Shinova: 'Entzun nahiko genukeena egiten dugu'
Shinova taldeak "Volver" bere laugarren diskoa, gero eta publiko zabalagoa izatera eraman dituen lana, aurkeztuko du larunbatean, otsailak 17, Durangoko Plateruena kafe antzokian. 2016ko irailean kaleratu zutenetik, asteburua joan asteburua etorri Estatuko hainbat areto eta jaialditan jotzeko atea ireki die ekoizpen bikaina duen aurrekoak baino lan pausatuago honek.
Boskote geldigaitza etxean jokatzeko prest iritsiko da hitzordura, hil hasieran Joy Eslava Madrilgo aretoan emandako kontzerturako salgai jarri zituzten 900 sarrerak agortu eta gero, eta emanaldiaren ordua heltzeko "gogo handiz" daudela esan dute.
Gabriel taldeko kantariarekin hitz egin dugu, Durangoko kontzertuaren atarian.
Taldea "Volver" 2016ko irailean kaleratutako diskoaren aurkezpen bira bukatzear da. Zer eman dizue lan horrek?
"Volver" diskoak poztasun asko eman dizkigu, kaleratu genuen egunetik. Une izugarriak bizi izan ditugu azken urte honetan. Irakaspen hutsa izan da!
"Volver" izan zen, hain zuzen, Warner diskoetxe erraldoiarekin atera zenuten lehen diskoa. Ba al dago alderik? Zertan lagundu dizue horren babesak?
Warnerretik arreta eman ziguna, logoaz edo multinazional izaeraz harago, lantaldea izan zen, maila profesionalean zein pertsonalean, baita lan egiteko duten filosofia ere, gure ikuspegitik oso gertukoa baita.
Aretoetako bira bukatutzat eman eta gero, hainbat jaialditan joko duzue. Non aritzen zarete gusturago? Zer jaialdi da zuentzat bereziena?
Bi formatuak bateragarriak, osagarriak eta ezinbestekoak dira. Aretoek artistaren eta publikoaren arteko gertutasuna eskaintzen dute, eta jaialdiak oso baliagarriak dira erakusleiho gisara, taldea ezagutzera emateko, horrek gero eragin positiboa izan dezan aretoetarako biran.
Dudarik gabe, Sonorama Ribera oso jaialdi berezia da guretzat, betiko markatu gaituzten une ahaztezinak bizi izan baititugu bertan.
Shinova, Joy Eslava Madrilgo aretoa betetzen. Argazkia: Rodrigo Mena.
Plateruena aretoko kontzertuaren atarian, berezia da etxean jotzea? Zer eskainiko diozue publikoari?
Beti da berezia etxean aritzea, eta irrikan gaude, aspaldian ez baitugu berton jo. Ezusteko bat baino gehiago egongo da gainera.
Kitai madrildar taldea gonbidatu duzue zuekin jotzeko. Zer aurreratu ahal diguzu beraiei buruz?
Bakarrik esango dugu inor ez dutela epel utziko. Ikaragarri gustatzen zaizkigu.
"Volver" kaleratu zenutenetik etengabe aritu zarete kontzertuak ematen. Konposatzeko astirik izan duzue? Nolakoak dira kantu berriak?
Inoiz ez diogu uzten konposatzeari, eta seguru asko urte honen amaieran aterako ditugun ideia berriekin lanean ari gara. Funtsezko ideia betikoa da: entzun nahiko genukeen hori sortzea.
Argazkia: JP Fajardo
Zein dira zuen hurrengo helburuak?
Epe motzean, aurtengo gure helburu nagusia "Volver" areto eta jaialdietan agurtzea da, eta, jakina, musikak adierazteko ematen digun aukera baliatzen jarraitzea.
Zure interesekoa izan daiteke
2026an ez da Koba Live jaialdia egingo Abadiñon, erakundeek diru-laguntzak murriztu ondoren
Ohar batean, Sugaar musika elkarte antolatzaileak azaldu du Bizkaiko Aldundiak eta Abadiñoko Udalak diru-laguntzak murriztu izana dagoela erabakiaren atzean. Etena behin betikoa dela ere argitu du elkarteak, eta ez du baztertzen etorkizunean metal eta rock jaialdia berreskuratzea.
Zea Mays, euskara 30 urtez kantuz zabalduz
Bilboko Udalak, euskararen nazioarteko egunaren ospakizunaren barruan, Zea Mays taldea omendu du euskarari egindako ekarpen handiagatik. Esker onez eta hunkituta jaso dute, eta azpimarratu dute 30 urte gehiagoz euskaraz abesten ibiliko direla, munduan zehar.
ETS taldeak disko berriaren aurrerapen festa egin du, 8.000 lagunen aurrean
En Tol Sarmiento musika taldeak "Konkista" deituriko disko berria aurkeztuko du ostiralean, Durangoko Azokan. Hala ere, igande honetan entzunaldi festa egin du 8.000 lagunen aurrean, eta abesti berriak zuzenean jo ere egin dituzte.
Delirium Tremens taldearen azken kontzertua
Rock munduko euskal talde mitikoak azken kontzertua eman du bart Bilbon, Zarama, Zea Mays, Jotakie eta Baldin Bada taldeetako kideekin batera. Argitaratutako lau diskoetako abestiak ekarri dituzte gogora bertan.
BOSek umeentzako bi kontzertu egingo ditu Basurtuko Ospitalean
Bilbao Orkestra Sinfonikoko interpreteak Bilboko ospitale horretako Neonatologia Unitatean eta Pediatria Zerbitzuan arituko dira.
Hertzainak taldeko hiru kidek Elkar auzitara eraman dute, diskoetxeak taldearen eskubide digitalak urratu dituelakoan
EITBk jakin duenez, musika taldeko hiru kidek (Josu Zabala, Luis Javier Saiz 'Txanpi' eta Enrique Saenz 'Kike') diskoetxeari leporatzen diote taldearen eskubide digitalak kontraturik gabe kudeatu izana. Garik ez du bat egin salaketarekin.
Jimmy Cliff reggaearen mitoa zendu da
James Chambers izenez jaioa, jamaikar musikaria "Sittin' in Limbo", "King of kings", "Vietnam", "You Can Get It If You Really Want" eta "Many Rivers to Cross" kantuengatik zen ezaguna, besteak beste. The harder they come filmeko protagonista ere izan zen Cliff. Irudietan, Donostiako 2015eko Jazzaldian egin zuen kontzertua. 81 urte zituela zendu da.
Sara Zozayak 'Elurra' aurkeztu du, aurrera jarraitzeko kemena nabarmentzen duen bideoklipa
Donostiar artista honen aitak 1992an Gasherbrumera (Himalaia mendilerroa, Pakistan) abiatu zuen "Lau Haizeta" espedizioan oinarritutako lana da. Bidaia hartako irudiekin, paralelismo ederra egiten du alpinismoaren gogortasunaren eta Zozayaren bizipenen artean, beldurra gainditzeko ausardia islatuz.
Fito & Fitipaldis taldeak 'Aullidos Tour' bira abiatu du Santanderren aretoa beteta
Fito Cabrales bilbotarra buru duen taldeak Estatuko 28 hiritan joko du bira horren baitan, azken kontzertua eman zuenetik bi urte eta erdi igaro ondoren.
“Euskararen soinu bandak” jantziko du Euskalgintzaren Kontseiluko abenduaren 27ko ekitaldia
Abenduaren 27an “Bilbao Arena milaka euskaltzaleren indarrarekin betetzeko ekitaldi aldarrikatzailean” parte hartuko dute Gorka Urbizuk, Anarik, Gontzal Mendibilek, Amets Arangurenek, Joseba Tapiak, Maia Iribarnek, Benizzek, Miren Narbaizak eta Flako Fonkik.