'Happy Birthday' jabetza publikoko abestia izango da aurrerantzean
AEBko epaile batek ebatzi du "Happy Birthday" abestiak, urtebetetzea zoriontzeko mundu guztian erabiltzen denak, ez duela egile eskubiderik eta jabetza publikokoa dela.
George H. King epailearen ebazpenak amaiera emango dio, horrela, abesti ezagunaren "copyright"aren inguruan sortutako gatazkari, Warner Musicen Warner/Chappell argitaletxeak zuen monopolioari, alegia, azken urteotan milioika dolar irabazi baititu abestiaren egile eskubideei esker.
Epailearen esanetan, Summy CO.ri erositako dokumentuak (1935eko data du) abestiarekin lotutako akordio batzuei buruzko eskubideak soilik ematen ditu, ez abestiarenak.
"Summy Co.k sekula ez zituen 'Happy Birthday'ren hitzen eskubideak eskuratu", adierazi du epaileak.
Melodia ezaguna XIX. mende bukaeran Mildred J. eta Patty Smith Hill ahizpek egindako "Good Mornig to All" abestitik hartu zuten, eta, epailearen arabera, Summy Co.k eskubide batzuk bakarrik eskuratu zituen 1935ean.
Gero, Warnerrek erosi zuen dokumentu hori, eta urtero bi milioi dolar inguru eskuratu ditu abesti ezaguna erabiltzeagatik jasotako egile eskubideengatik.
"Happy Birthday azkenean libre da, 80 urteren ondoren. Azkenean, amaitu da iruzurra. Harrigarria da", adierazi du Randall Newmanek, salatzaileen (abestiari buruzko dokumentala egiten ari diren zinemagile batzuk) abokatuak.
Salatzaileek 1927ko dokumentu bat aurkeztu dute froga gisa. Bertan, "Happy Birthday"ren hitzak agertzen dira, egile autorearen eskubideei buruzko abisurik gabe.
Ebazpen horren ondorioz, abestia jabetza publikokoa da jada, eta edozein helbururekin erabil daiteke, ordaindu behar izan gabe.
Argazkia: http://benung.nfshost.com/archives/3817
Zure interesekoa izan daiteke
Silvio Rodriguezek geldialdia egin du Bartzelonan, Euskal Herrirako bidean
Kubatarrak kontzertua egin du bart Liceun, irailaren 12 eta 13an Bilboko Euskaldunan aritu aurretik.
Zuzenean: Basking Beat & Bite
Basking Beat & Bite jaialdiaren edizio berri bat egingo da abuztuaren 29an, Miami, Santiago de Chile, Helsinki eta Tbilisin aldi berean eskainiko diren kontzertuekin. Euskal musikaren egungo lau proposamen bilduko ditu programazioak: Merina Gris, Mirua, Sua eta Idoia.
ETS taldeak hankaz gora jarri du Europa parkea, "Badator Marijaia" abesten
37.000 lagun inguru Arabako taldearen kontzertuan izan dira, eta aho batez abestu dituzte kanta guztiak. ETSk harrituta utzi ditu Europa parkera joandakoak, Aste Nagusiko Badator Marijaia jo dutelako.
Dolly Parton hil da, country musikaren izar ospetsua
Abeslari eta konpositore estatubatuarra 80 urte zituela hil da. Azken hilabeteetan gaixorik ibili zen eta kontzertu batzuk bertan behera utzi zituen.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
ETS taldeak dantzan jarriko du gaur Bilbo, Europa parkeko kontzertuen lehen gauean
Hitzordua 00:00etan da, Europa Parkean. Horrez gain, beste musika proposamen batzuk ere izango dira, besteak beste, Bilboko Udal Bandaren emanaldia, Serafin Zubirirekin batera, 23:30ean, Abandoibarran.
Leire Martinezek 13.000 lagun bildu ditu Abandoibarran, gau ahaztezin batean
Abeslari donostiarrak bere bakarkako ibilbidearen lehen lana aurkeztu du Aste Nagusian: “Historias de aquella niña”. Emozioz eta nostalgiarako tartez betetako kontzertua izan da, aro berri bati ekiteko.
Zea Maysek jendetza bildu du Abandoibarran rock doinuekin
Elektrizitatea abestiak jendea saltoka eta kantuan jarri du, gaueko unerik txalotuenetako batean. Kontzertuak Francis Diez Doctor Deseo taldeko abeslariaren parte-hartzea izan du, eta elkarrekin abestu dute Corazón de tango abestia.
ETSk Bilbon emango duen kontzertua abuztuaren 25era aurreratu dute, ikuskizunetako teknikarien greba dela eta
Hasiera batean abuztuaren 26rako aurreikusita zegoen En Tol Sarmiento taldearen kontzertua datorren asteartean izango da azkenean, taldeak eta Bilboko Udalak aldaketa adostu ostean.
Natxo de Felipe berriro oholtzara igo da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.