Albiste dira

Andrea Marongiu Crystal Fighters taldeko bateria-jolea hil da

Azken hilabeteotan Espainiako hainbat puntutan izan ostean, taldeak irailaren 21ean birari amaiera jartzea aurreikusita zuen. Gainera, irailaren 19an Iruñean jotzekoak ziren.

Erredakzioa

2014/09/12 - 02:00

Azken eguneratzea

2014/09/12 - 22:25

Andrea Marongiu Crystal Fighters taldeko bateria-jolea hil da aste honetan, gertuko iturriek jakitera eman dutenez.

Azken hilabeteotan Espainiako hainbat puntutan izan ostean, taldeak irailaren 21ean, Madrilen, birari amaiera jartzea aurreikusita zuen. Sarrera guztiak agortuta daude.

Taldeak Zugarramurdiko haitzuloetan hasi zuen bira, iazko abuztuaren 29an, eta, ordutik hogeita hamar bat kontzertu eman dituzte Espainia osoko saletan eta jaialdietan.

Bira eten baino lehen, Crystal Fightersek beste hiru kontzertu itxita utzi zituen: ostiral honetan Mallorcan, hilaren 18an Granadan eta 19an Iruñean.

Taldea 2007an hasi zen jotzen, eta geroago 'Star of love' kaleratu zuten, 2010ean. Iaz 'Cave rave'albuma argitaratu zuten, arrakasta handiz lortuz.