Gasteizko Jazz jaialdiaren zuzendaria "oso pozik" agertu da aurtengo jaialdiak eman duenarekin

Iñigo Zarate Gasteizko Jazzaldiaren zuzendariak 48. jaialdiaren lehen balorazio "superpositiboa" egin du. Bart amaitu da jaialdia, Toquinhoren kontzertuarekin.

"Oso pozik gaude aurtengo edizioarekin. Sarrera oso onak izan ditugu egunero Europa jauregian (jazz gazteenarentzat) eta Mendizorrotzan", adierazi du Zaratek jaialdiak zabaldutako adierazpenetan.

Musika proiektuak "oso interesgarriak izan dira. Kontzertu paregabeez gozatu dugu, Classic orkestrarena, Jose Jamesena edo Kenny Barronena, esterako. Denek bikain funtzionatu dute".

Obretan dagoen Antzoki Zaharraren ordez agertoki bihurtutakoEuropa jauregiko agertokiak ere, "poz handiak eman ditu. Akustikak ondo funtzionatu du, eta proposamen berri guztiak, gazteak, eta ustez arriskutsuak, bikain iritsi dira publikoarengana". 

Gainera, "ikusi ahal izan dugu kaleak, Gasteiz oro har, buru-belarri sartu dela jaialdi giroan. Beraz, balorazio oso positiboa baino ezin dugu egin aurtengo jaialdiaz" esan du zuzendariak.