Imagine Dragons, Bime Live jaialdiko plater nagusia, larunbat honetan
Musikaren industriari zuzendutako BIME azoka arlo horretan diharduten profesionalen topaleku da, berriro ere, egunotan. Hala bada, besteak beste, nazioarteko zein Estatu mailako talde ezagunen zuzenekoek leku garrantzitsua bete dute aipatu hitzorduan. Gaztea da bertako komunikabide ofiziala.
Dagoeneko abiatu da Bizkaia International Music Experience (BIME) topaketa, eta egitarau zabal batekin abiatu da. Hain zuzen ere, ezagutzak partekatzeko eta musikaren munduan lanean dabiltzanei negozio berrietarako aukerak zabaltzeko bidea izango da BIME. Oraingo honetan, Frantzia da herrialde gonbidatua, baina Latinoamerikak eta Alemaniak ere berebiziko protagonismoa izango dute azokan.
Asteazkenean, BIMEren baitan, Fest sarien banaketa ekitaldia hartu zuen Bilboko Guggenheim Museoak, eta ostegunean Bime City ekimenari ekin zioten. Horrela, Bizkaiko hiriburuko areto nagusietan doako kontzertuak egongo dira egunotan: Lucia Scansetti, Vita Bergenen eta Mamba Beat, adibidez.
Atzo -ostirala- iritsi zen egitarauko plater nagusia. Izan ere, Bime Livek bi eguneko kontzertu-sorta erakargarria prestatu du aurten ere. BEC! erakustazokan dira emanaldi guztiak. Crystal Fighters, Stereophonics, Richard Ashcroft, !!! (Chk, Chk, Chk), Everything Everything eta Imagine Dragons dira oholtza astinduko duten taldeetako batzuk, baina, hain arrakastatsuak izan ez arren, jarraitzaileen musika-egarria aseko duten beste zenbait artista ere gonbidatu dituzte: L.A., Savages, Sallie Ford, Zola Jesus, Iron And Wine, Matthew E. White...
Ordainketa sistema
Aurtengo edizioak berrikuntzak izango ditu ordaintzeko sistemari dagokionez ere. Eskumuturreko baten bidez egin beharko dituzte ordainketak BEC! erakustazokan biltzen diren musikazaleek, zuzenekoen gunean ez baita dirurik onartuko. (Informazio gehiago, hemen)
Sarrerak
Bi eguneko bonuak 69 euroko prezioa du. Eguneko sarrerek, berriz, 44 euro balio dute. Kanpalekura joanez gero, 50 euroan egongo dira eskuragarri.
Kontzertuak, egunez egun
Urriak 30, ostirala
CRYSTAL FIGHTERS
LOS PLANETAS
STEREOPHONICS
EVERYTHING EVERYTHING
THE GO! TEAM
MATTHEW E. WHITE
ZOLA JESUS
IRON AND WINE “Solo & Acoustic”
BENJAMIN CLEMENTINE
DARWIN DEEZ
GASPARD ROYANT
MAMBA BEAT
Urriak 31, larunbata
IMAGINE DRAGONS
RICHARD ASHCROFT
!!! (chk, chk, chk)
SUPERSUBMARINA
KAKKMADDAFAKKA
SAVAGES
MICHAEL KIWANUKA
POKEY LAFARGE
VILLAGERS
L.A.
NATHAN FAKE
SALLIE FORD
ASTRONAUTALIS
JAVI GREEN
Kontsulttu kontzertuen ordutegiak.
Zure interesekoa izan daiteke
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.