2026an ez da Koba Live jaialdia egingo, erakundeek dirulaguntzak murriztu dituztelako
Ohar batean, Sugaar musika elkarte antolatzaileak azaldu du Bizkaiko Aldundiak eta Abadiñoko Udalak dirulaguntzak murrizteak ekarri duela erabakia. Hala ere, antolatzaileek adierazi dute etenaldia ez dela behin betikoa, ez dute baztertzen etorkizunean metal eta rock jaialdia berreskuratzea.
2026an ez da Koba Live jaialdia egingo Abadiñon, arrazoi ekonomikoak direla eta. Hori jakinarazi du gaur ekimenaren antolatzaile den Sugaar Musika Elkarteak, ohar bidez. Bertan zehaztu denez, Bizkaiko Foru Aldundiak eta Abadiñoko Udalak ematen dituzten dirulaguntzak murrizteak eragin du erabakia hartu behar izatea.
2020an ibilbideari ekin, eta lau urtez jarraian antolatu dute metal eta rock festibala. Iazko edizioa “galera ekonomikorik gabeko lehena” izan bazen ere, erakundeek laguntzak murriztu dituztenez, ezinezkoa zaie jaialdiaren kalitatea zein segurtasuna bermatzea. “Horren aurrean, nahiago izan dugu alde batera egitea”, azaldu dute oharrean.
Nolanahi ere, ez da behin betiko agurra: “Gure asmoa ez zen hau, baina ez zaigu beste erremediorik geratu. Behin betiko edo laster arteko agurra esan nahi duen denborak esango du, elkarteak ez baitu baztertzen etorkizunean Koba Live berriro antolatzea”.
Azken urteotan jasotako babesa eta proiektua martxan jartzen lagundu zutenen laguntza eskertu dute antolatzaileek. "Bereziki, gure kobazale eta crewari, horiek gabe Koba Live ez litzateke eta posible izango".
Zure interesekoa izan daiteke
Sun Ra Arkestraren izpiek Gasteiz argitu dute
Estatubatuar talde beteranoak publikoa ase du bart Gasteizko jazz jaialdian, Mendizorrotzan.
Take 6 ahots taldeak Mendizorrotzako kontzertuak abiatu ditu, Gasteizko jazz jaialdian
Gretchen Parlatok eta Take 6 ahots seikoteak osatu dute Gasteizko Jazz Jaialdiko Mendizorrotzako kontzertuen lehen gaueko kartela. Larunbatera arte entzungo da jazza Arabako hiriburuan.
Niko Etxart “euskal rock n’ roll”aren aitzindariari gorazarre
Zuberotar kantautoreak hitzordu bikoitza du publikoarekin: azaroaren 21ean, Getxon, eta azaroaren 28an, Donibane Lohizunen. Bere ibilbideko kantu esanguratsuenak, Zuberoako kantu tradizionalak eta hainbat kolaborazio entzun ahalko dira emanaldiotan, eta ETBk Getxokoa filmatuko du.
XVIII. mendeko meza bat eta Carlos Menaren itzulera eskainiko ditu Arabako Antzinako Musika Asteak
Musika jaialdiaren 44. edizioa, Iruña Okako Santa Katalina lorategira eta Andetxara ere iritsiko da, Gasteizera ez ezik.
Bilbao BBK Live jaialdiak amaiera borobila eman dio bere 20. urteurrenaren ospakizunari
Bilbao BBK Live jaialdiak amaiera borobila eman dio bere 20. urteurrenaren ospakizunari, hiru egunetan Kobetamendi belaunaldien, kulturen eta musika ulertzeko moduen arteko topagune bihurtu ondoren. 112.500 pertsonak baino gehiagok gozatu dute aurtengo programazioaz, aniztasun artistikoak eta hiriaren zein naturaren arteko loturak sendotuz. Jaialdiak nazioarteko izaera baieztatu du, Bilborekin eta hurbileko talentuarekin duten lotura estua galdu gabe.
Arde Bogotak Kobetamendi girotu du, iragarri gabeko agerraldi batekin BBK Live jaialdian
Talde murtziarra Kobetamendiko agertoki nagusira igo da larunbat arratsaldean, BBK Live jaialdiaren unerik gogoangarrienetako batean. 'Bigger Splash' abesti berriaren izenpean iragarrita, taldea ia oharkabean igaro da karteletan.
Robbie Williamsek poparen errege izaten jarraitzen duela erakutsi du BBK Liven
Kantari britainiarrak Kobetamendin aurkeztu du bere azken lana, pop festa handi batean, musika, umorea, nostalgia eta futbola uztartuz. Horrela, Williamsek BBK Liven erakutsi du poparen erregea izaten jarraitzen duela.
Robbie Williams zain da Kobetamendin
Britainiar musikariarena da jaialdiko bigarren jardunaldiko izen nagusia, baina beste artista eta talde interesgarri asko egongo dira gaur Bilbao BBK Liveko agertokietan: Marte Lasarte, La M.O.D.A., Alabama Shakes, Belle and Sebastian, Tomora, Soulwax…
Abian da 2026ko BBK Live jaialdia!
Gaur, uztailak 9, hasi da jaialdia Bilboko Kobetamendi parkean, eta uztailaren 11ra arte luzatuko da. Aurten 20. urteurren berezia ospatzen du topaketak, eta nazioarteko zein etxeko artistak bilduko ditu hiru egunetan zehar. Kobetamendiko eszenatokietan Robbie Williams, Calvin Harris, Lily Allen eta Interpol bezalako izen handiak arituko dira, Aimarz edo Gar bezalako euskal taldeekin eta tokiko talentuarekin batera, giro paregabean.
Bonnie Tylerren ibilbidea, bost abestitan
Galesko artista mitikoa 75 urterekin hil da, baina 80ko hamarkadako pop-rockaren ikur bilakatu zenak kantu zoragarriak utzi ditu bere ibilbidean zehar, oraindik bizi-bizirik dirautenak. Horietako bost errepasatu ditugu.