Metallicak kontzertu bat bertan behera utzi du Bilbon jo baino lau egun lehenago
Metallica taldeak ez du gaur gauean, ekainak 29, Frauenfeld Rock Suitzako jaialdian iragarrita zuen kontzertua joko, taldeak berak sare sozialetan idatzi duenez, lantaldeko kide batek positibo eman baitu covid-19an.
Kaliforniako laukoteak kontzertua eskaini behar du igandean, uztailak 3, Bilboko San Mames estadioan, Bilbao Bizkaia Rock Day jaialdiaren barruan, Weezer, The Hellacopters, Nothing But Thieves eta The Regrettes taldeekin batera, baina oraindik ez dute ezer esan hitzordu horren inguruan.
Live Nation kontzertua antolatzen ari den enpresatik esan digutenez, igandeko kontzerturako lanean jarraitzen dute.
Igandean Bilbora iritsi aurretik, Metallicaren birak beste hitzordu bat dauka ostiralean Rock Werchter Belgikako jaialdian, eta berorren antolatzaileek esan dute taldearekin harremanetan daudela eta bertan jotzeko "itxaropentsu" agertu direla.
The Regrettesek ez du joko
Bestalde, The Regrettes igandeko kontzertua ireki behar zuen estatubatuar taldeak iragarri du Europako bira bertan behera utzi dutela, lantaldean "hainbat covid kasu" aurkitu dituztelako.
Antolatzaileek esan dute gaur iragarriko dutela zeinek ordezkatuko duen talde hau Bilboko kontzertuan.
Zure interesekoa izan daiteke
132 kantari amateurrek osaturiko abesbatza, Euskadiko Orkestrarekin entseatzen
Abestu Euskadiko Orkestrarekin proiektuaren bigarren edizioa bide erdira iritsi da, eta dagoeneko egin dute herritarren abesbatza prestatzeko hamar entseguetako seigarrena. Bi hilabetez, asteazkenero, 600 hautagairen artetik zozketa bidez aukeratutako 132 abeslari ez-profesional ari dira lanean, Euskadiko Orkestrarekin batera oholtzara igotzeko.
Bilbao Blues Festival jaialdiak Travellin’ Brothers sarituko du bosgarren edizioan
Jaialdiak doako hamar kontzertu eskainiko ditu uztailaren 24 eta 26an, Areatza inguruan. Leioaztar taldeak jaialdiaren ohorezko txapela jasoko du.
Señeak egonaldiak musika gerturatuko die gazteei
Señeak Bizkaia Rock Kanpusak "lehen mailako euskal artistekin" ikasteko aukera eskaintzen die 14 eta 17 urte bitarteko gazteei.
Kneecap taldea Bilbora itzuliko da, ekainean
Bilbao BBK Live jaialdiaren iazko edizioan jo eta gero, Belfasteko hirukoteak “Fenian” disko berria aurkeztuko du oraingoan, Santana 27 aretoan, ekainaren 8an.
Pepo Márquez: “Jada ez dago kontsumo kultural kaltegaberik”
“Antineutral” saiakeran, musikari eta musika industriako profesionalak musika lurralde neutrala izan ote daitekeen galdetzen dio bere buruari (spoilerra, ez), eta inbertsio funtsek, joko eremu horretan sartuta, hankaz gora jarri duten industriaren zentzu kulturalean sakontzen du.
Izaro abenduan itzuliko da, disko berriarekin
Mallabiar kantariak “Arkitektura” disko berria kaleratuko duela iragarri du. 2027ko urtarrilean aurkeztuko du lan hori zuzenean, Irunen.
Arriagak ireki eta Fallak itxiko du Musika-Música jaialdia
Bilboko jaialdiaren 25. edizioa Arriagan hasi, eta Euskalduna jauregian egingo da martxoaren 6, 7 eta 8an.
Baga Bigak 20 urte bete ditu, euskal musikagintzaren ikur bilakatuta
Euskal taldeak eta artistak kudeatzeaz arduratzen dira Baga Bigan, eta horien estrategia lantzen dute: kontzertuak, grabazioak... Urteurrena ospatzeko, Baga Bigak kontzertu berezia antolatu du gaur, larunbata, Euskaldunan, beraiekin aritu diren talde eta artista askorekin elkarlanean.
“Rosas” La Oreja de Van Goghen kantuak mila milioi entzunaldiko marka gainditu du Spotifyn
Donostiako taldearen kantua “Let It Be”, “Imagine”, “Knockin’ On Heavens Door” edo “Like a Prayer” baino gehiago entzun da plataforma horretan.
Judith Jaureguik Victoria Eugeniara eraman du "Homeland"
Donostiar piano-jotzaileak bere hiriko antzokian ("oso leku berezia niretzat") aurkeztu du bart disko berria, Griegen pianorako kontzertua eta Manuel de Fallaren "Noches en los Jardines de España" biltzen dituen lana. Errezitaldian, Chopin, Grieg, De Falla, Komitas Vardapet, Villa-Lobos eta Ginasteraren piezak errepasatu zituen Jaureguik. Datorren hilean, Bilbon (martxoak 7 eta 8), Errenterian (martxoak 26) eta Donibane Lohizunen (martxoak 28) joko du.