Euskadiko Orkestrak Erromantizismoari begiratuko dio 2020/2021 denboraldian
Euskadiko Orkestrak izana eta izena aldatuta egingo du 2020/2021 abonu denboraldia, irailaren 25ean Gasteizen hasi eta 2021eko ekainaren 17an hiri berean amaitu bitartean. “Euskadiko Orkestra” izena erabiliko du aurrerantzean taldeak (EO, OSE, EOS eta gainerakoak baztertuta), marka indartzeko, eta nazioartean “Basque National Orchestra" gisa aurkeztuko du bere burua.
Hain zuzen, nazioartera itzultzeko asmoa du taldeak. 2021eko apirilean Udine, Bergamo, Brescia (Italia) eta Zabgreb (Kroazia) bisitatu nahi dituzte.
Lehenengo bi abonu programetan aldaketak egongo dira, dena dela, covid-19aren pandemiaren ondorioz, edukieraren % 50 bakarrik bete ahal izango dutelakoan: lehenengoan Schuberten lanak joko dituzte, saio bikoitzaetan (18:00 eta 20:15), eta bigarrenean Wagnerren lanak entzungo dira eta kontzertu bat baino gehiago joko dute hiri bakoitzean.
Salbuespen horiek kenduta, Bilbo, Donostia eta Iruñeko kontzertuak 19:30era aurreratzea erabaki dute, baina Gasteizen 20:00etako ordutegiari eustea erabaki dute, hiri bakoitzean egindako inkesten emaitzetan oinarrituta.
Erromantizismoa
Denboraldiaren ardatza Erromantizismoa izango da oraingoan: Schubert, Schumann… Eta Wagnerrek ideia eta mugimendu kultural hori nola hautsi zuen ere erakutsi nahi du Orkestrak.
Gainera, euskal musikari dagokionez, “Elkano: Mundubira” proiektuaren beste pieza bat aurkeztuko du Euskadiko Orkestrak: Mikel Urquizak hartuko du lekukoa, maiatzean estreinatu ezin izan zen “Nire itsas munstroak” obrarekin.
Halaber, Euskadiko Orkestrak, Kalakanekin, Aire Ahizpekin eta Amets Arzallusekin batera, Xalbador bertsolariaren irudia ardatz duen grabazio bat egingo du.
Abonu eta sarreren salmenta apur bat aurrerago jarriko dute martxan, egungo egoera nahasia argitutakoan.
Zure interesekoa izan daiteke
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.
ABAOk “Werther” Jules Masseneten opera taularatuko du urtea hasteko
Celso Albelo, Annalisa Stroppa, Lucía Iglesias eta Angel Odena izango dira frantziar erromantizismoaren lan gailenaren lau emanaldiotako (urtarrilak 17, 20, 23 eta 26, Euskaldunan) protagonistak.
Euskadiko Orkestrak Strauss, Brahms eta Arriaga interpretatuko ditu denboraldiko bosgarren programan
Rachel Willis-Sorensen sopranoa eta Jaime Martin flauta-jotzaile eta zuzendaria izango ditu lagun euskal orkestrak urtarrilaren 12tik 16ra Donostian, Gasteizen, Iruñean eta Bilbon egingo dituen emanaldietan.
Hamar urte David Bowie gabe
“Kameleoia” duela hamar urte zendu zen, ondare gaitz eta pizgarria utzita.