Leipzigeko Gewandhausorchester orkestrak itxiko du Donostiako Musika Hamabostaldia
Donostiako Musika Hamabostaldiaren 86. edizioak 70 kontzertu eskainiko ditu abuztuaren 1etik 29ra; horien artean, Gewandhausorchester Leipzigeko orkestrak Donostiako Orfeoiarekin batera eskainiko duen amaiera kontzertua dago.
"Amaya" Guridiren opera ere azpimarratu dute gaur jaialdiaren antolatzaileek aurtengo eskaintzan, kontzertu formatuan entzun ahalko dela eta, aurtengo edizioaren programazioaren zati bat aletzeko zabaldu duten prentsa oharrean. Jaialdian, Ravelen jaiotzaren 150. urteurrena eta Xostakovitxen heriotzaren 50. urteurrena ere hartuko dituzte gogoan.
Hamabostaldiak iragarria zuen aurten, salbuespen gisara, ballet emankizun batek irekiko duela Kursaaleko programa; Preljocaj balletaren "Requiem(s)" ekoizpena izango da.
Amaieraz, berriz, Gewandhausorchester Leipzigeko orkestra arduratuko da, kontzertu bikoitzean. Lehenik Hillary Hahn biolinistarekin arituko da taldea, eta bigarrenean, jaialdiko azken kontzertuan, Donostiako Orfeoiarekin batera.
Kursaalen bertan, "Amaya" euskarazko opera oholtzaratuko dute abuztuaren 9an, kontzertu formatuan, Diego Martin-Etxebarria zuzendariaren aginduetara; Euskadiko Orkestra, Easo abesbatza eta Arantza Ezenarro, Gillen Munguia eta Marife Nogales bakarlariak jardungo dira emanaldi horretan.
Etxetik irten gabe, Xabier Anduaga donostiar tenorrarekikoa izango da hitzordu nagusietakoa. Bi aldiz egongo da nazioartean ospe gero eta handiagoa lortzen ari den kantaria Donostian entzuteko; Kursaalen, Valentziako Orkestrarekin, eta Victoria Eugenian.
Broadwayra ere begiratuko du Hamabostaldian, abuztuaren 20an, "West Side Story"ren kontzertu bertsioarekin. Gainera, Jordi Savall ere arituko da Donostiako kuboetan, abuztuaren 24an.
Victoria Eugenian, bestalde, lau kontzertu handi izango dira. Xabier Anduagaren emankizunaz gain, Mitsuko Uchidaren piano kontzertua egongo da, "Nocturna. Arquitectura del insomnio" Rafaela Carrascoren ikuskizun flamenkoa eta "Nizugu" Easo Abesbatzak umeentzako egin duen operaren estreina.
Zure interesekoa izan daiteke
Su Ta Garrek “Jaiotze basatia” diskoaren 35. urteurrena ospatuko du 2026an
Eibarko metal taldeak kontzertu berezi batzuk joko ditu estudioko bere lehen diskoaren urtebetetzea gogoan, lehenengoak Bilbon eta Gasteizen.
Anastaciak Donostian eta Iruñean joko du
Kantari estatubatuarrak "Our songs" diskoa aurkeztu, eta bere errepertorioko abesti nabarmenetako batzuk eskainiko ditu emanaldiotan. Kontzertuetarako sarrerak (urriaren 22an Kursaaalen eta urriaren 25ean Baluarten) azaroaren 7an jarriko dituzte salgai.
Maurice Ravel musikari ospetsuaren omenezko eskultura inauguratu dute Donibane Lohizunen
Ziburun jaio bazen ere, denbora asko igaro zuen bere bizitzan zehar Donibane Lohizunen. Artista euskaldunaren jaiotzaren 150. urteurrena dela eta, hainbat ekitaldi egin dituzte urte osoan; larunbat honetan, eskultura bat inauguratu dute, eta bertan izango da ikusgai hemendik aurrera. Romain Tiercin egilearen esanetan, Ravelen ondareak "mundua argitzen segitzen du".
Delaware Choral Scholars abesbatzak irabazi du Tolosako 56. Abesbatza Lehiaketa
AEBko abesbatzak lau sari eskuratu ditu: polifonia saileko eta folklore saileko lehenengo sariak, Kutxaren sari nagusia eta euskal abesti baten interpretazio onenaren saria.
9 herrialdetako hamahiru abesbatza, Tolosan kantuan
Zortzi ganbera abesbatzak eta bost ahots taldek kantu erlijioso eta profanoak interpretatuko dituzte Gipuzkoako lehiaketaren 56. edizioan.
Urtz: "Iragana hil baino lehen" (2025)
"Urtzen" Urtz taldeak azaroan kaleratuko duen diskoaren lehen aurrerapena da "Iragana hil baino lehen" taldearen kantu klasikoaren bertsio berria. "Urtzen" lanak taldearen hamabost kanturen moldaketa berriak eta kantu berri bat bilduko ditu, guztiak ere bertsio "akustiko eta intimoagoan".
Leire Martinez: “Arrakasta bat ospatzen ari ginen eta konpainiako presidenteak esan zidan: 'Horiek bai titiak!'"
La Oreja de Van Gogh taldeko abeslari ohiak industria eraldatzen duten emakumeei buruzko hitzaldi batean parte hartu du. Emakumeek pairatzen dutenaren adibide gisa, diskoetxe bateko zuzendari batekin bizi izan zuen gertakari bat kontatu du.
Fito: "Atsegin dut jendeak Fito & Fitipaldisen soinua identifikatzea"
Arratsaldean BIME musika-azokaren baitan publikoarekin topaketa bat egin aurretik, Fitok "El monte de los aullidos" fitipalditarrekin batera kaleratu duen zortzigarren diskoari buruz hitz egin digu.
Ruper Ordorika: "Neure sasoi bat adierazten du disko honek, argi-itzalekin"
Oñatiar musikariak "Lurra ikutu barik" diskoa grabatu du, Leo Abrahams, Joh Thorne eta Kenny Wollesen musikariek lagunduta. Hamaika kantu biltzen ditu CD eta binilo formatuetan eskuratu ahalko den diskoa, eta Elkar argitaletxeak argitaratu du. Laster abiatuko du aurkezpen-bira Ordorikak. Ikusi Maite Eskarmendi kazetariak "Egun On" saioan egin dion elkarrizketa.
Alice Cooper eta Social Distortion, Azkena Rock Festivaleko lehen izen handiak
Gasteizko rock-and-roll jaialdiaren 24. edizioan Imelda May, Old Crow Medicine Show, Evaristo eta Sleaford Mods ere egongo dira, besteak beste. Aurretik jaialdira joan direnentzako aurresalmenta bihar, asteazkenarekin, abiatuko dute, eta salmenta orokorra asteartean, azaroak 4, hasiko da.