Musika Bulegoa sariak, Belako, Petti, Izaro, Ander Telleria eta Sara Zozayarentzat
Musika Bulegoak urteroko bere sariak banatu ditu gaur arratsaldean, asteazkenarekin, Biarritzen, Atabal aretoan. Sarituek Fernando Mikelarena artistak diseinatutako eskultura bat jaso dute, eta horietako bederatzik 2.000 euro ere bai. EKE Euskal Kultur Erakundeak garaikurra soilik jaso du, EHMBE Ohorezko Sariaren irabazle gisa.
Euskal Herriko Musika Bulego Elkarteak bertoko artista, talde edo musika proiektuek aurreko urtean egindako lana saritzen du ekimen honetan. Aurtengo ediziorako, 107 proposamen jaso dituzte, eta zortzi kideko epaimahai batek ebatzi ditu irabazleak.
Ander Telleria, Arineketan, Belako, Brais Novoa Loira, Izaro, Noa & The Hell Drinkers, Petti eta Sara Zozayaren azken lanak aukeratu ditu epaimahaiak. Horrez gain, EKE Euskal Kultur Erakundeak EHMBE Ohorezko Saria eskuratu du, “prestakuntzan, sentsibilizazioan, hedapenean eta ekoizpenean egiten duen ekarpena dela medio”, eta Korrontzi taldeak Etxepare Euskal Institutuaren Musika Saria irabazi du “euskal musika nazioartera eramaten egiten duen lana” dela eta.
Denetariko sarituak
“Horos” Ander Telleria soinu-jotzailearen diskoaren “musika kalitatea, interpretazio zaindu eta zorrotza” goraipatu ditu epaimahaiak, baita Arineketan taldearen (Jagoba Astiazaran txistularia eta Iñigo Sastre pianista) “originaltasuna eta ideia abian jartzeko gaitasuna” eta “Madera quemada” Brais Novoaren diskoaren “kalitatea, nortasuna eta konposizio teknika” ere.
“Plastic drama” Belakoren diskoari “Euskal Herriko egungo musika panorama ulertzeko edo deskribatzeko ezinbesteko diskoa” iritzi diote epaimahaiko kideek, eta Izarori “gizartearekin naturaltasunez eta hurbiltasunez konektatzeko gaitasuna” igarri diote “Limones en invierno” diskoan.
Noa & The Hell Drinkers taldearen “Craft Blues” diskotik “musika tresnak jotzeko modua eta emakume ahots txundigarria” azpimarratu dituzte, eta “Manipulazio estrategiak” Pettiren diskoa “estilo oso pertsonalagatik, oso ondo landutako letrengatik eta rockaren eta folk amerikarraren arteko nahasketagatik” saritu dute.
Azkenik, “(I)” Sara Zozaya abeslari, konpositore eta multinstrumentistaren lana “proiektu landua” iruditu zaie, proposamen interesgarria “bai musikari bai irudiari dagokienez”.
Epaimahaia Elixabete Etxebestek, François Mattonek, Iratxe Reparazek, Itziar Larrinagak, Javier Escorzok, Maddi Aranak, Nerea Furiak eta Txomin L. Aramaiok osatu dute.
Zure interesekoa izan daiteke
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.