15 filmek hartuko dute parte Zinegoak zinema jaialdiko Sail Ofizialean
Bilboko LGTBIQ+ zinema eta arte eszenikoen jaialdiaren 22. edizioan, Zero Chou taiwandar zinemagileak jasoko du Ohorezko Saria. "Jone, batzuetan" filmaren Euskal Herriko estreina egingo dute.
15 film lehiatuko dira Zinegoak Bilboko LGTBIQ+ zinema eta arte eszenikoen jaialdiaren Sail Ofizialean ekainaren 23tik 30era, hiru sailetan: FIK, DOK eta KRAK (narratiba berriak).
Guztira, 50 jarduera baino gehiago izango dira Bilbon, jaialdiaren kari: proiekzioak, arte eszenikoak, topaketak, jardunaldi profesionalak, jaiak...
Alaitz Arenzana Zinegoakeko zuzendariak 22. edizioaren berrikuntza nagusiak azaldu ditu gaur, aurkezpen prentsaurrekoan: "Aurten disidentzietatik sortzen ditugun erresistentzia eta afektuen sareetan jarri dugu arreta, egitura tradizionaletatik haratago doazen ereduak birpentsatu ahal izateko.
Film luzeez gain, 30 film labur lehiatuko dira Sail Ofizialean, eta, "Haurtzaroa eta Nerabezaroa" eta "Emakume Zuzendariak" ohiko zikloez gain, edizio honetan Zinegoakek ziklo berri gehiago izango ditu: "Maitasun sareak" eta "Erresistentzia eremuak". Horietan, "gorroto diskurtsoak areagotzen ari diren honetan borroka politiko aktiboa mantentzearen garrantziaz hausnartzera" gonbidatu nahi dute publikoa, eta "Geroa oroimenetik" zikloan iraganari begiratuko diote, "etorkizun kontzienteagoa eraikitzeko".
Jaialdia ekainaren 23an hasiko da, Arriaga Antzokian, eta Zero Chou taiwandar zuzendariak Zinegoak 2025 Ohorezko Saria jasoko du inaugurazio ekitaldi horretan,
Ekitaldiaren ondoren, "Jone, batzuetan" filmaren Euskal Herriko estreinaldia egingo dute. Sara Fantova zuzendariaren opera prima da, eta FIK sail ofizialean lehiatuko da.
SARIA
"Jone, batzuetan" saritu dute D'A Festival Cinema Barcelona jaialdian
Fantovaren lanaz gain, sei euskal film laburrek parte hartuko dute Zinegoaken: ¿Dónde estás? (Marina Moreno Novoa), Judoka (Ander Iriarte), Maitemina (Erik Rodríguez Fernández), Inkognita (Julen Gorosabel), Azkena (Ane Inés Landeta, Lorea Lyons) eta La raíz (Isabel Sáez Pérez).
Jaialdiaren itxiera ekitaldia ekainaren 30ean izango da, astelehenarekin, Bilborocken, eta bertan 22. edizioaren palmaresa ezagutaraziko da, EITBk babestutako Zinegoak Sari Nagusia barne.
Gainera, behin bukatuta, jaialdiak bere leiho digitalean jarraituko du EITBren Primeran plataforman, jaialdian parte hartu duten filmen kanal batean.
Zinegoak jaialdiaren programazio osoa webgunean kontsulta daiteke.
Albiste gehiago zinema
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.