gobernuaren sariak “benetakotasuna eta herritarrekiko konexio emozionala alde batera uzten ez duen ibilbide profesionala" azpimarratu nahi du.
Euskadiko Orkestra, Elena Sancho Pereg, Marife Nogales eta Vocalia Taldea lagun “Bernaola / Mendelssohn” programan
2025-2026 denboraldi sinfonikoaren azken-aurreko programaren ardatza 'Uda-gau bateko ametsa' Mendelssohnen lana izango da, ordubete baino gehiagoko iraupena duena. Gaur, ostiralarekin, abiatuko dute programa, Donostian.
Fontaines DC taldeak Iruñean joko du abuztuaren 13an
Irlandar taldeak Nafarroako hiriburuko Ziutadelan joko du. Sarrerak ostiralean jarriko dituzte salgai, maiatzaren 29an.
ETS eta Celtas Cortos, Getxo Folkeko kartelburuak
Getxoko Folk Jaialdiaren 42. edizioak Dulce Pontes fado musikariren kontzertu bat eta “Xalbador, Urepeleko artzaina” ikuskizuna ere eskainiko ditu, irailaren 9tik 13ra.
Eztanda punk eta rock jaialdia atzeratu dute
Urdulizko jaialdia ekainaren 5ean eta 6an zen egitekoa, eta atzeratu egingo dutela iragarri dute antolatzaileek “arazo eta tekniko eta administratiboak” daudela azalduta. Cockney Rejects, Biznaga, Sua, Arene 6, Anestesia, Kaleko Urdangak eta Hell Beer Boysen kontzertuak zeuden iragarrita, besteak beste.
Silvio Rodríguez Bilbon arituko da irailean
Kubatar musikariaren kontzertuak irailaren 12an eta 13an izango dira, Euskaldunan.
ABAOk “Andrea Chénier” operarekin itxiko du denboraldia
74. denboraldiko azken eskaintza Umberto Giordanoren operaren lau emanaldi izango dira, Euskalduna jauregian, maiatzaren 23, 26 eta 29an eta ekainaren 1ean. Larunbatean, hilak 23, zuzenean ikusi ahalko da saioa, 19:00etatik aurrera, ETB2n eta ETB ONen.
Natxo de Felipek Oskorriren kantu “abandonatuak” berreskuratuko ditu Musika Hamabostaldian
Oskorrik agur esan eta 11 urtera, De Felipek eta Kuarteto Philiperenak kontzertua eskainiko dute Arantzazun, abuztuaren 20an, Musika Hamabostaldiaren Musika Aitzaki zikloan. Donostiako musika jaialdirako sarrerak bihar, maiatzak 19, jarriko dituzte salgai.
Azkena Rock Festival jaialdiak kontzertuen ordutegia iragarri du
Bywater Call eta The Backyard Casanovas taldeak izango dira Andre Maria Zuriaren plazako doako kontzertuen protagonistak, eta familiek Txiki ARF guneaz gozatu ahal izango dute.