Frankenstein, FANT Bilboko zinemaldiko XX. edizioko irudia
Bilboko Udaleko Kultura eta Hezkuntza Sailak FANT Beldurrezko Zinemaldiaren XX. edizioko kartela aurkeztu du. Maiatzaren 9tik 16ra bitartean ospatuko den jaialdirako irudiaren egilea Koldo Serra bilbotarra izan da, eta beldurraren irudi unibertsaletako bat berreskuratu nahi izan du, James Whale zuzendariak irudikatu eta Boris Karloff aktoreak gorpuztutako Frankenstein. Generoari "keinu berezia" egin nahi izan dio, "unibertsalki beldurgarria" izan dena aldarrikatuz eta FANT jaialdiaren jatorriarekin lotura eginez.
Horrela, Mary Shelley idazlearen eleberrian oinarrituz 1930eko hamarkadan sortutako izakia izango da "FANTen zaindaria", jaialdiaren lehen urteetan ohikoak ziren zinemako kartelen itxuraren estiloa berreskuratu duen karteletik. "Berehala, alde egitera bultzatzen gaituen begirada du, baina, agian, zinemara gidatu nahi gaitu soilik", azaldu dute.
Berritasuna
FANT zinemaldiaren edizio honetako beste berritasun bat LittleSecretFilm zikloa da. Bertan, Jordi Costa, Pablo Maqueda, Venga Monjas, David Sainz, Alex Mendibil, Noel Ceballos, John Tones eta Borja Crespo zuzendariek baldintza berezietan egindako lanak proiektatuko dituzte.
Mugimendu berri honek jarraibide hauek zehazten ditu: pelikulak soilik 24 ordutan filmatzea, produkzio osoa isilpean egitea eta inolako promozio kanpainarik gabeko doako estreinaldia izatea.
Bestalde, antolatzaileek gogorarazi dute martxoaren 15ean amaituko dela FANTen XX. edizioan parte hartu nahi duten filmak aurkezteko epea, eta Nontzefilmak lehiaketan parte hartu nahi dutenek, aldiz, martxoaren 28ra arte dutela epea. Azken hau animaziozko film laburren lehiaketa da, gai eta formatu librean, Nontzeberri.com atariak antolatzen du eta Zinebi Bilboko Zinemaldi Fantastikoaren babesa du.
Albiste gehiago zinema
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.