Nicki Minaj, Halsey eta Rosalia BECen arituko dira, MTV sarien galan
Nicki Minaj, Halsey eta Rosalia artistak Barakaldoko Bilbao Exhibition Centre (BEC) erakustazokan igande honetan egingo duten MTV musika katearen sari-banaketan arituko direla jakinarazi dute. Egun horretan BECen jazotzen den guztia Viacomen kateetan (MTV, Comedy Central eta Paramount) ikusteko aukera izango dute musikazaleek. Aipatzekoa da, halaber, MTVk alfonbra gorriaren irudiak zabalduko dituela, 20:00etatik aurrera.
Kontzertuetako batzuk iragartzeaz gain, ekitaldia, besteak beste, Michael Peña eta Diego Luna aktoreek aurkeztuko dutela iragarri dute.
Minajek bi izendapen lortu ditu MTV sarietarako: artista onenarena eta look onenarena. Bestalde, Halsey eta Rosalia estreinakoz igoko dira aipatu sarien agertokira. Rosaliak, gainera, tokiko artista onenaren saria eskura lezake.
Hailee Steinfeld, galako aurkezlea
Hailee Steinfeld kaliforniar abeslari eta aktoreak ere aurkeztuko du gala, eta abestu ere egingo du, antolatzaileen arabera.
Steinfeldek Push onena aitortu zuen saria irabazi zuen iaz EMA sarietan, eta aurten ere izendatuen artean dago, pop artista onena hautatzeko sailean. Bigarren mailako emakumezko aktore onenaren Oscar sarirako ere izendatuta egon zen, True Gift Coen anaien filmean egindako lanarengatik.
Janet Jacksoni omenaldia egingo dio MTVk
MTV telebistak Janet Jackson AEBko abeslaria omenalduko du EMA 2018 sari banaketa ekitaldian.
Albiste gehiago musika
Olaia Inziartek EP berria kaleratu du, “Zura”
Hiru abestiz osatutako lana kaleratu du nafar musikariak, bere ibilbide artiskoaren “etapa berri baten hasiera”.
Bime jaialdiak zuzeneko musikaz eta profesionalentzako jarduerez beteko du Bilbo
Bime Prok eta Bime Livek, Last Tour enpresak antolatzen duen jaialdiaren bi aldeek, aste honetako agenda beteko dute: Rubén Blades, Mon Laferte, Fito, Leire Martínez, Zahara eta beste hainbat artistekiko topaketak eta Delaporteren, Villano Antillanoren eta Silitiaren kontzertuak egongo dira, esate baterako.
Ura Bere Bidean ekimenak emozioz eta sorpresaz bete du BEC, 11.000 pertsonarekin
Emozioa eta sorpresak ez dira falta izan bart BECen. 11.000 lagunek bete dute aretoa, Ura Bere Bidean ekimenarekin bat eginez. Euskal musikaren parte hartze zabala du aurtengo edizioak, urtero bezala Bilboko Orkestra Sinfonikoak lagunduta.
Ura Bere Bidean bueltan da, Evaristorekin, Leire Martinezekin, Sukenarekin eta Zea Maysen "Elektrizitatea"rekin
Musika sinfonikoa eta euskal musikaren klasiko herrikoiak batzen dituen kontzertua ezinbesteko hitzordua bihurtu da dagoeneko Euskal Herriko musika denboraldian. Bilboko Orkestra Sinfonikoak eta 24 talde eta artistak baino gehiagok euren musika uztartuko dute ostiral-larunbatetan, urriaren 24an eta 25ean.
Beste kontzertu bat emango du La Oreja de Van Gogh taldeak BECen
Donostiako taldeak 2026ko birako sarrerak agortzen eta data eta leku berriak iragartzen jarraitzen du. Abenduan BECera itzuliko dira.
Gorka Urbizuk “Bakan II” lan laburra kaleratu du
Nafar musikariak Abbey Road estudio mitikoetan grabatutako bi kantu bildu ditu bere disko berrian: “Diamantea” eta “Zilarra”.
Gorka Urbizu, EP berriarekin "urduri, liberatuta eta emozionatuta"
Gorka Urbizu musikariak bi kantuko EP bat kaleratu du gaur, "Bakan II". "Diamantea" eta "Zilarra" abestiak Abbey Road Londresko estudio mitikoetan grabatu ditu. Maite Eskarmendi Egun On saioko kazetariak elkarrizketa egin dio Urbizuri, aurkezpen ekitaldiaren aurretik.
?fmt=webp-alpha&qlt=80)
Latzen: "Memento mori"
Oñatiar taldea bueltan da! 1998an atera zuen "Ardi larruz" estudioko beren aurreko diskoa, duela 27 urte, eta orain "Memento mori" aurkeztu dute, "Denboraren orbainak" disko berria izango denaren lehen aurrerapena. Laukoteak Zorrotzan eta Hatortxu Rocken eman zituen etapa berri honetako lehen kontzertuak, eta, disko berria besapean, emanaldi gehiago egongo direla aurreratu dute.
Saldu egin dituzte La Oreja de Van Goghen kontzertuetarako sarrera guztiak, eta iragarri dute Barakaldon, Donostian eta Iruñean emanaldi gehiago egingo dituztela
Donostiako taldeak iragarri du hiru kontzertu gehiago egingo dituztela Euskal Herrian: maiatzaren 10ean, Barakaldon (BEC); abuztuaren 1ean, Donostian (Illunbe); eta azaroaren 21ean, Iruñean (Nafarroa Arena).
“La forza del destino” Verdiren operarekin irekiko du denboraldia ABAOk
Lau funtzio egingo dituzte, urriaren 25ean, hasita. Espainiako Gerra Zibilean girotu dute Giuseppe Verdiren drama erromantikoa.