Mikel Laboa, Marisol Bastida alargunaren begietatik
Mikel Laboaren alargunak, Marisol Bastidak, musikariari buruzko biografia bat publikatu du, horren "esku-zabaltasuna, originaltasuna eta umorea" agerian uzteko. Horrekin batera, bikotekideek bizi izan duten testuinguru soziokulturala ere azaldu du.
Memoriak. Mikel Laboraren biografia bat (Ellar) liburua aurkeztu du gaur Bastidak. 400 orri inguru dira, eta 60ko hamarkadatik 2008. urtean hil zen arte artistak bizitakoari buruzko txostenak biltzen ditu. Koro Navarrok euskaratu du.
Navarroren esanetan, memoriek Mikel Laboaren "umorea, esku-zabaltasuna eta originaltasuna" islatzen ditu. Gainera, Bastidak berak ere ezaugarri horiek dituela gaineratu du, "oso antzekoak baitira".
Proiektua "nahigabe eta helburu zehatzik gabe" jaio zen, 60ko hamarkadan Laboan "sakonago" ezagutzen hasi zenean, Bastidak azaldu duenez. Izan ere, txikitatik ezagutzen dute elkar, eta 1964an ezkondu ziren. Orduan, senarraren jarduera artistikoari buruz txostenak biltzen hasi zen.
Besteak beste, jendaurrean abestu ahal izateko 1963. urtean Zaragozan lortutako baimena dago horien artean.
Hurrengo hamarkadetan, Bastidak grabazioak, kontzertuen kritikak eta beste hainbat material bildu zituen. 1984. urtean, bildutakoari buruzko notak idazten hasi zen.
"Notak idaztetik, koadernoak idaztera pasatu nintzen", esan du Bastidak. Hori horrela, 2010. urtean memoriak idazten hasi zen, eta 2011. urteko ekainean bukatu.
Hainbat zuzenketa egin eta gero, Bastidak hainbat pertsonaren laguntza izan du testuak biribiltzeko, Bernardo Atxagarena kasu.
Emaitza 2013an aurkeztu zioten Mikel Laboa katedrako zuzendariari, eta horrek aholkuak eman zituen eta euskaratzen lagundu zuen. Izan ere, hizkuntza horretan liburu bat idazteko gaitasunik ez duela aitortu du Bastidak.
Duela lau hilabete, biografia publikatu behar ote duen galdegin zion bere buruari Labastidak, zalantza bete baitzegoen, baina azkenean hala egitea erabaki du, "iragana ezagutzea inportantea" dela uste baitu.
Albiste gehiago musika
'Amaya' opera lehen aldiz eskainiko da Donostiako Musika Hamabostaldian
Euskarazko opera honen kontzertu-bertsioa abuztuaren 9an (larunbata) eskainiko da, 20:00etan, Kursaalen. Jesus Gurido konpositore gasteiztarren obra garrantzitsuenetako bat da, Musika Hamabostaldian inoiz interpretatu gabea.
ETS taldearen 20 urteak: Arabako Ekora herritik Madrileraino
Larunbat honetan, omenaldia egin diote ETSri, Ekora bere jaioterrian, taldearen 20 urteko ibilbidea ospatzeko. Hori aitzakia hartuta, Iñigo Etxezarreta buru duen taldearekin bildu gara, 60 abestik eta 500 emanaldi baino gehiagok osatutako ibilbidea gogoratzeko.
Hasi da Donostiako Musika Hamabostaldia, estreinaldiz eta izen handiz beteriko edizio historiko batekin
Donostiako jaialdiaren 86. edizioa abuztuaren 1ean inauguratu da, "Requiem (s)" baletarekin, eta lehen aldiz izango dira Parisko Operako eta Leipzigeko Gewandhausorchesterreko orkestrak.
Donostiako Jazzaldiak "arrakasta handiarekin" eta "sasoi betean" itxi du bere 60. edizioa
Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du. Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Jimmie Vaughan blues rockaren izen handia, IV. Bilbao Blues Festival Saria
Jaialdiko txapela jaso du larunbat honetan Vaughanek (Texas, 1951), eta, ondoren, kontzertua eskaini du, Estatuko bakarra. 1976an The Fabulous Thunderbirds talde mitikoa sortu zuen Vaughanek eta, 1989an taldea utzi ondoren, bakarlari gisa aritu zen. Guztira, lau Grammy irabazi ditu.
Bulego taldeak Jazzaldiko publikoa bereganatu du
Donostiako jazz jaialdiaren barruan, energiaz beteriko zuzenekoa eskaini du bart Azkoitiko taldeak Zurriola hondartzan, familiaz eta gaztez osatutako publikoaren aurrean.
Dee Dee Bridgewaterrek, jazzaren izar handiak, Donostiako Jazzaldia saria jaso du
Menphiseko abeslari handiaren lau hamarkada baino gehiagoko ibilibidea saritu nahi izan dute. Bridgewater Donostiako Jazzaldiaren oholtza gainean zuzenean aritu da ostiral honetan. Golardoa jasotzean, "emakume guztien eta bereziki emakume beltzen" alde egindako lana aldarrikatu du.
Latzen taldea oholtza gainean da berriro, 17 urteren ondotik
Egunotan Lakuntzan ospatzen ari diren Hatortxu Rock jaialdiaren azken edizioan agertu da berriro Oñatiko heavy taldea. Bi maketa eta bi diskoren ostean, 1999. urtean banandu ziren. 2007an, laukoteak itzulera bira bat egin zuen, "Hellmuga" diskoan jasoa gelditu zena.
Mississippi Queen & The Wet Dogs bilbotarrek hasiera eman diote Bilbao Blues Festival jaialdiari
Igandera arte, Bilbo bluesaren munduko hiriburua izango da, eta bertan ez da legendarik eta ezustekorik faltako. Ostiral honetan Mississippi Queen & The Wet Dogs, The Kings of Blues eta Blackburn Brothers taldeen txanda izan da.
Jamie Cullumek festa handia bihurtu du Zurriola hondartzako kontzertua
Zurriolako hondartza agertoki bikaina izan da, beste behin, Jamie Cullum britaniar artista entzutetsua hartzeko. Cullum Donostiara itzuli da bostgarren aldiz, jazz, pop eta swing estiloak nahasten dituen errepertorio berriarekin.