'Skyfall', Adeleren oparia James Bonden 50. urtebetetzean
James Bonden Nazioarteko Eguna ospatzen ari dira pertsonaiaren lehen pelikula (No Doktorea) estreinatu zutela 50 urte betetzen direnean, Adelek Skyfall kaleratu du, pelikula berriko abestia, hain zuzen ere.
"Presio handia dago Bonden abesti bat kaleratzen den bakoitzean. Gidoiaz maitemindu nintzen eta Paulek ideia onak zituen. Azkenean, txorakeria litzateke ez egitea", esan du artistak. Paul Epworth ohiko kolaboratzailearekin batera konposatu du Adelek.
"Gainera, oso dibertigarria izan zen aurretik inposatutako arauei jarraitzea, lehen aldia izan da eta oso hunkigarria izan da. Lehen akordeak grabatu genituenean, oso harro sentitu nintzen. Ziur nago 60 urte ditudanean "Bond neska" izan nintzela irri egingo dut.
Londresko Abbey Road estudioetan grabatu zuen Skyfall eta 77 instrumentutako orkestra batek lagundu du. 2011 hasieran 21 disko arrakastatsua kaleratu zuenetik ez du abesti berririk argitaratu. Lan horrekin 24 milioi disko saldu ditu mundu osoan eta 6 Grammy, 2 Brit eta 2 Ivor Novello eskuratu ditu. 2011ko eta 2012ko diskorik salduena izan da.
Jack Whitek eta Alicia Keysek Quantum of Solace lanaren soinu bandan hartu zuten parte eta Chris Cornellek Casino Royalen parte hartu zuen, Daniel Craig James Bond bezala egin zuen lehen pelikula. Paul McCartney, Tina Turner, Shirley Bassey, Madonna eta Sheryl Crow artistek Bonden pelikuletan parte hartu dute.
Sam Mendesek zuzentzen du eta Javier Bardemek gaiztoaren papera egingo du. Skyfall urriaren 31n helduko da Espainiako zinema-aretoetara.
Zure interesekoa izan daiteke
Ikusi primizian “Cada día nace un listo” filmaren aurrerapena
Arantxa Echevarria zuzendariaren (“Carmen y Lola”, “Chinas”, “La infiltrada”) akziozko komedia beltzak EITBren parte hartzea du, eta ekainaren 5ean iritsiko da zinema aretoetara. Satira honetan, “pikarokeria, anbizioa eta itxurakeria” azaltzen dira, eta antzeztaldean daude Hugo Silva, Susi Sánchez, Dafne Fernández, Markos Marín, Marina Ostolaza, Javier Tolosa eta Sofía Otero.
Zinema jendaia Bizkaia Zubitik zintzilika
Hantuste eta txulo agertu da "¿Cómo hemos llegado a esto?" filma Euskal Herriko bizpahiru pantailatan, izenburu ezin aproposagoarekin.
Javier Ginerrek urriaren 30ean estreinatuko du bere lehen film luzea
Esta soledad pelikulan, barakaldar zinemagileak, Yo adicto serie sarituaren egileak, “anabasaren eta bakardadearen samurtasun basatiz bizirauten duten bi gazte” irudikatu ditu.
FANTek "Bajo tus pies" filma estreinatuko du
Fant Bilbao zinema jaialdiaren 32. edizioa maiatzaren 8tik 16ra izango da, baina, aurretik, Bajo tus pies Cristian Bernard zuzendariaren film luzea emango du astelehen honetan; Urko Olazabal eta Sofía Otero aktoreek parte hartzen dute, eta beraiekin hitz egin dugu, eta Ibai Atanes eta Maribel Verdú ere ageri dira antzeztaldean.
“Sucia” eta “Black water” sarituko ditu Giza Eskubideen Zinemaldiak
Bàrbara Mestanza eta Marc Pujolarren dokumentalak film luze onenaren Ikusleen saria jasoko du, eta Black water Natxo Leuzaren lanak Amnesty International saria. Gaur bukatuko da jaialdia, eta Imanol Uribek ohorezko saria jasoko du.
Imanol Uribe: "Intolerantziaren aurkako borrokak gidatu nau"
Euskal zinemagileak, La fuga de Segovia, La muerte de Mikel, Días contados eta El rey pasmado filmen egileak, Donostiako Giza Eskubideen Zinemaldiaren sari berezia jasoko du ostegun honetan, "errealitateari atxikia" duen zinemari esker.
Lara Izagirre “Yerma”ren bertsio garaikide eta urbanoa filmatzen ari da euskaraz
Zinemagilearen hirugarren film luzearen protagonistak Ane Pikaza eta Aitor Borobia dira, eta Maria Goiricelayarekin batera dago idatzita, Lorcaren lan hori antzerkirako arrakastaz moldatu zuen antzerkigilearekin.
Euskal zinemak ongietorria egin dio Maialen Belokiri
Jose Luis Rebordinosek, lekukoa emango dion zuzendariak, eta Koldo Almandoz eta Lara Izagirre zinemagileek Beloki Zinemaldiko buru izendatu izanaz hitz egin digute.
Maialen Beloki izango da Donostiako Zinemaldiaren zuzendaria 2027tik aurrera
Zinemaldiaren Administrazio Kontseiluak aho batez aukeratu du Beloki, Jose Luis Rebordinosen ondorengo gisa.
Lander Garro: "Memoria pertsonaia bat gehiago da 'Lutxi eta zuhaitza'n"
1987an Pasaian, Guardia Zibilaren esku, egoera nahasian hilik gertatu zen Lucía Urigoitia ETAko kidearen istorioa kontatzen du dokumentalak. Fikziozko zatiak eta lekukoen adierazpenak uztartzen ditu Lander Garroren pelikulak.