Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
Marisa Paredes izango da Donostia Zinemaldiaren aurtengo irudia, eta iaz zendutako aktore madrildarraren argazkia erakutsiko du 73. edizio honetako kartel ofizialak. Modu horretan, jaialdiarekin zuen lotura aitortu nahi zaio. "Paredes Zinemaldiaren izar maitatuenetako bat izan zen 1977an lehen aldiz etorri zenetik iaz hil zen arte", esan dute antolatzaileek.
Halaber, gaur jakinarazi dute Esther Garcia ekoizleak jasoko duela aurtengo Donostia sarietako bat. "Garciak funtsezko lana egin du Espainiako eta Latinoamerikako zinemagintza nazioartekotzeko", esan du Jose Luis Rebordinos Zinemaldiaren zuzendariak.
Gaur, Tabakalera Kultura Garaikidearen Nazioarteko Zentroan, kartelen aurkezpen-ekitaldian iragarri dituzte bi aitortzak Rebordinosek eta Ruth Perez de Anucita Zinemaldiaren Komunikazio arduradunak.
Marisa Paredesek 75 film luzetan baino gehiagotan lan egin zuen, eta bere ibilbidea hainbat zinemagilerekin lotuta dago, hala nola Fernando Trueba, Montxo Armendariz, Jaime Chavarri, Agusti Villaronga eta, batez ere, Pedro Almodovarrekin.
60ko eta 70eko hamarkadetako antzerkigintzan eta telebistan zaildua, lotura estua izan zuen Donostia Zinemaldiarekin 1977an lehen aldiz etorri zenetik.
Rebordinosek gogorarazi du bigarren aldiz izango dela Paredes Zinemaldiaren kartelaren protagonista. “2006an The Lady From Shangai gisa agertu zen, eta orain, 19 urte geroago, aktore eta pertsona bezala zuen handitasuna gogorarazten digun irudi ezin ederrago batean dugu", azaldu du.
Zure interesekoa izan daiteke
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.
Eta sirenek kantu ez bazuten egin?!
Sirenen isiltasunaren kontra (edo alde) egin behar izan zuten borroka The Odissey filmaren musikaz arduratu zirenek, Suedian jaiotako Ludwig Göransson musikari hiru Oscar sariduna buru zela. Erabaki sendoak, ezin utzizkoak hartu zituzten. Lehengo eta kasik garrantzi handienetakoa: orkestrarik ez zen izango.
Urriaren 9an iritsiko da zinemetara “Inurri itsuak” Igor Legarretaren filma
Euskarazko pelikulak Ramiro Pinillaren eleberri bat du oinarri, eta antzeztaldea Urko Olazabal, Itziar Ituño, Josean Bengoetxea, Miren Gaztañaga eta Carlos Santosek osatzen dute.
Pablo Larrain, Mike Leigh eta Yesim Ustaoglu lehiatuko dira Donostiako Urrezko Maskorra lortzeko
Zinemagile horien film luze berriak Donostia Zinemaldiko Urrezko Maskorra lortzeko lehiatuko dira, Nicole Garcia, Maha Harada, Hans Petter Moland eta Benjamín Naishtaten azken lanekin batera.
Ione Hernandezen "Hermanas" filma Torontoko zinema jaialdian estreinatuko da
Pelikulak EITBren babesa du, eta Bizkaiko eta Madrilgo hainbat tokitan filmatu dute. Elena Anaya eta Emma Suarez aktoreak dira protagonistak.
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.
Sam Neill zeelandaberritar aktorea zendu da
Jurassic Park sagan Alan Grant paleontologoarena egin zuen aktorea Pianoa eta Urri Gorriaren ehiza filmetan ere agertu zen.