Telmo Irureta, Angel Ruiz eta Naiara Beistegi saritu dituzte Talia sarietan
Espainiako Arte Eszenikoen Akademiak sariak banatu zituen bart Madrilen. Iruretak aldaketa sozial eta inklusio saria jaso zuen, Ruizek lirikako gizonezko interprete onenarena eta Beistegik jantzi onenarena...
Espainiako Arte Eszenikoen Akademiak Talia sariak banatu zituen astelehen gauean Madrilgo Fernán Gómez antzokian. Garaikurrok arte eszenikoen bikaintasuna saritzen dute, eta hirugarren edizioan Antonio Banderasi eman zion Ohorezko saria.
Galan, Naiara Beistegi bizkaitarrak jantzitegi onenaren saria jaso zuen Anna Bolenan egindako lanagatik, eta Telmo Irureta aktore zumaiarrak Talia saria jaso zuen aldaketa sozialagatik eta inklusioagatik.
Iruñean jaiotako Angel Ruizek lirikako gizonezko antzezle onenaren Talia saria jaso zuen La rosa del azafran lanean, Teatro de la Zarzuelaren ekoizpenean, Moniqiuto pertsonaiarengatik.
Gainera, Jon Lopez madrildarrak, Led Shiloutte konpainia lesakarraren sortzaile eta zuzendariak, koreografia onenaren saria irabazi du, Marcos Morau & La Veronal, Lorena Nogal, Shay Partush eta Miguel Angel Corbachorekin batera egindako lanagatik.
Era berean, euskal antzerkiarekin lotura handia duen Helena Pimenta salamancarrari Gaztela eta Leongo Autonomia Erkidegoko 2025 Aparteko Talia Saria eman zioten.
1936 eta Gypsy izan dira gaueko irabazle nagusiak. Andres Limak zuzenduta, 1936 Espainiako Gerra Zibilari buruzko lan kritiko eta ia dokumentala da, eta sei sari irabazi ditu: ikuskizunik onena, egile onena (Albert Boronat, Juan Cavestany, Andres Lima eta Juan Mayorga), eszena-zuzendaritza (Andres Lima), aktorea (Jose Vinuesa), antzeztaldeko aktorea (Morris) eta argiztapena (Pedro Yague).
Antzerki musikalaren atalean, Gypsy, Teatro del Soho Caixabankek ekoitzia, bete-betean aritu da, hautagai zen lau sariak lortu baititu: ikuskizun musikal onena (Teatro del Soho Caixabank), zuzendaritza musikala (Arturo Diez Boscovich), emakumezko aktorea (Marta Ribera) eta gizonezko aktore onena (Aaron Cobos).
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.