Osakidetzaren EPErako izen-ematea ireki da, eta probak datorren udazkenean egingo dira
Osakidetzaren 2023, 2024 eta 2025 urteei dagokien EPEan izena emateko bigarren fasearen epea zabalik da, gaurtik aurrera. Oraingo honetan 41 kategoriatan formalizatu ahal izango da izen-ematea, eta azterketak urria eta azaroa bitartean egingo dira.
Izena emateko epea Osakidetzaren webgunean egongo da zabalik, ekainaren 2tik 29ra, 14:00ak arte. Aurreko fasean bezala, Osakidetzak hautagaien eskura jarriko du izena eman duten kategoriari dagokion galdera-sorta. Enplegu-deialdiaren berritasun nagusietako bat test motako proba bakarra egitea da, alderdi teorikoa eta praktikoa bilduko dituena, eta hurrengo hiru urteetan nota gordetzeko aukera.
Deialdia ondorengo kategoria profesionaletarako izango da:
- F.E. Larrialdietako medikua
- F.E. Ospitale-pediatriako medikua
- F.E. GSU-ko medikua
- F.E. Psikologo kliniko teknikaria
- Farmazialari teknikaria
- Odontologo teknikaria
- Liburuzaina
- Ekonomiako goi-mailako teknikaria
- Informatikako goi-mailako teknikaria
- Letradu korporatiboa
- Juridikoko goi-mailako teknikaria
- Mantentze-lanetako eta instalazioetako goi-mailako teknikaria (Goi-mailako ingeniaria)
- Euskararen normalkuntzako goi-mailako teknikaria
- Antolakuntzako goi-mailako teknikaria
- Ergonomia, prebentzio eta psikosoziologiako goi-mailako teknikaria
- Segurtasun eta higienearen prebentziorako goi-mailako teknikaria
- Optika eta optometrian diplomaduna
- Lan-osasuneko erizaina
- Osasun mentaleko erizaina
- Emagina
- Terapeuta okupazionala
- Administrazio eta kudeaketako erdi-mailako teknikaria
- Mantentze-lanetako eta instalazioetako erdi-mailako teknikaria (Ingeniari teknikoa)
- Gizarte-langilea
- Anatomia patologiko eta zitologiako teknikari espezialista
- Audioprotesiko teknikari espezialista
- Dietetikako teknikari espezialista
- Osasun-dokumentazioko teknikari espezialista
- Erradiodiagnostikoko teknikari espezialista
- Erradioterapiako teknikari espezialista
- Sukaldaria
- Informatikako teknikari espezialista
- Elektromedizina instalazioetako teknikari espezialista
- Farmaziako laguntzailea
- Garraio sanitarioko gidaria
- Larrialdietako ibilgailuen gidaria
- Jostundegiko ofiziala
- Berogailua mantentzeko ofiziala-iturgina
- Mantentze elektrikoko ofiziala
- Instalazioen mantentzeko ofiziala
- Mantentze mekanikoko ofiziala
Lehenengo azterketak, ekainean
Lehen faseko izen-ematea amaituta, 101.000 pertsonak baino gehiagok formalizatu dute EPE honetan parte hartzeko eskaera. Azterketak BECen egingo dira ekainaren 19an, 20an eta 21ean. Bigarren fasearen kasuan, probak urria eta azaroa bitartean egitea aurreikusten da. Horrela, gainerako kategorietarako hirugarren fasearen deialdia bakarrik geratuko litzateke, eta uda ostean irekitzea aurreikusten da.
Guztira, 23-24-25 EPEak 5.425 plaza eskainiko ditu 107 lanbide-kategoriatarako. Deialdi honekin, Eusko Jaurlaritzako Osasun Sailak eta Osakidetzak sendotu egin dute Osakidetzako plantilla egonkortzeko eta sistema publikoa indartzeko egindako apustu irmoa.
Zure interesekoa izan daiteke
Etxebizitza eraikin bat hustu dute Zizur Nagusian, sute baten ondorioz
Gaur arratsaldeko lehen orduan piztu da sua Zizur Nagusiko etxebitza batean, eta ondorioz, eraikinean bizi diren 14 familiak atera egin behar izan dituzte; kanpoan igaro beharko dute gaua. Ez da inor zauritu.
Urdaibai, telebista-plato erraldoi bihurtuko da natura zuzenean erakusteko
‘Bizi Natura’ programak zuzenean, denbora errealean, erakutsiko du Urdaibaiko basabizitza. BBCk asmatutako formatua Britainia Handitik kanpo egiten den lehen aldia da eta hiru astez emitituko da ETB1 ETB2 eta ETB On plataforman.
Euskadik eta Kanadak batzorde bat sortuko dute "San Joan" ontziak Labrador penintsulara egingo duen bidaia prestatzeko
1565ean Red Bayn hondoratutako euskal baleontziaren erreplikak “zeharkaldi zoragarria” egingo du Kanadaraino, Phillip Earle Labradorko parlamentariaren hitzetan.
Unibertsitatera Sartzeko Probari buruz jakin beharrekoak: ordutegiak, beharrezko dokumentazioa, baimendutako eta baimendu gabeko materialak eta abar
Milaka ikaslerentzat aste erabakigarria da honakoa, asteartetik ostegunera Unibertsitatera Sartzeko Probak egin beharko baitiztuzte. Ikasten ez dugu lagundu, baina, informazio praktikoa bildu dugu, baliagarri izateko asmoz.
Urdaibai Bird Center: 25 urte hegaztien paradisua babesten
Urdaibai Bird Center erreferentziazko gune bihurtu da azken urteetan. Duela ia hogeita bost urte hasi ziren lanean, bertako altxorra bisitarien begi bistan jartzeko helburuarekin. Urte horietan guztietan izandako mugarriei eta esku artean dituzten erronkei buruz galdetu diegu arduradunei.
Bi adin txikiko atxilotu dituzte Gasteizen, gazte bat hiltzen saiatzea egotzita
Erasoa Gasteizko Zaramaga auzoan gertatu da. Biktima (25 urtekoa) konorterik gabe aurkitu dute kalean, bizkarrean bi labankada zituela.
Errenteriako Udalak berretsi du biktimak babestea eta horien nahia errespetatzea izan duela beti lehentasun
Prentsaurrekoan, Errenteriako alkateak jakinarazi du Xenpelar Bertso Eskolako eraso matxistak Adingabeen Fiskaltzaren esku daudela dagoeneko.
Hasi dira sanferminetako hesia muntatzen
Guztira, 900 zutoin, 2.700 ohol eta 80 ate jarriko dituzte, entzierro txikiaren zatia, entzierroaren ibilbidea eta zezen-plazaren barrualdea mugatzeko.
Egoitza bat, bi estadio eta lau partida: honelakoa da 2030eko Munduko Txapelketarako euskal proposamena
Euskal erakundeek Bilbo eta Donostiaren arteko hautagaitza bateratua proposatu diote FIFAri 2030eko Munduko Txapelketako partidak hartzeko. Proposamenak FIFAren eskakizunen diru- eta antolakuntza-eragina murriztea du helburu, Euskadik egoitza izateari uko egin gabe.