Musika Hamabostaldiak prest du musika eskaintza, "entzuteko eta gozatzeko"
Musika Hamabostaldia zita ezinbestekoa da dagoeneko Donostiako abuztuetarako. Aurten, abuztuaren 1etik 30era egingo dute musika jaialdiaren 85. edizioa, hiriko hainbat aretotan, baita Gipuzkoako, Arabako, Nafarroako eta Lapurdiko hainbat herritan ere.
Musika erregaitzat hartuta, "bidaia eta exotismoa" aldarrikatuko du jaialdiak aurten; eta ildo horrekin programatu ditu Carmen Bizeten opera (ekoizpen propioa da), Saint-Saënsen Kontzertu egipziarra eta, esate baterako, Arantzazun izango den emanaldia; azken horretan, Abraham Cupeiro musikari galiziarra Eñaut Elorrieta, Oreka TX eta Agus Barandiaran elkarlanean arituko dira aurrenekoz.
Gainera, Shostakovitxekin kosakoen herrialdera joango da entzulearen gogoa, "Prokofievekin desagertzear den Europa ekialdeko juduen mundura, Ravelekin mila eta bat gaueko ekialdera edo Stravisnkyrekin Errusiako mugakide diren bazter magikoetara. Hainbat bidaiariren abenturak ezagutuko ditugu, tartean Egeria galaikoarenak, Genovako Marco Polorenak edo Krystof Harant konpositore, idazle eta matxino txekiarrarenak", Hamabostalditik azaldu dutenez.
Musika koralak ere toki nabarmena du Hamabostaldiko programazioan. Aurten, bertoko abesbatzekin batera, Bach Collegium Japan eta Cappella Mariana taldeak izango dira, besteak beste.
Luxenburgoko Orkestra Filarmonikoarekin, Filarmonica della Scala de Milanekin, Budapest Festival Orchestrarekin eta Frantziako Irrati Orkestra Filmarmonikoarekin batera, puntako zuzendari eta bakarlariak arituko dira abuztuko kontzertuetan, hala nola Gustavo Gimeno zuzendaria, Bruce Liu pianista, Riccardo Chailly zuzendaria, Patricia Kopatchinskaja biolinista, Sol Gabetta biolontxelista eta Alexandra Dovgan pianista gaztea.
Bestalde, aurtengo edizioak hamar hitzordu baino gehiago izango ditu dantzarekin: Compagnie Käfig, Compañía de Flamenco… Inaugurazio egunean, Kresala Dantza Taldeak Eduardo Chillidaren omenezko muntaia bat, Hiru, estreinatuko du Haizearen Orrazian.
Chillida ez ezik, Nestor Basterretxea ere hartuko dute gogoan Hamabostaldian, bion jaiotzaren urteurrenean, Hondarribian, organo eta akordeoi kontzertu batean.
EITBren laguntza duen jaialdiko kontzertuetarako sarrerak maiatzaren 21ean jarriko dituzte salgai, 11:30ean, webgunean.
Kontsultatu Musika Hamabostaldiko egitarau osoa.
Zure interesekoa izan daiteke
ETSk Bilbon emango duen kontzertua abuztuaren 25era aurreratu dute, ikuskizunetako teknikarien greba dela eta
Hasiera batean abuztuaren 26rako aurreikusita zegoen En Tol Sarmiento taldearen kontzertua datorren asteartean izango da azkenean, taldeak eta Bilboko Udalak aldaketa adostu ostean.
Natxo de Felipe berriro oholtzara igo da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.