Jane's Addictionek euria ahatzarazi du Azkena Rock Festivalen hasieran
Errepertorioa, jarrera eta maisutasuna agertu ditu Jane's Addictionek bart, Azkena Rock Festival Gasteizko jaialdiaren 22. edizioan nagusitasuna erakusteko.
Laukote kaliforniarrak, Perry Farrell, Dave Navarro, Eric Avery eta Stephen Perkins sortzaileek ordezkatuta, busti-busti eginda zeuden ikasleak animatzeko erronkari egin behar izan dio aurre, gainera, jaialdi rockeroetan rockeroenean, bustitik hasi baita Azkena. Eta lortu egin du, kantu biribilak eta tresnen kontrol erabatekoa erakutsita.
Izan ere, Txopetek rock melodiko, grinatsu eta ahotsaren autotuneak markatuarekin jaialdia ireki eta gero, euria agertu da, eta Brigade Loco (iazko larunbatean bertan behera gelditu zen beraien kontzertua, ekaitzen erruz), Whispering Sons eta Ty Segall ikusi nahi izan dutenak busti egin dira.
Hala ere, Mendizbalako giro bustian dir-dir egin dute bai bergararren rock indartsu eta biziak, bai Fenne Kuppens abeslari bikainak gidatzen duen belgikar boskotearen post rock ilun eta dotoreak bai Segallen rock lisergikoak.
Jarraian, publikoak aukeratu behar izan du: Tarque & La Asociación del Riffen rock-and-roll klasikoaren proposamen zinez azkenarra edo Los Sirex beteranoak Trashville karpan, "Si yo tuviera una escoba" kantu mitikoa eta guzti.
Gaur, jaialdiaren bigarren egunean, Queens of the Stoneren, L7 losangelestarren, Ezpalaken, Redd Krossen, Balaren eta Arde Bogotá murtziarren txanda iritsiko da, besteak beste.
Lehenago, 13:30ean Andrea Maria zuriaren plazan, Lisa & The Lips The Bellrays taldeko kantariaren taldeak doako kontzertua emango du.
Atzo, halaber, 2025eko Azkena Rock Festival ekainaren 19, 20 eta 21ean ospatuko dela iragarri zuten antolatzaileek.
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.