BBK Bilbao Music Legends jaialdiak The Pretenders eta The Jayhawks gehitu ditu, kartela ixteko
The Pretenders, The Jayhawks, Blues Pills eta Petti BBK Bilbao Music Legends Fest jaialdian izango dira, aurretik iragarrita zeuden Deep Purple, Canned Heat, The Screamin' Cheetah Wheelies eta Susan Santosekin batera.
Jaialdiaren zazpigarren edizioa ekainaren 14 eta 15ean izango da, Bilbao Arena pabiloian.
Chrissie Hynde abeslari eta gitarrista buru, The Pretenders izango da ekainaren 14ko kartelburu, iaz Azkena Rock Festivalen bezala.
Halaber, jaialdiaren lehen egunean joko du The Jayhawks talde estatubatuarrak ere. Iragarrita zegoen bezala, The Screamin' Cheetah Wheelies eta Susan Santos ere izango dira jaialdiaren lehen jardunaldian.
Bestalde, jaialdiaren bigarren egunean, ekainaren 15ean, Deep Purplek, heavyaren talde aitzindarietako batek, joko du, baita Canned Heat 1965ean Los Angelesen sortutako blues-rock/boogie taldeak ere.
Horiei gehituko zaizkie Blues Pills suediar-estatubatuar rock-blues taldea eta Petti musikari beratarra
Gainera, ohi bezala, BBK Bilbao Music Legends Fest jaialdiak Voodoo Child terraza izango du aurten ere kanpoaldean, eta bertan arituko dira Arnau & The Honky Tonk Losers, Sotomonte eta Ziin & The Melody Breakers (ekainak 14); eta Kinki Boys, Nevadah eta The Ribbons (ekainak 15).
Sarrera doakoa da 14 urtera artekoentzat, eta gainerakoentzat 115 euroan dago bi eguneko bonua.
Albiste gehiago musika
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.
Xabier Zeberio & Andrés Isasi Musika Eskolako Orkestra, Getxo Folk irekitzen
Xabier Zeberioren zuzendaritzapean, orkestrak jazza, euskal herri musika eta inprobisazioa uztartu ditu Bizkaiko jaialdiaren lehen egunean, "Pause" proiektuko kantuetan.
Zetak taldeak San Mameseko kontzerturako sarrera guztiak saldu ditu, eta bezperan ere joko du
Pello Reparaz buru duen taldeak Mitoaroa III ikuskizun distopikoa taularatuko du ekainaren 19an eta 20an Bilboko estadioan. Bihar, ostegunarekin, jarriko dira ekainaren 19rako sarrerak.
Pello Reparaz: "Jendea epel ez gelditzea zen asmoa, eta lortu dugu"
"Egun On" ETBko saioak elkarrizketa egin dio Pello Reparazi, Zetak-ek "Mitoaroa II" kontzertu errenkada amaitu eta biharamunean. Ekainaren 20an San Mamesen egingo duten ikuskizunari buruz ere hitz egin digu.
-1:eitb-banner?$eitb-banner$&fmt=png-alpha&qlt=80)
Rick Davies Supertrampeko abeslari eta konpositorea zendu da
Britainiar musikariak mieloma zuen duela hamar urtetik, eta 81 urte zituela hil da.
Lady Gaga, Mariah Carey, Sabrina Carpenter eta Ariana Grande, MTV Video Music Awardseko izar distiratsuenak
Ariana Grande pop abeslariak irabazi du MTV Video Music Awards sarietako sari nagusia, eta Lady Gagak eta Sabrina Carpenterrek jaso dituzte ohore handienak New Yorken, jarraitzaileen gogokoenen izarrez beteriko ospakizunean. Grandek urteko bideo onenaren saria irabazi du Brighter Days Ahead lanagatik, eta, ondorioz, jarraitzaileek bozkatutako sarietan gaueko saririk handiena jaso du. Mariah Careyk ibilbidearen saria jaso du, eta bideoklipak egitea zein dibertigarria den azaldu du.
Pello Reparaz: “2084an kokatuko da ‘Mitoaroa III’ ikuskizuna”
Zetak taldeak 2026ko ekainaren 20an eskainiko du San Mames futbol zelaian George Orwellen 1984 obran oinarritutako Mitoaroa III ikuskizuna, 2084an kokatuko den etorkizun distopikoa. “Apustuak, arriskua eta gauza ezberdinak bizitzeko aukera bat da Zetak”, nabarmendu du Reparazek, eta historia egiteko gogoz agertu da.
'Mitoaroa III' ikuskizuna San Mames futbol-zelaira iritsiko da 2026ko ekainaren 20an
Zetak taldeak Bilbo aukeratu du bere ikuskizun arrakastatsuaren hirugarren zatirako, Bizkaia euskal kulturaren erdigunean kokatuz.