Bulego taldeak ez du Sonorica jaialdian joko
Bulego taldeak Sonorica Castro Urdialeseko jaialdian ez jotzea erabaki du, eta hala iragarri du sare sozialetan zabaldutako ohar batean. Uztailaren 18an jotzeko iragarrita zegoen azkoitiar taldea, baina atzera egitea eta bertan ez taularatzea erabaki du, “Bulegok helarazi nahi dituen askatasun balioekin zintzoak” izan behar duten ustean: “Palestinan gertatzen ari dena onartezina da eta kontraesanez betetako mundu batean jarraitzen dugun arren, kasu honetan gure posizionamendua ezinbestekoa zela sentitu dugu”.
Sonorica jaialdia, Viña Rock, Sonar, Resurrection Fest, Tsunami Xixon Festival eta Estatuko zein munduko beste hainbat jaialdi bezala (80, guztira), Superstruct Entertainment taldeari dagokio. Iaz, KKR inbertsio funtsak eta beste hainbat eroslek jaialdien talde hori erosi zuten, eta, beraz, Israelek Palestinan dituen asentamenduetan interesak dituen enpresa horrek loturak eraiki zituen musika jaialdi horiekin.
Horrekin ezeroso, hainbat taldek jaialdi horietara itzuliko ez direla edo, iragarrita egonik ere, joko ez dutela adierazi dute azken asteetan, El Salto hedabide digitalak jaialdien eta inbertsio funtsaren arteko loturen berri eman eta gero.
Superstructek ohar bat kaleratu du, informazio horien aurrean: “Ekitaldi eta jaialdietatik lortutako diru-sarrera eta irabazi guztiak gure negozioaren barruan geratzen dira osorik eta mundu osoko gure jaialdien garapen eta antolakuntzarako erabiltzen dira”, dio idatziak. Besterik da, noski, jaialdien bideragarritasuna funtsezkoa dela inbertsio funtsak irabaziak lortzeko, KKRk Superstructen duen parte-hartzea saltzea erabakiko balu, esaterako.
Albiste gehiago musika
Bruce Springsteenek 40.000 zale bildu ditu Anoetako lehen emanaldian
Sasoi onean dagoela erakutsiz, Bruce Springsteenek txundituta utzi zituen bart Anoeta bete zuten 40.000 zaleak. Kritika politikorako baliatu zuen emanaldia, eta, Trumpi aipamena eginez, batasuna aldarrikatu zuen autoritarismoen aurrean. Asteartean beste hainbat zale bilduko ditu Anoetan eskainiko duen bigarren kontzertuan.
Hunkituta jaso du Antton Valverdek Adarra Saria
Antton Valverde musikari donostiarrak jaso du aurtengo Adarra saria Eneko Goia alkatearen eskutik. Euskal kantagintzari egindako ekarpena aitortu diote. Saria musika sortzen jarraitzeko bultzada handia dela esan du sortzaile donostiarrak.
Bruce Springsteen Donostian da jada
Bart Frankfurten kontzertua eskaini ondoren, Springsteen eta bere talde osoa Hondarribiko aireportura iritsi dira bi charter hegalditan. Dozenaka lagun zituen zain Donostiako Maria Cristina Hoteleko atean, datozen egunetan bere kuartel nagusia izango den hotelean. Bossek bi kontzertu eskainiko ditu Anoeta estadioan. Lehenengoa larunbatean izango da, 38.000 jarraitzaileren aurrean, eta bigarrena, berriz, asteartean, ekainaren 24an.
50.000 musikazale espero ditu ateak ireki berri dituen Azkena Rock jaialdiak
Dinosaur Jr. estatubatuarrak izango dira osteguneko kartelburuak, eta The Damned britainiarren punka ere izango da entzungai. Ostiralean, John Fogerty eta bi urteren ostean Azkenara itzuliko den Lucinda Williams izango dira izen nagusiak. Johnny Rotten Sex Pistols taldeko abeslari ohiak indarra jarriko du. Larunbatean, Manic Street Preachers talde ezagunak, The Flaming Lipsen psikodeliak eta The Hellacopters suediarren 30. urteurrenak emango diote amaiera 23. edizioari.
Dena prest da Mendizabalan, Azkena Rock Festival hartzeko
Gaur hasiko da Gasteizko rock jaialdi beteranoaren 23. edizioa. Alfonso Santiago arduradunak esan digunez, "modan ez dagoen festibala" da Azkena Rock Festibal.
Akelarre musika taldea, pantailara
Bideografik durangar ekoiztetxea plaza taldearen 33 urteko historia biltzen duen dokumental bat grabatzen ari da. 2025eko udazkenean estreinatu nahi dute,
Dee Dee Bridgewater, Marc Ribot eta Bill Bruford sarituko dituzte Donostiako 60. Jazzaldian
Musika jaialdiak 88 kontzertu eskainiko ditu bederatzi egunean, horietatik 51 doakoak.
?fmt=png-alpha&qlt=80)
Udan barrena, rock-and-rollaren doinupean
Azkena Rock Festivalen 23. edizioa ekainaren 19, 20 eta 21ean egingo dute Gasteizen, Mendizabalako eremuan. Ez dirudi ideia txarra udarako sarrera (larunbat goizaldean sartuko gara udan) John Fogertyren, Lucinda Williamsen edo Manic Street Preachersen eskutik egiteak.
Bilborekin zuen zorra ordaindu du Alan Parsons mito handiak
Musikari eta ekoizle britainiarrak kontzertua eman du larunbat honetan BBK Bilbao Music Legends Fest jaialdian, 2022ko edizioan parte hartzeari uko egin behar izan ostean.