200 artistak gerraren aurkako oihua egingo dute Donostian
Donostiak gerraren aurkako oihu ozena egingo du gaur hasi eta martxoaren 27a bitartean, Stop War Festibala ekimenaren bitartez. 200 talde eta artista hirian paratutako lau agertokitan arituko dira, eta hausnarketa jardunaldi bat eta bakearen aldeko alkateen bilera ere prestatu dituzte topaketaren kariaz.
Egunez, Urumea ibaiaren ertzetan (Bilbo plaza, Okendo plaza eta Frantzia pasealekua) jarritako hiru agertokiek 50 ekimen baino gehiago hartuko dituzte: magia, antzerkia, musika… Oholtzotatik, kantautoreak, antzerki taldeak, Ttotelka txalaparta elektronikoa eta argia batzen dituen ikuskizuna, Mery May & The Muppets taldea, Urban 13 eta Argizulo Duben hip hop eta grafitia, Voltaia eta Rolling Dice taldea eta bertsolariak pasatuko dira.
Gainera, bi ikuskizun ibiltarik ere zeharkatuko dituzte hiriko kaleak. "Aldarri"k antzerkia, dantza eta zuzeneko musika uztartzen ditu, eta Boulevard zumardian eta Kale Nagusian ikusi ahalko da, ostiral-larunbatetan. Bestalde, Rockalean taldea hiriko kaleetatik harat-honat ibiliko da agertoki mugikor baten gainean rock doinuak eskainiz.
Gaueko programazioa
Maria Cristina zubiaren gainean jarritako agertokiak, Zubia izenekoak, hartuko ditu gaueko kontzertuak, eta zubitik bertatik eta Prim kaletik ikusi ahalko dira sei emanaldiak.
Ostiral honetan, Inna Modja Maliko artistak joko du 22:30ean, antolatzaileen hitzetan "Frantzian arrakasta handia duen eta erritmo itsaskorrak mezu sakonekin uztartzen dituen artista". Haren aurretik, 21:00etan, Niña Coyote eta Chico Tornado donostiar bikoak joko du.
Niña Coyote eta Chico Tornado 21:00etan taularatuko dira, ostiralean
Larunbatean, Gose (21:00) eta Bob Geldof & The Boomtown Rats (22:30) taldeen txanda izango da, eta igandean Esne Beltzak "Esna" bere azken diskoa aurkeztuko du, Nick Lowe musikariaren emanaldiaren ondoren.
Gainera, Gernikako Arbola pasealekuaren inguruan, gastronomia eskaintza zabala jarriko dute egunero, eguerdiko hamabietatik goizaldeko ordu bata arte. Mundu osoko jatekoak izango dituzte herritarrek eskura bertan.
Hausnarketarako beta
Horrez gain, Stop War Festibalak hausnarketarako leihoa ere zabalduko du, "Gerra hemen hasten da" programari esker. Larunbatean, hilak 26, udaletxeko osoko bilkuren aretoan, "Hiriak eta udaletxeak gerren aurrean" topaketa egingo dute, eta, besteak beste, bertan izango dira Manuela Carmena Madrilgo alkatea, Josep Mayoral i Antigas Granollers hiriko alkate eta Mayor for Peace elkartearen presidenteordea, Eneko Larrarte Tuterako alkatea, Julen Mendoza Errenteriakoa eta Eneko Goia Donostiakoa.
Ostiralean, hilak 25, Aieteko Bakearen eta Giza Eskubideen Etxean, hainbat hitzaldi eta eztabaida egingo dituzte, 09:00etatik aurrera, mundua astintzen duten gatazken inguruan.
Zirkulazioa, itxita
Jaialdian zehar, Maria Cristina zubia eta Gernikako Arbolaren pasealekua itxita izango dute ibilgailuek, baina oinezkoak une oro ibili ahalko dira trabarik gabe. Gainera, garraio publikoko zerbitzu batzuk indartuko dira, eta geltoki eta ibilbide batzuk aldatuko dira.
Agertokia geltokitik hurbilen dagoen tokian jarriko da, eta bi pantaila erraldoi egongo dira.
oi egongo dira.Zure interesekoa izan daiteke
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.