Johnny Winterren kontzertua, Bilboko BBK Aretoan
Johnny Winter blues eta rock estiloetako gitarrista mitikoak kontzertua eskainiko du gaur, maiatzak 12, Bilboko BBK Aretoan, 20:00etan, Music Legends zikloaren baitan, aretoko iturriek jakinarazi dutenez.
"Maiatza blues elektrikoaren ikurrarentzat izango da, Woodstockeko oinordekoarentzat. Rockak inoiz izan duen albino famatuena, blues-rockaren kondaira bizia, genero honetan ezinbesteko diren diskoen egilea. Zuzenean inor gutxi bezain mirestua, aukeratua, slide gitarrarekin handienetakoa", nabarmendu dute.
John Dawson 'Johnny' Winter (Beaumont, AEB, 1944), blues eta rock gitarrista estatubatuarra da, 1960ko hamarkadaren amaieratik "kondairazko izarra" blues elektrikoaren munduan. Woodstockeko jaialditik bizirik dirauten musikarietako bat da, jaialdi hartan emanaldia egin zuenean legenda zena.
San Frantziskon Janis Joplinekin, Quicksilver Messenger Service taldearekin eta beste hamaika banda historikorekin jo zuen. Gero, New Yorken Jimi Hendrix ezagutu zuen eta, Steve Paul managerrarekin batera, Columbia diskoetxearekin kontratu handia sinatu zuen.
1971n "Johnny Winter And" plazaratu zen, bere lan nagusia, askoren ustez, artista ezagunen abestiak "era azkar eta garratzean" moldatuz, The Rolling Stonesen "Jumpin' Jack Flash" eta Winwood/Capaldiren "No time to live", esaterako.
Bere diskoek gero eta gehiago blues gogorreranzko joera hartu zuten eta 1970eko hamarkadaren bukaeran Muddy Waters blusman handiaren zenbait disko ekoitzi zituen, besteak beste. Azken honekin bi Grammy sari lortu zituen.
2004an itzuli zen, "zerbait esateko zuelako", zortzi urtean argitaratu zuen lehen bildumarekin: "I'm a Bluesman". Kritika bikainak eta Grammy sarietarako izendapena lortu zituen. 2009an beste bilduma bat atera zuen, abesti ezagunenekin moldatua: "The Johnny Winter Anthology".
Horrela, "kondairazko gau berri bat" izango da gaur BBK Aretoan, blues-rockaren hainbat klasiko entzungo baitira, hala nola "Good Morning Little Schoolgirl", "Got my mojo working", "Bonnie Moronie", "Jumpin' Jack Flash" edo "It's all over now".
Zure interesekoa izan daiteke
Pepo Márquez: “Jada ez dago kontsumo kultural kaltegaberik”
“Antineutral” saiakeran, musikari eta musika industriako profesionalak musika lurralde neutrala izan ote daitekeen galdetzen dio bere buruari (spoilerra, ez), eta inbertsio funtsek, joko eremu horretan sartuta, hankaz gora jarri duten industriaren zentzu kulturalean sakontzen du.
Izaro abenduan itzuliko da, disko berriarekin
Mallabiar kantariak “Arkitektura” disko berria kaleratuko duela iragarri du. 2027ko urtarrilean aurkeztuko du lan hori zuzenean, Irunen.
Arriagak ireki eta Fallak itxiko du Musika-Música jaialdia
Bilboko jaialdiaren 25. edizioa Arriagan hasi, eta Euskalduna jauregian egingo da martxoaren 6, 7 eta 8an.
Baga Bigak 20 urte bete ditu, euskal musikagintzaren ikur bilakatuta
Euskal taldeak eta artistak kudeatzeaz arduratzen dira Baga Bigan, eta horien estrategia lantzen dute: kontzertuak, grabazioak... Urteurrena ospatzeko, Baga Bigak kontzertu berezia antolatu du gaur, larunbata, Euskaldunan, beraiekin aritu diren talde eta artista askorekin elkarlanean.
“Rosas” La Oreja de Van Goghen kantuak mila milioi entzunaldiko marka gainditu du Spotifyn
Donostiako taldearen kantua “Let It Be”, “Imagine”, “Knockin’ On Heavens Door” edo “Like a Prayer” baino gehiago entzun da plataforma horretan.
Judith Jaureguik Victoria Eugeniara eraman du "Homeland"
Donostiar piano-jotzaileak bere hiriko antzokian ("oso leku berezia niretzat") aurkeztu du bart disko berria, Griegen pianorako kontzertua eta Manuel de Fallaren "Noches en los Jardines de España" biltzen dituen lana. Errezitaldian, Chopin, Grieg, De Falla, Komitas Vardapet, Villa-Lobos eta Ginasteraren piezak errepasatu zituen Jaureguik. Datorren hilean, Bilbon (martxoak 7 eta 8), Errenterian (martxoak 26) eta Donibane Lohizunen (martxoak 28) joko du.
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.