Ura Bere Bideanek musika sinfonikoa, kantu klasikoak eta ahots ezagunak uztartuko ditu berriz
2021eko abenduan lehen edizio arrakastatsua egin eta gero, Ura Bere Bidean ekimenak musika sinfonikoa, 1970eko hamarkadatik gaur egunera arte euskal musikariek idatzitako kantu klasikoak eta ahots ezagunak batuko ditu berriro.
Ura Bere Bidean '22, EITBren parte-hartzea duen ikuskizuna, urriaren 22an egingo dute BECen, Barakaldon, 20:00etatik aurrera, ETBren kamerak bertan direla, Gabonetan telebistan emateko. Bilboko Orkestra Sinfonikoarekin eta Bilboko Koral Elkartearekin batera, Fernando Velazquezek gidatuta, Mikel Urdangarinek, IZAROk, Anje Duhaldek, Marenek eta Gatibu, Zea Mays, En Tol Sarmiento, Bulego, Mäbu, Amak, Shinova, Urtz, EH Sukarra eta Su Ta Gar taldeetako kideek kantatutko dute.
Kantuon bertsio sinfonikoak grabatu dituzte dagoeneko BOSeko musikariek eta artistek, eta uztail amaieratik aurrera argitaratuko dituzte kontzertuaren egunean oholtzaratu ikusi baino lehen.
Aurten, ikuskizunean joko dituzten kantuen bertsio sinfonikoen partitura laburtuak egingo dituzte, abesbatzen artean eta musika irakaskuntzako zentroetan zabaltzeko.
Ura Bere Bideanen lehen ediziora joan zirenek gaurdanik, maiatzak 9, eros ditzakete bigarren edizio honetarako sarrera, "proiektua gauzatu ahal izaten lagundu zutelako esker ona erakusteko". Gainerakoek maiatzaren 25etik aurrera erosi ahalko dituzte txartelak.
Albiste gehiago musika
Fermin Muguruza: "Bira garrantzisua izan da ikusteko non nengoen, non egon naizen eta non nago orain"
Fermin Muguruzak birako azken kontzertua eskainiko du bihar, Iruñean. Berezia izango dela dio musikariak; izan ere, familia eta ezagunak izango ditu bertan. Muguruzak errepasoa egin du azken bira honek utzitako momenturik goxoenak azalduz; horien artean, Madrilgo kontzertua eta birak utzitako irakaspenak.
Taylor Swiftek 'The Life of a Showgirl' estreinatu du eta poparen erreginaren tronuari eutsi nahi dio
'The Life of a Showgirl' lanak pop zirraragarria, antzerkigintza eta eszenatokien gainean eman dituen ia bi hamarkaden errepasoa uztartzen ditu. Artista bere musikaren inoiz baino jabeago ageri da.
Sarako leizeak, ozenki marrumaka
Urriaren 4an eta 5ean, Marrumaka jaialdia egingo dute Sarako leizeen arkupetan; Gorka Urbizuk, Ibil Bedik, Kaskezurrek, Ezezezek eta Lumik joko dute, bestek beste.
Euskal Herriko musika sektorearen topagune profesionala, Tabakaleran
Gaur hasi eta bihar, asteazkenarekin, bukatuko da Must + Pro, “musikaren profesionalek elkarren esperientzien berri izateko, sektorearen erronkei buruz hausnartzeko eta lotura berriak sortzeko ekitaldia".
Euskadiko Orkestrak Berlioz eta Ravelen lanekin abiatuko du denboraldi sinfoniko berria
Irailaren 29an Gasteizko Jesus Guridi kontserbatorioan joko dute, irailaren 30ean eta urriaren 1ean Kursaalen, urriaren 3an Baluarten eta urriaren 4an Euskaldunan.
Kneecap taldeko abeslariaren aurkako "terrorismo" salaketa bertan behera utzi dute
Taldeko managerrak pozik hartu du erabakia, eta honakoa esan du: "Kneecap historiaren alde egokian dago; Erresuma Batua, ez".
Etzakit taldea agertokietara itzuliko da: 'Lauak berriro elkartzea polita iruditzen zitzaigun'
Lehen kontzertua eman eta zehatz-mehatz 31 urtera –taldearen lehen emanaldia 1995eko Errege bezperan izan zen–, Etzakit hernaniar triki pop taldea agertokira itzuliko da, 2026ko urtarrilaren 5ean, Oialume dantzalekuan, “etxean”. Xabier Solano (trikitia eta ahotsa), Jon Mari Beasain (gitarra), Aitor Zabaleta (baxua) eta Ander Barrenetxea (bateria) batera oholtzaratuko dira berriz, 2003an taldearen ibilbidea amaitutzat eman eta gero, Etzakit (Elkar, 1998) eta Goiz edo noiz? (Elkar, 2000) diskoetan bildu zituzten kantuak berreskuratzeko.
Massive Attackek, beste 400 artistarekin batera, Israelen presentzia duten plataforma guztietatik kendu du bere musika
Primal Scream, Mogwai, Sleaford Mods, Arca, Ana Tijoux eta Japanese Breakfast taldeek, besteak beste, "No Music For Genocide" kanpaina babestu dute, eta Spotifyk teknologia militarrean egindako inbertsioak kritikatu dituzte.
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.