'Argo', 'Modern Family' et 'Downton Abbey', irabazle SAG sarietan
AEBetako aktoreen sindikatuak ematen dituen SAG sarien 19. edizioak "Argo" lana konfirmatu du Oscar sarietarako faborito gisa, "Lincoln" albo batera utziz. "Modern Family" eta "Downton Abbey" izan dira gaueko beste sarietuetako batzuk.
Sari garrantzitsuenean, zinemako antzezpen onenaren sarian "Argo" saritu dute, "Lincoln" eta "Silver Lining Playbook" filmen aurretik. Halere, Ben Afflecken pelikulako aktoreek ez dute bakarkako saririk eskuratu. "Lincoln" izan da sari gehien eskuratu dituen pelikula: Daniel Day-Lewisek eta Tommy Lee Jonesek sari bana jaso dituzte SAG sarietan. Gizonezko aktore onenaren saria Daniel Day-Lewisentzat izan da, espero zen bezala, eta Los Angeleseko Shrine Exposition Centerreko ekitaldian izan direnak zutik jarri ditu. Jennifer Lawrencek emakumezko aktore onenaren saria jaso du, "Silver Linings Playbook" filmagatik.
Sofia Vergarak iazko istorio bera errepikatu du, "Modern Family" telesaileko lankideekin komedia bateko taldeko interpretazio onenaren sari jaso baitute, baina ez du bakarkako saia jaso, komediako emakumezko aktore onenaren saria Tina Feyrentzat izan baita ("30 Rock").
2012ko telebistako drama onenaren saria "Downton Abbey" telesailarentzat izan da, "Homeland" faboritoaren aurretik eta baita "Mad Men", "Boardwalk empire" eta "Breaking Bad" telesailen aurretik. Azken horretako protagonistak, Bryan Cranstonek, bi sari jaso ditu.
Zure interesekoa izan daiteke
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ostegunean ez da irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.