John Eliot Gardiner zuzendariak inauguratuko du Donostiako Musika Hamabostaldia
Donostiako Musika Hamabostaldiaren 83. edizioa abuztuaren 2an hasiko da, asteartearekin, eta abuztuaren 27an bukatuko da, larunbatean. Denboraldi honetarako, hirurogeita hamar kontzertu eta ikuskizun baino gehiago antolatu dituzte, nagusiki Donostian, baina baita Gipuzkoako, Arabako, Nafarroako eta Lapurdiko hainbat herritan ere.
Gaur, antolatzaileek Kursaal Auditorioko eta Victoria Eugenia antzokiko programazioa iragarri dute.
John Eliot Gardiner zuzendariak, English Baroque Soloists ensemblearen eta Monteverdi Choir talde koralaren gidari, izango du Kursaal Auditorioko kontzertu handiak inauguratzeko ardura, abuztuaren 2an. Ganbera talde moduan, Carissimi, Scarlatti eta Schutz konpositoreen obraz osatutako programa interpretatuko dute.
Gainera, abuztuaren 5ean, Euskal Herriko Gazte Orkestra (EGO) eta Kanarietako Orkestra Gaztea arituko dira, Mahler konpositorearen 3. sinfonia interpretatzen.
Aurten 125 urte dira Pablo Sorozabal (Donostia, 1897 - Madril, 1988) jaio zenetik, eta, ospatzeko, Hamabostaldiak La tabernera del puerto (Portuko tabernako neska) zarzuelaren kontzertu bertsioa berreskuratuko du abuztuaren 7an, Unai Urrechoren zuzendaritzapean.
Abuztuaren 12an eta 14an, opera itzuliko da Hamabostaldira, pandemiaren eraginez bi urtez programaziotik kanpo geratu ondoren. Kursaalek La Fille du Régiment (G. Donizetti) opera komikoaren ekoizpen berri baten estreinaldia hartuko du, Musika Hamabostaldiak Guillermo Amayari eskatutakoa.
Jordi Bernàcer musika zuzendariaren gidaritzapean, rol nagusiak Elena Sancho-Pereg sopranoak eta Xabier Anduaga tenorrak interpretatuko dituzte. Euskadiko Orkestrak eta Easo Abesbatzak ere hartuko dute parte.
Euskadiko Orkestra abuztuaren 20an itzuliko da Kursaalera, Wayne Marshall zuzendari duela, Indira Mahajan sopranoak, Eric Greene baritonoak eta Andra Mari Abesbatzak lagunduta, musika amerikarrez osatutako programa eskaintzeko.
Abuztuaren 21ean, Frankfurteko Irrati Orkestra Hamabostaldira itzuliko da, abuztuaren 26 eta 27an Txekiar Orkestra Filarmonikoak joko du, azken horretan, besteak beste, Katia eta Marielle Labèque pianistek lagunduta.
Gainera, Victoria Eugenia antzokian, Ballet Flamenco de Andaluciak El maleficio de la mariposa (Tximeletaren sorginkeria) interpretatuko du abuztuaren 17an, eta Víkingur Olafsson pianistak joko du abuztuaren 22an.
Donostiako 83. Musika Hamabostaldia, gainera, beste ziklo batzuek ere osatuko dute: Antzinako Musika eta Ganberako Musika, San Telmo Museoan; Organoa, Musika Garaikidea, Interprete Gazteak, Musika Aitzaki ziklo ibiltaria, Inaugurazio Eguna, Haurren Hamabostaldia eta Tabakalera Dantzan. Programazio osoa datozen asteetan emango dute ezagutzera.
Hamabostaldiaren Lagunek beren abonuak eta sarrerak gordetzeko epea datorren ostiralean, maiatzak 13, amaituko da, eta sarreren salmenta orokorra ekainaren 20an hasiko da.
Zure interesekoa izan daiteke
Pantxoa eta Peio bikoak azken bira bat egingo du agur kontzertuen aurretik
2027ko urtarrilaren 9 eta 10ean BECen azken kontzertuak egin aurretik, bikote historikoak bost kontzertu eskainiko ditu Santutxu Bilboko auzoan (maiatzaren 9an), Baluarte Iruñeko jauregian (maiatzaren 24an), Lesakan (irailaren 5ean), Bergaran (irailaren 16an) eta Lauga Baionako kiroldegian (abenduaren 11n). Sarrerak astelehenean (apirilaren 13an) jarriko dituzte salgai.
BOSek Euskaldunara eramango du Kobetamendi
Ostiralean, apirilak 10, Bilbao Orkestra Sinfonikoak Bilbao BBK Live jaialdian jo duten hainbat talde eta musikariren kantuen bertsio sinfoniko berriak interpretatuko ditu, Euskaldunan. Talde eta artista hauen abestiak prestatu dituzte: The Cure, Depeche Mode, Arcade Fire, Pulp, Radiohead, The Strokes, Florence + The Machine, Muse, R.E.M., Guns N’ Roses, Coldplay eta Rosalía, besteak beste.
Olaia Inziartek "Zerrautsa" diskoa aurkeztu du Bilbao Basque Festen
Olaia Inziarte abeslariak Zerrautsa izeneko bere bigarren diskoa aurkeztu du Bilbao Basque Fest jaialdian. “Zerrautsa” bere barrura egindako bidaia bat da, ahultasunari eta emozioei tartea eginez.
Lan Eskaintza Publikoa egingo da, Donostiako Jazzaldiaren zuzendari berria hautatzeko
Lanpostua aldi baterako betetzeko hautaketa prozesuak ez du emaitzarik eman, bi hautagaik uko egin baitiote lanpostua aldi baterako betetzeari. LEP bidez, behin betiko beteko da postua orain.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
"Agur esan barik" dokumentala aurrestreinatuko du Gatibuk
Gatiburen ibilbideko azken urtean filmatutako lanak taldearen bideari begiratzen dio, Jabi Elortegi zuzendariaren ikuspegitik. Gaur aurrestreina egingo dute Bilbon, eta irailetik aurrera egongo da ikusgai, zinema jaialdietan eta Primeran plataforman.
Juan Diego Flórez, Sokolov eta Juanjo Mena, Donostiako Musika Hamabostaldian
Perutar tenorrak irekiko du jaialdia, abuztuaren 2an, Italiako eta Frantziako opera, zarzuela eta musika hegoamerikarreko piezekin eraikitako programa batean, pianistak Beethoven eta Schuberten obrak interpretatuko ditu eta gasteiztar maisuak "Arriaga harrigarria" kontzertua zuzenduko du.
Sun Ra Arkestra eta Snarky Puppy, Gasteizko jazz jaialdiko kontzertu nagusiak ixteko
Ruben Blades, Gretchen Parlato, Take 6, The Bad Plus, Irene Reigen laukotea eta Magali Sare eta Manel Fortiá bikotea arituko dira Mendizorrotzan. Sarrerak bihar, hilak 27, jarriko dituzte salgai.
Pablo Martín Caminero, Merina Gris eta “Xorieri” Izaroren kantua saritu dituzte MIN sarietan
Carlos Aresek eta Valeria Castrok hiruna sari eraman dituzte musika independentearen Espainiako sarietan; Al cantek jazz álbum onenaren saria eraman du, Zuloak euskarazko disko onenarena eta Izaroren eta Baiucaren arteko lankidetzaren emaitzak ekoizpen onenaren saria, Alejandro Guillanen lanari esker.