"Jone, batzuetan" Sara Fantovaren filma irailaren 12an estreinatuko dute
Jone, batzuetan Sara Fantova zuzendariaren (Bilbo, 1993) lehen film luzea irailaren 12an estreinatuko dute zinema aretoetan. Malagako zinema jaialdian estreinatu zuten filma, martxoan, eta zuzendaritza onenaren saileko aipamen berezia lortu zuen, baita Impulso Colectivo saria ere, Bartzelonako D’A Film Festivalen. Joan den hilean, Zinegoak LGTBIQ+ zinema eta arte eszenikoen Bilboko jaialdia ireki zuen.
Jone, batzuetan euskarazko filmak Joneri begiratzen dio: parkinsonak aitari gero eta nabariago erasaten dion bitartean, Jone lehenengoz maiteminduko da, Olgarekin, Bilboko Aste Nagusi betean.
Olaia Aguayo da filmaren protagonista, zinemarako egin duen lehen lanean, eta ondoan ditu Josean Bengoetxea, Ainhoa Artetxe eta Elorri Arrizabalaga umea, besteak beste.
EITBren parte hartzea duen filma irailaren 12tik aurrera ikusi ahalko da zinema aretoetan.
Albiste gehiago zinema
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.