Dolly Parton hil da, country musikaren izar ospetsua

Dolly Parton abeslari eta konpositore estatubatuarra, country musikaren figura garrantzitsuenetako bat, hil da astearte honetan, 80 urte zituela, Bryan Seaver ilobak Instagramen jakinarazi duenez.

Country musikaren erregina emakume geldiezina izan zen. Bere lehen abestia, "Little Tiny Tasseltop", sei urte inguru zituela konposatu zuen, eta harrez gero, ez da gelditu bere bizitza osoan zehar. 

Ehunka kantu konposatu eta interpretatu zituen, baina hiru esanguratsuenak "Jolene, "9 to 5" eta "I will always love you" izan daitezke. Azken hori Partonek idatzia da, nahiz eta Whithney Houston izan munduko fenomeno bihurtu zuena. 

Bere ibilbide musikalaz gain, aktorea eta enpresaria ere izan zen. Era berean, bere ospea gizartearen hezkuntzaren alde borrokatzeko erabili zuen. 

Azken hilabeteetan osasunez pattal ibili zen, eta Las Vegaseko kontzertu batzuk bertan behera utzi behar izan zituen.