“Kriston martxa” ibiliko da asteburuan Arrasaten
Musika hitzordu bikoitza dago jarrita asteburu honetarako Arrasaten. Ostiral-larunbatetan, Mondra & Roll punk rockeko jaialdiak gitarra zorrotzak eskainiko ditu, urteroko zitari leial, The Toy Dolls, The Pioneers, The Exploited, DRI, Street Dogs eta The Real McKenziesen eskutik, besteak beste.
Punka, oi!-a, ska eta hardcorea entzungo da ostiralean Bromure oi! taldeak irekiko duen jaialdian. Horien atzetik arituko dira Streetwise iruindarrak, The Friday’s Crew, Rat-zinger bilbotarrak, Mike McColgan and The Bombsquad (estatubatuar musikaria jaialdiko izarretako bat izango da, bere bakarkako proiektuarekin eta Street Dogs taldearekin arituko baita Dropkick Murphyseko kantari ohia), Homefront, Street Dogs, The Exploited mitikoak eta The Selecter britainiar ska taldea.
Larunbateko egitaraua Puffer taldeak irekiko du. Chulería, Joder!, Béton Armé, Heriotza eta Far From Finished etorriko dira gero, eta, amaitzeko, rockaren talde historikoen hirukote bat: D.R.I., The Pioneers eta The Toy Dolls. Festa biribiltzeko The Real McKenziesen festa doinuak entzungo dira.
Fermin Muguruza
Igandea, baina, ez da atseden hartzeko eguna izango, uztailaren 6ko San Fermin bezperarekin, “Sarri Sarri” kantuak betikotu zuen Martuteneko ihesaren 40. urteurrenean, Fermin Muguruzaren mundu bira Arrasatera iritsiko baita, Monterron parkera bertara.
Joan den abenduan Biarritzen eta Bilbon eta duela hiru aste Anoetako estadioan bezalatsu, Arrasaten entzungo dira orain Kortaturen klasikoak (“Sarri Sarri” tartean, seguru), Negu Gorriaken ale batzuk (“Lehenbiziko bala” gehitu zaio kantu zerrendari azkenaldian) eta Fermin Muguruzak bakarka zein beste proiektu batzuetan lau hamarkadan kaleratu dituen kantuak.
Añubek eta Nakarrek lagunduko diote Arrasaten irundar musikariaren hamar laguneko talde eusko-katalan-kubatarrari.
Elkarrizketa
Nakar taldeari elkarrizketa
Zure interesekoa izan daiteke
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Etzakit 23 urte geroago itzuliko da agertokietara, urtarrilean hiru kontzertu berezirekin
Bi hamarkada baino gehiagoko isilunearen ostean, agertokietara itzuliko da talde hernaniarra. Triki pop talde mitikoak hiru kontzertu eskainiko ditu urtarrilaren 2an, 3an eta 5ean, hasi eta agurtu zen lekuan bere historiari berriro helduz, Oialumen, belaunaldi oso batentzat nostalgiaz eta emozioz beteriko hitzorduan.
Kontzertu magikoa eskaini du bart Mikel Urdangarinek, ohi bezala, Gabonetan
20 urtetik gora daramatza Mikel Urdangarinek urteko azken asteburuan emanaldi berezia eskaintzen. Sarrera guztiak agortuta, Euskal Herriko txoko askotatik erakarri du publikoa. Aurpegi berriak eta aspaldikoak bildu ditu Bilboko Kafe Antzokian.
Milaka lagunek gozatu dute Atarrabiako Aske jaialdian, "herri honen askatasuna" aldarrikatzeko
Hainbat talde eta artista elkartu dira bertan, Neomak, Merina Gris, Gozategi eta Janus Lester tartean. Antolatzaileek "herri honen askatasuna" aldarrikatu dute, "Euskal Herri aske baten soinu-banda sortzeko: euskalduna, feminista, antikapitalista eta solidarioa, besteak beste".
Perry Bamonte hil da, The Cure talde britainiarreko gitarrista, 65 urte zituela
Londresen jaio zen, 1960an, eta 19 urte zituela hasi zuen bere musika-ibilbidea baxu-jotzaile gisa. "Lasaia, bizia, intuitiboa, etengabea eta izugarri sortzailea", ingurukoen arabera, Bamonte The Cure taldeko funtsezko kidea izan zen 1990etik.
Mikel Erentxunen bira Donostiara iritsi da
2025 urte osoan zehar 50 bat kontzertu eman ondoren, Kursaal jauregian izan da Mikel Erentxun, Duncan Dhu taldearen lehen diskoaren 40. urteurrena ospatzeko egindako biraren barnean. Kontzertu horietan famatu egin zuen taldearen abesti ezagunenak eskaintzen ditu, baita inoiz kontzertu batean jo ez zituzten kantu batzuk ere.
Bizardunak eta Rita Payes, Santaspascuas jaialdia hasteko
Gaboneroko Iruñeko musika jaialdiaren programazioa Bizardunak taldeak abiatuko du ostegunean Zentralen, eta kataluniar tronboi-jotzaile, abeslari eta konpositorea igandean arituko da, Baluarten.
Jeff Tweedy, Anastacia eta Steven Isserlis txelista, Kursaalen 2026an
Jeff Tweedy Wilcoko buruaren bakarkako emanaldia da Kursaal Eszenaren datorren urteko programazioaren hitzordu nagusietakoa; horrez gain, Yuha Wang, Anastacia abeslaria, Ryan Adams, Rodrigo Cuevas eta Euskal Herriko Orkestra Barrokoa ere arituko dira Donostiako espazioan.
Etzakitek kanta berria kaleratu du bere itzulera iragartzeko: “Hanka-punttetan”
“Hanka-punttetan” abestia kaleratu du Etzakit Hernaniko triki-pop taldeak. Horretan, taldeak lagun izan ditu Alaitz eta Maider, Maixa eta Itziar, Kristina eta Amaia, eta Gozategiko kideak. Etzakit taldea urtarrilaren 3an eta 5ean itzuliko da agertokira, Hernaniko Oialume dantzalekuan.
BECeko azken kontzerturako sarrera guztiak salduta, Pantxoa eta Peio beste aukera batzuk aztertzen ari dira
Bikote musikalak bere historiako azken emanaldia emango du 2027ko urtarrilaren 10ean, eta ordu gutxian agortu dira sarrerak, salgai jarritako egun berean.