Pablo Milanes gogoratzeko bost abesti
Pablo Milanes —gaur Madrilen hil da—, 1960ko hamarkadatik aurrera Nueva Trova Cubana mugimenduaren sortzaileetako bat izan zen, Iraultzaren ondoren uhartea ereserkiz bete zuena. Beste kantautore batzuen eskutik, bereziki Silvio Rodriguez lagun zuela, kubatarrak "Yolanda" bere kanturik enblematikoena baino askoz gehiago egin zuen. Hona hemen bost adibide eta oparitxo bat.
1. "Hoy la vi"
60. hamarkadaren amaieran eta 70.aren hasieran bere herrialdeko ahots ikonikoetako bat izatera heldu zen. Garai horretakoa da abesti hau, "La vida no vale nada" bere lehen album handikoa.
2. "Yo pisaré las calles nuevamente"
Disko horretan Augusto Pinochetek 1973an Txilen eman zuen estatu kolpearen aurkako oihurik ikonikoena ere agertzen da. Miguel Enriquez errepresaliatuari eskainitako kantu honetan, Milanesek "odolez betetako Santiago" hirira itzuliko zela agintzen du, behin diktadura militarretik askatua izanda. Txile ez zen libratu 90eko hamarkadara arte. Bideo honetan 2009ko interpretazio bat, Txilen.
3. "Yo no te pido"
Pablo "maitatuaren" beste handi bat, "No me pidas" diskakoa.
4. "Yolanda"
Bakarra hautatu behar bada, gehienek "Yolanda" aukeratuko dute. Azkenean, abesti bat baino gehiago izan zen, Pablo. Hemen, Milanesek Silvio lagunarekin otzen du. Bien abestiak beren ibilbideetan zehar nahastu ziren, etengabe.
5. "El breve espacio en que no estás"
Beste ereserki hau 80. hamarkadakoa da. Hona hemen, Habanan, pandemia hasi baino apur bat lehenago.
Bukatzeko, opari bat: Pabloren ahots berezia Donostian "Txoria txori" abesten, euskaraz.
Albiste gehiago musika
'Amaya' opera lehen aldiz eskainiko da Donostiako Musika Hamabostaldian
Euskarazko opera honen kontzertu-bertsioa abuztuaren 9an (larunbata) eskainiko da, 20:00etan, Kursaalen. Jesus Gurido konpositore gasteiztarren obra garrantzitsuenetako bat da, Musika Hamabostaldian inoiz interpretatu gabea.
ETS taldearen 20 urteak: Arabako Ekora herritik Madrileraino
Larunbat honetan, omenaldia egin diote ETSri, Ekora bere jaioterrian, taldearen 20 urteko ibilbidea ospatzeko. Hori aitzakia hartuta, Iñigo Etxezarreta buru duen taldearekin bildu gara, 60 abestik eta 500 emanaldi baino gehiagok osatutako ibilbidea gogoratzeko.
Hasi da Donostiako Musika Hamabostaldia, estreinaldiz eta izen handiz beteriko edizio historiko batekin
Donostiako jaialdiaren 86. edizioa abuztuaren 1ean inauguratu da, "Requiem (s)" baletarekin, eta lehen aldiz izango dira Parisko Operako eta Leipzigeko Gewandhausorchesterreko orkestrak.
Donostiako Jazzaldiak "arrakasta handiarekin" eta "sasoi betean" itxi du bere 60. edizioa
Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du. Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Jimmie Vaughan blues rockaren izen handia, IV. Bilbao Blues Festival Saria
Jaialdiko txapela jaso du larunbat honetan Vaughanek (Texas, 1951), eta, ondoren, kontzertua eskaini du, Estatuko bakarra. 1976an The Fabulous Thunderbirds talde mitikoa sortu zuen Vaughanek eta, 1989an taldea utzi ondoren, bakarlari gisa aritu zen. Guztira, lau Grammy irabazi ditu.
Bulego taldeak Jazzaldiko publikoa bereganatu du
Donostiako jazz jaialdiaren barruan, energiaz beteriko zuzenekoa eskaini du bart Azkoitiko taldeak Zurriola hondartzan, familiaz eta gaztez osatutako publikoaren aurrean.
Dee Dee Bridgewaterrek, jazzaren izar handiak, Donostiako Jazzaldia saria jaso du
Menphiseko abeslari handiaren lau hamarkada baino gehiagoko ibilibidea saritu nahi izan dute. Bridgewater Donostiako Jazzaldiaren oholtza gainean zuzenean aritu da ostiral honetan. Golardoa jasotzean, "emakume guztien eta bereziki emakume beltzen" alde egindako lana aldarrikatu du.
Latzen taldea oholtza gainean da berriro, 17 urteren ondotik
Egunotan Lakuntzan ospatzen ari diren Hatortxu Rock jaialdiaren azken edizioan agertu da berriro Oñatiko heavy taldea. Bi maketa eta bi diskoren ostean, 1999. urtean banandu ziren. 2007an, laukoteak itzulera bira bat egin zuen, "Hellmuga" diskoan jasoa gelditu zena.
Mississippi Queen & The Wet Dogs bilbotarrek hasiera eman diote Bilbao Blues Festival jaialdiari
Igandera arte, Bilbo bluesaren munduko hiriburua izango da, eta bertan ez da legendarik eta ezustekorik faltako. Ostiral honetan Mississippi Queen & The Wet Dogs, The Kings of Blues eta Blackburn Brothers taldeen txanda izan da.
Jamie Cullumek festa handia bihurtu du Zurriola hondartzako kontzertua
Zurriolako hondartza agertoki bikaina izan da, beste behin, Jamie Cullum britaniar artista entzutetsua hartzeko. Cullum Donostiara itzuli da bostgarren aldiz, jazz, pop eta swing estiloak nahasten dituen errepertorio berriarekin.