2,1 milioi ibilgailuk baino gehiagok zeharkatuko dituzte euskal errepideak gaur abiatuko den trafiko operazio berezian
Trafiko handiena uztaileko azken asteburuan eta abuztuko lehenean, eta abuztuko azken bi asteburu luzeetan espero dira.
Bi milioi ibilgailuk baino gehiagok zeharkatuko dute Euskadi, Eusko Jaurlaritzaren aurreikuspenen arabera. Iturria: Irekia
Arratsaldeko 15:00etan hasiko da ofizialki udako irteera-operazioa, eta 550 ertzainek osatutako dispositiboa prestatu du Segurtasun Sailak.
Eusko Jaurlaritzako Babes Zibileko sailburuorde Joana Egiluzek eta Trafikoko zuzendari Estibaliz Olabarrik Gasteizko hegoaldeko irteeran dagoen Lopidanako zerbitzugunean egin dute Araba, Bizkaia eta Gipuzkoako udako trafiko-operazio bereziaren aurkezpena.
Eusko Jaurlaritzak aurreikusita du nazioarteko trafikoa —iparraldetik sartu eta Euskal Herria zeharkatzen duena— % 3,8 haztea. Guztira, 2.100.000 bat ibilgailuk zeharkatuko dituzte euskal errepideak, eta 4.000 bat joan-etorri izango dira. Barne-trafikoari dagokionez, berriz, aurreikuspenen arabera, igoera % 3koa izango da (42,3 milioi joan-etorri).
Nazioarteko trafikoaren fluxuaren data nagusiak, Irteera Operazioan (ibilgailuak Europatik Espainia eta Portugal hegoaldera doazenean), uztaileko azken asteburua eta abuztuaren lehena dira. Itzulera Operazioan (ibilgailuak Espainia eta Portugal hegoaldetik Europara doazenean) abuztuko azken bi asteburu luzeak, hau da, ostegunetik igandera, izango dira egunik kritikoenak dira auto-ilarei dagokienez.
Aurreikuspenen arabera, bi milioi ibilgailuk baino gehiagok zeharkatuko dituzte euskal errepideak nazioarteko joan-etorrietan
Aurten ere arreta berezia jarriko dute ohiko puntu kritikoetan: Gipuzkoan, AP-8an, Biriatuko ordailekuan; Araban, AP-1 eta N-622 arteko lotunean Burgoserantz eta Gasteizerantz, eta Armiñongo lotunean; eta Bizkaian, A-8an, Kantabriarako irteeran.
Hori guztia aurrera ateratzeko Eusko Jaurlaritzak seinaleztapen operatibo bereziak jarriko ditu, baita informazio panelak ere. Bosgarren urtez jarraian, garabi zerbitzua ere izango da, istripua edo matxura izan duten ibilgailuei laguntzeko.
Iaz, 2024an, uztaila eta abuztua bitartean, zazpi pertsona hil ziren EAEko errepide-sarean (2, Araban; 2, Bizkaian, eta 3, Gipuzkoan).
Horregatik, Babes Zibileko sailburuorde Joana Egiluzek gogorarazi du Eusko Jaurlaritza batere biktimarik ez izateko ari dela lanean, eta 2025eko Udako Irteera-Itzulera Operazio Bereziari begira hartutako neurri guztiak horretara bideratu direla.
GOMENDIOAK
- Ibilgailua ondo dagoela ziurtatu
- Gidatu aurretik ez kontsumitu ez alkoholik ez drogarik, eta ez egin otordu astunik
- Ertzaintzako agenteen aginduak bete
- Arretaz, arduraz eta errespetuz gidatu
- Segurtasun-tarteak gorde
- Bi orduz behin edo 200 kilometro egin ondotik atseden hartu
Gizarteari buruzko albiste gehiago
59 urteko gizon bat desagertu da Samaniegon
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egingo dituzte gaur udaletxeen aurrean, UEMAk deituta
UEMAko presidenteak larritzat jo du Espainiako Auzitegi Gorenaren epaia, eta “erantzun bateratua” eskatu du alderdi politikoen, euskal eragileen eta baita herritarren aldetik ere.
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.
Arrazakeriaren eta "morofobiaren" aurkako elkarretaratzeak Euskal Herrian
Arrazakeria ez dela gertakari isolatua salatzen dute, egiturazkoa baizik. Torre Pachecon gertatutakoen harira, azpimarratzen dute talde arrazistak beldurra sortzeko antolatzen ari direla, eta, beraz, batzeko deia egiten dute, elkarri eusteko.
Bilboko Garcia Rivero kaleak baldosa guztiak altxatu beharko ditu berriro, akastunak direlako
Bilboko Garcia Rivero kaleko lanak bukatzear daudela, udalak erabaki du kaleko obrei berriro ekitea, baldosa akastuak direla eta. Inguruko merkatariak oso atsekabetuta daude obraren prozesuarekin, Aste Nagusia gertu dutela
Tecnaliak Kanadara zabaldu du suarekin saiakuntzak eskala handian egiteko gaitasuna
Tecnalia ikerketa-zentroak Kanadako araudiaren arabera suarekin saiakuntzak eskala handian egiteko akreditazioa lortu du. Agiaztapen hau Estatu Batuetarako edo Erresuma Baturako lortutakoei gehitzen zaie. Lorpen honek negozio-aukerak zabaltzen dizkie eraikuntza-industriako enpresei, Europatik haragoko merkatu arautu eta zorrotzetan.
Bilboko Konpartsetako 13 txosnak ez dute Coca-Cola salduko Palestinako herriari elkartasuna adierazteko
Altxaporrue, Bizizaleak, Eguzkizaleak, Hau Pittu Hau, Kaskagorri, Kranba, Txinparta Feminista, Mekauen, Piztiak, Txinbotarrak, Txori Barrote, Uribarri eta Sinkuartelek ez dute produktu hori salduko.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.