Clermont-Ferrand jaialdiko film labur berrienak, Donostian ikusgai
Clermont-Ferrand jaialdiko Labo sailekoek hautatutako film labur esperimentalak izango dira ikusgai aste honetan Donostian. Ikusleek, besteak beste, fikzio animatuak eta iPhone batekin eginiko film labur bat ikusi ahalko dituzte.
Donostia Kulturako Zinema arduradunak, Josemi Beltránek, LABOko Hautagaitza Batzordeko kidea den Sébastien Duclocherrekin eta zinema-jaialdi frantziarrean saritutako laburmetraiaren zuzendaria den Guillermo García Carsirekin batera aurkeztu du zikloa.
Duclocherrek, besteak beste, Jens Assur argazkilari suediarraren "Killing the chickens to scare the monkeys" lana azpimarratu du. Epaimahaiak aipamen berezia egin zion, argazki-kazetaritza belikoaren sentsazionalismoa salatzearren.
Donostia Kulturak eta Tabakalerak antolatutako erakusketa honetan, Frantziako jaialdian Labo sailean ikusgai egon ziren 34 film labur eskainiko dituzte, sail ezberdinetan saritutako sei lan, tartean.
Guillermo Garcia Carsi (Pocoyóren sortzailea) zuzendariaren “Doomed” (Zigortuak) lana izango da ikusgai jaialdia abiatzeko. Animaziozko film labur honek animalia bitxi batzuk ditu protagonista, bizirik irauten baino dena suntsitzen ahalegintzen direnak.
Azkenik, otsailaren 27an, larunbatean, mahai-inguru bat izango da Iñigo Salaberria, Gérard Cairaschi eta Koldo Almandozekin.
Hauek dira Donostiako Antzoki Zaharrean otsailaren 21etik aurrera ikusgai egongo diren film laburrak:
Otsailak 21
663114
Passing Through the Night
God View
In Transit
Doomed (Condenados)
Portrait From Haiti
At the Formal
The Centrifuge Brain Project
Otsailak 22
We'll become oil
Night Fishing
Henrick
The Streets of the Invisibles
Dona Sônia pediu uma arma para seu vizinho Alcides
Belly
Otsailak 23
Heavy Heads
Wind Over Lake
Choros
Moxie
Meteor
The Pub
Otsailak 24
Galim susitkti, galim nesusitikti
Bobby Yeah
Attach Boat to Motor
Sunday
Dell’ammazzare il maiale
Chase
Moving Stories
Otsailak 25
Die Fliegen (The Birds II)
Killing the Chickens to Scare the Monkeys
Hope
Le Songe de Poliphile
Derivation
il Capo
How to Raise the Moon
Otsailak 27
Mahai-ingurua: 10 urte esperimentatzen
Zure interesekoa izan daiteke
Gemma Cuervo aktorea hil da Madrilen, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaiotako aktorea.
Hollywood, Oscar sarien 98. ekitaldirako prest
Sinners filmak markak hautsi ditu 16 izendapen jasota, eta Sirat Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan izen nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ez da ostegunean irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.