'Bendita Calamidad' filmatzen jarraituko dute Luis Varela aktorearekin
Datorren astean, “Bendita calamidad” pelikula filmatzeko lanei berriz ekingo diete, eta Luis Varela aktoreak egingo du Tarazonako gotzainarena. Gaizka Urresti zinemagilea buru duen lantaldeak grabazio lanak eten zituen, uztailaren 20an Alex Angulo, filmeko protagonistetako bat, hil eta gero.
Urrestik, lantaldearekin eta proiektua babesten duten hainbat lagunekin hitzartuta, film luzea grabatzen jarraituko dutela berretsi du. Asmo hori gauzatzeko, “ezinbestekoa” izan da Luis Varela antzerkiko, telebistako eta zinemako aktore “bikaina” proiektura batzea.
“Teknikariek, aktoreek eta bestek ahalegin handia egin behar izan dugu aldartea berreskuratu eta filmatze lanen antolaketa berriak dakartzak zailtasun tekniko eta azpiegiturakoei buelta emateko”. Astelehenean, hilak 4, hasiko dira berriz lanean, irailaren 5era arte, Moncayon, Zaragozan eta Tarazonan.
“Bendita Calamidad” 2015ean eraman nahi dute zinema aretoetara, eta “Alex Angulorentzako omenaldi” gisa aurkeztu du Urrestik, “gizaki moduan eta profesional moduan” merezi zuelako.
'Alexek egin nahi zuen filma amaitu'
Gaizka Urrestik gutun batean azaldu duenez, Angulo hil eta gero “ez genuen indarrik filmatzen jarraitzeko”, baina “jendeak, deien bidez eta sare sozialetan, bidali digun babes eta maitasunak aurrera egin behar genuela, helburua gauzatu egin behar genuela, ulertzen lagundu digu, eta Alexek egin nahi zuen filma bukatu behar dugu”.
Luis Varela aktorea 50eko hamarkada hasi zen lanean. Zineman, Berlangarekin, Nieves Conderekin, Saenz de Herediarekin, Pedro Lazagarekin eta, geroago, Alex de la Iglesia eta Jose Luis Garcirekin lan egin du. “Antzerki mailan, dena egin du”, esan du Urrestik.
Albiste gehiago zinema
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.