Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Maspalomas Aitor Arregik eta Jon Garañok zuzendu duten filma, Karmele Asier Altunaren film luzea eta Zeru ahoak Koldo Almandozen seriea Donostiako Zinemaldiaren 73. edizioko Sail Ofizialean egongo dira; lehena, Urrezko Maskorrerako zein gainerako sari ofizialetarako lehian, eta, gainerako biak, lehiaz kanpo. Hiru ekoizpenok EITBren parte-hartzea dute, eta Sail Ofizialean inoiz izan den euskarazko lehen seriea da Zeru ahoak.
Gainera, Los tigres euskal koprodukzioa, Alberto Rodriguez andaluziar zuzendariaren azken filma, ere lehian izango da Zinemaldiko sail nagusian.
Donostiako Zinemaldiak irailaren 19tik 27ra, aurtengo edizioan, Gipuzkoako hiriburuan ikusgai izango diren Espainiako Estatuko filmen aurkezpena egin du gaur Madrilen, eta euskal zinemak –esan gabe doa– ordezkaritza sendoa izan du ekitaldi horretan.
Sail Ofizialetik haratago, Aro berria Irati Gorostidiren filma New Directors sailean lehiatuko da, etorkizun handiko zinemagileen lehen edo bigarren film luzeak hautatzen dituen atalean, eta Zabaltegi-Tabakalera atalean El último arrebato dokumentala (Marta Medina eta Enrique López Lavigne) eta Bariazioak film laburra (Lur Olaizola) ikusigai izango dira. Hiru lan horiek ere EITBren parte-hartzea dute.
Horizontes Latinos atalean, La misteriosa mirada del flamenco euskal koprodukzioa aurkeztuko dute.
Maspalomas Moriarti hirukotearen (80 egunean, Loreak, Handia, La trinchera infinita…) film berria da, Aitor Arregik eta Jose Mari Goenagak zuzendua oraingoan. Jose Ramon Soroiz eta Nagore Aranburu dira pelikulako protagonista nagusiak, eta Kanarietan zegokion bizimodua izan eta gero Donostiara bueltan, adinekoen etxe batean sartzen dutenean, homosexuala dela estaltzea erabakiko duen gizon adineko baten istorioa du kontagai.
Karmele Asier Altunaren (Amama, Bertsolari, Aupa Etxebeste!, Agur, Etxebeste) filmak Elkarrekin esnatzeko ordua Kirmen Uriberen eleberria du abiapuntu, eta Karmele Urresti eta Txomin Letamendiren bizitza kontatzen du: 1936ko gerraren ondorioz Frantzian eta Venezuelan erbesteratu eta gero, Euskal Herrira itzuliko dira.
Zeru ahoak Koldo Almandozen seriea, bestalde, Hondar ahoak thriller beltzaren jarraipena da; 35 minutuko lau atalez osatuta dago, eta Nagore Aranburu bera (Karmelen ere agertzen da Aranburu), Josean Bengoetxea, Miren Gaztañaga, Ramon Agirre eta Sara Cozar ditu aktore-taldean..
Aro berria filmak printzipio iraultzaileak arlo zabalagoetatik eremu intimoagoetara eramateaz dihardu, El último arrebatok Arrebato filmaren eta Ivan Zulueta haren zuzendariaren atzeko misterioei begiratzen die, eta Bariazioak film laburrak liburuak konpontzen dituen bitartean honetaz eta hartaz hitz egiten duen hirukote bat du protagonista.
Halaber, jakina denez, Klasikoak sailak 80ko hamarkada erdialdeko euskarazko lau film ertain proiektatuko ditu, Euskadiko Filmategiaren eta EITBren bitartez zaharberrituta: Hamaseigarrenean, aidanez (Anjel Lertxundi, 1985), Ehun metro (Alfonso Ungría, 1985), Zergatik panpox (Xabier Elorriaga, 1985) eta Oraingoz izen gabe (José Julián Bakedano, 1986).
Zure interesekoa izan daiteke
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.