MTVk EMA sarien galarako 2.500 sarrera 'esklusibo' banatuko ditu
Azaroaren 4an BECen ospatuko den 2018ko EMA sarien galarako 2.500 sarrera "esklusibo" banatuko ditu MTV musika kateak bere jarraitzaileen artean.
MTVk ohar bidez jakinarazi duenez, sarrera horietako bat lortzeko, urriaren 26an, 27an eta 28an BECen egingo den "MTV EMA Challenge" ekimenean parte hartu beharko da. Musika jarraitzaile "sutsuenak" bilatu nahi ditu MTVk, eta horiei oparituko dizkie sarrerak.
Jarraitzaile bakoitzak 60 segundo izango ditu bere gaitasunak epaimahaiaren aurrean azaldu eta 2.500 sarrera horietako bat merezi duela erakusteko. Irabazleek "lehen ilaran" ikusi ahalko dute MTV sariak banatzeko ekitaldia.
MTV EMA Challenge ekimenean parte hartu eta sarrera bat lortzeko baldintza bakarra dago: galaren eguna baino lehen 16 urte beteta izatea.
Belako talde mungiarra EMA (Europe Music Awards) sarietarako izendatuetako bat da.
Nola parte hartu:
Saria lortzeko, nahikoa da parte-hartzaileak gustuko duen abesti bat kantatzea, dantzatzea edota erritmoari nahi duen moduan jarraitzea. Helburua bakarra da: musikazale amorratua dela erakustea. Gainera, posible dute koreografia bat asmatzea, edo, nahi izatekotan, koadro bat margotzea, alegia, askatasuna izango dute castingean.
Hauek dira castingeko datak:
Urriak 26, ostirala: 14:00-19:00
Urriak 27, larunbata: 14:00-19:00
Urriak 28, igandea: 14:00-19:00
Albiste gehiago musika
Olaia Inziartek EP berria kaleratu du, “Zura”
Hiru abestiz osatutako lana kaleratu du nafar musikariak, bere ibilbide artiskoaren “etapa berri baten hasiera”.
Bime jaialdiak zuzeneko musikaz eta profesionalentzako jarduerez beteko du Bilbo
Bime Prok eta Bime Livek, Last Tour enpresak antolatzen duen jaialdiaren bi aldeek, aste honetako agenda beteko dute: Rubén Blades, Mon Laferte, Fito, Leire Martínez, Zahara eta beste hainbat artistekiko topaketak eta Delaporteren, Villano Antillanoren eta Silitiaren kontzertuak egongo dira, esate baterako.
Ura Bere Bidean ekimenak emozioz eta sorpresaz bete du BEC, 11.000 pertsonarekin
Emozioa eta sorpresak ez dira falta izan bart BECen. 11.000 lagunek bete dute aretoa, Ura Bere Bidean ekimenarekin bat eginez. Euskal musikaren parte hartze zabala du aurtengo edizioak, urtero bezala Bilboko Orkestra Sinfonikoak lagunduta.
Ura Bere Bidean bueltan da, Evaristorekin, Leire Martinezekin, Sukenarekin eta Zea Maysen "Elektrizitatea"rekin
Musika sinfonikoa eta euskal musikaren klasiko herrikoiak batzen dituen kontzertua ezinbesteko hitzordua bihurtu da dagoeneko Euskal Herriko musika denboraldian. Bilboko Orkestra Sinfonikoak eta 24 talde eta artistak baino gehiagok euren musika uztartuko dute ostiral-larunbatetan, urriaren 24an eta 25ean.
Beste kontzertu bat emango du La Oreja de Van Gogh taldeak BECen
Donostiako taldeak 2026ko birako sarrerak agortzen eta data eta leku berriak iragartzen jarraitzen du. Abenduan BECera itzuliko dira.
Gorka Urbizuk “Bakan II” lan laburra kaleratu du
Nafar musikariak Abbey Road estudio mitikoetan grabatutako bi kantu bildu ditu bere disko berrian: “Diamantea” eta “Zilarra”.
Gorka Urbizu, EP berriarekin "urduri, liberatuta eta emozionatuta"
Gorka Urbizu musikariak bi kantuko EP bat kaleratu du gaur, "Bakan II". "Diamantea" eta "Zilarra" abestiak Abbey Road Londresko estudio mitikoetan grabatu ditu. Maite Eskarmendi Egun On saioko kazetariak elkarrizketa egin dio Urbizuri, aurkezpen ekitaldiaren aurretik.
?fmt=webp-alpha&qlt=80)
Latzen: "Memento mori"
Oñatiar taldea bueltan da! 1998an atera zuen "Ardi larruz" estudioko beren aurreko diskoa, duela 27 urte, eta orain "Memento mori" aurkeztu dute, "Denboraren orbainak" disko berria izango denaren lehen aurrerapena. Laukoteak Zorrotzan eta Hatortxu Rocken eman zituen etapa berri honetako lehen kontzertuak, eta, disko berria besapean, emanaldi gehiago egongo direla aurreratu dute.
Saldu egin dituzte La Oreja de Van Goghen kontzertuetarako sarrera guztiak, eta iragarri dute Barakaldon, Donostian eta Iruñean emanaldi gehiago egingo dituztela
Donostiako taldeak iragarri du hiru kontzertu gehiago egingo dituztela Euskal Herrian: maiatzaren 10ean, Barakaldon (BEC); abuztuaren 1ean, Donostian (Illunbe); eta azaroaren 21ean, Iruñean (Nafarroa Arena).
“La forza del destino” Verdiren operarekin irekiko du denboraldia ABAOk
Lau funtzio egingo dituzte, urriaren 25ean, hasita. Espainiako Gerra Zibilean girotu dute Giuseppe Verdiren drama erromantikoa.