Zazpi film laburrek osatuko dute Kimuak 2014 katalogoa
Guztira zazpi euskal film labur aukeratu ditu epaimahaiak, 63 hautagaien artean, 2014ko Kimuak katalogoa osa dezaten. Irailean aurkeztuko dute bilduma, Donostiako Zinemaldian.
Ohar batean azaldu dutenez, lan hauek osatuko dute euskal zinemagileen lanen lagina aurten: "Anómalo" (Aitor Gutierrez); "A serious comedy" (Lander Camarero); "Don Miguel" (Kote Camacho); "Hubert le Blon-en azken hegaldia" (Koldo Almandoz); "Sailor's grave" Artelekuk ekoitzitako lan kolektiboa; "Soroa" (Asier Altuna); eta "Zarautzen erosi zuen" (Aitor Arregi).
Zinema genero nagusiak biltzen ditu bildumak, eta euskarazko bi lan, gaztelaniazko beste horrenbeste, elkarrizketarik gabeko bi lan eta arabieraz filmatutako bat eskainiko ditu.
Epaimahaikideak hauek izan dira: Maialen Beloki Donostiako Zinemaldiko Zuzendaritza eta Hautaketa batzordeetako kidea, Josemi Beltan Donostia Kulturako Zinema Arloko zuzendaria, Ismael Martin ECAM zinema eskolako eta Madrid en Corto programako arduraduna, Edurne Ormazabal EiTBko zuzendari komertziala eta Jorge Sanz Aguilar de Campooko Film Laburren Jaialdiko koordinatzaile nagusia.
Kimuak Eusko Jaurlaritzaren Kultura Sailaren ekimena da, Etxepare Institutuak antolatu eta Euskadiko Filmategiak kudeatutakoa, eta EAEn egin edo ekoitzitako film laburrak zabaltzea eta sustatzea du helburu.
Albiste gehiago zinema
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.
El Gran Wyoming da Fantasiazko eta Beldurrezko Zinemaren Asteko kartel ofizialeko protagonista
Urriaren 31tik azaroaren 7ra egingo dute Donostiako zinema jaialdiaren 36. edizioa. Espainiar aurkezle, aktore eta musikaria "Eraserhead" David Lynch zenaren lehen filmeko protagonista bihurtu da kartelerako.
Munduaren akabamendua Aragoiko basamortuan
Zeluloidezko ispilatzeetan barna gabiltza "Sirat"en adoratzaileok, burua erdi sano erdi joana dugula. Igual esnatzen garenean, sendatzen garenean, Nafarroako Errege Bardean gaudela deskubrituko dugu .
Zinemagileen "Tabakalera Belaunaldia"ri gorazarre, asteburuan Donostian
Kultura zentroaren 10. urteurrenaren harira, Zinemaldiak, Elías Querejeta Zine Eskolak, Euskadiko Filmategiak eta Tabakalerak osatzen duten ekosistemaren abaroan hazi den zinemagile belaunaldia omenduko dute asteburu honetan.
15 filmek hartuko dute parte Zinegoak zinema jaialdiko Sail Ofizialean
Bilboko LGTBIQ+ zinema eta arte eszenikoen jaialdiaren 22. edizioan, Zero Chou taiwandar zinemagileak jasoko du Ohorezko Saria. "Jone, batzuetan" filmaren Euskal Herriko estreina egingo dute.