Camila Cabello izan da MTVren EMA sarietako irabazle nagusia, BECeko gala ikusgarrian
Camila Cabello izan da MTVren Europe Music Awards izeneko sarien galako irabazle nagusia. Sei golardo irabazteko aukera zuen eta lau eskuratu ditu, Barakaldoko BECen, 10.000 lagunen aurrean egin duten ekitaldian.
Kubatar jatorriko artista estatubatuarrak, gainera, kategoria nagusietan irabazi du: artista onena, abesti onena, bideoklip onena eta AEBko artista onena.
"Havana" kantak eman dizkio 2018ko bi MTV EMA: abesti onenarena eta bideoklip onenarena.
Gala gaueko bederatzietan hasi da, eta Hailee Steinfeld abeslari eta aktoreak aurkeztu du. Aurkezleak keinu bat egin dio Bilboko jendeari, hasierako agurrean "Kaixo" esanaz.
Gainera, Dua Lipa izendatu dute pop artista onena; Nikci Minaj, hip hop artista onena; 5 Secods of Summer taldeak irabazi du rock artista onenaren saria, eta Marshmellok, artista elektroniko onenarena.
Cardi Bk artista berri onenaren kategorian irabazi du, eta Panic! At The Disco taldeak, artista alternatibo onenarenean. Zuzenekorik onena Shawn Mendes kanadarrak egin duela erabaki dute bozka eman duten ikus-entzuleek.
Ariana Grandek, Post Malonek eta Drakek ez dute saririk irabazi, kategoria askotan izendatuta izan arren.
Tokiko artista onenaren sailean, bost izan dira lehian: Belako talde bizkaitarra, Viva Suecia, Brisa Fenoy, Love of Lesbian eta Rosalia. Viva Suecia Murtziako rock indie taldeak irabazi du. Mungiako taldeak EiTBren bidez eskertu dizkie zaleei emandako botoak.
Galan zehar, hainbat artistak jarri dute musika, baina Halsey, Rosalia, Nicki Minaj, Jason Derulo, David Guetta eta Janet Jackson izan dira horien artean aipagarrienak.
Janet Jackson estatubatuarra omendu dute sari banaketa ekitaldian, eta, horrez gain, ikono globalaren saria eman diote.
BECeko ekitaldiak amaiera jarri dio MTV Music Week Bizkaiari.
Zure interesekoa izan daiteke
Señeak egonaldiak musika gerturatuko die gazteei
Señeak Bizkaia Rock Kanpusak "lehen mailako euskal artistekin" ikasteko aukera eskaintzen die 14 eta 17 urte bitarteko gazteei.
Kneecap taldea Bilbora itzuliko da, ekainean
Bilbao BBK Live jaialdiaren iazko edizioan jo eta gero, Belfasteko hirukoteak “Fenian” disko berria aurkeztuko du oraingoan, Santana 27 aretoan, ekainaren 8an.
Pepo Márquez: “Jada ez dago kontsumo kultural kaltegaberik”
“Antineutral” saiakeran, musikari eta musika industriako profesionalak musika lurralde neutrala izan ote daitekeen galdetzen dio bere buruari (spoilerra, ez), eta inbertsio funtsek, joko eremu horretan sartuta, hankaz gora jarri duten industriaren zentzu kulturalean sakontzen du.
Izaro abenduan itzuliko da, disko berriarekin
Mallabiar kantariak “Arkitektura” disko berria kaleratuko duela iragarri du. 2027ko urtarrilean aurkeztuko du lan hori zuzenean, Irunen.
Arriagak ireki eta Fallak itxiko du Musika-Música jaialdia
Bilboko jaialdiaren 25. edizioa Arriagan hasi, eta Euskalduna jauregian egingo da martxoaren 6, 7 eta 8an.
Baga Bigak 20 urte bete ditu, euskal musikagintzaren ikur bilakatuta
Euskal taldeak eta artistak kudeatzeaz arduratzen dira Baga Bigan, eta horien estrategia lantzen dute: kontzertuak, grabazioak... Urteurrena ospatzeko, Baga Bigak kontzertu berezia antolatu du gaur, larunbata, Euskaldunan, beraiekin aritu diren talde eta artista askorekin elkarlanean.
“Rosas” La Oreja de Van Goghen kantuak mila milioi entzunaldiko marka gainditu du Spotifyn
Donostiako taldearen kantua “Let It Be”, “Imagine”, “Knockin’ On Heavens Door” edo “Like a Prayer” baino gehiago entzun da plataforma horretan.
Judith Jaureguik Victoria Eugeniara eraman du "Homeland"
Donostiar piano-jotzaileak bere hiriko antzokian ("oso leku berezia niretzat") aurkeztu du bart disko berria, Griegen pianorako kontzertua eta Manuel de Fallaren "Noches en los Jardines de España" biltzen dituen lana. Errezitaldian, Chopin, Grieg, De Falla, Komitas Vardapet, Villa-Lobos eta Ginasteraren piezak errepasatu zituen Jaureguik. Datorren hilean, Bilbon (martxoak 7 eta 8), Errenterian (martxoak 26) eta Donibane Lohizunen (martxoak 28) joko du.
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.