Paco León, Segura eta Coixet energiaz labur-zurrean, Zinemaldian
Herritarrek efizientzia energetikoaren aurrean kontzientzia hartzeko saiakera egingo dute Paco Leon, Santiago Segura eta Isabel Coixet zuzendariek Donostiako Zinemaldian, Cinergia Gas Natural Fenosa enpresaren ekimenez eginiko lau film laburren bitartez.
Jose Luis Rebordinos Donostiako Zinemaldiko zuzendariak, Andreu Buenafuente aurkezle eta El Terrat ekoiztetxearen presidenteak eta Paco Leon zuzendari eta aktoreak aurkeztu dute gaur ekimena, Gipuzkoako hiriburuan.
Isabel Coixetek 'Un corazón roto no es como un jarrón roto o un florero' film laburra egin du, komedia erromantiko bat, eta, horretarako, Silvia Abril, Julian Lopez, Kira Miro, Rodrigo Guirao eta Andreu Buenafuente aktoreen lana baliatu du.
Paco Leonek, bestalde, ‘Vaca Paloma’ zuzendu du, Carmen Maura eta Secun de la Rosa aktoreen laguntzaz, eta ama-seme batzuen arteko harremanari begiratu dio, “ukitu surrealista batez”.
'Nivel 7’ izenburukoa Santiago Seguraren lana da, eta, aurkezpenean azaldu dutenez, tentsioa, emozioa, txiste gatz-ozpinduak eta hilketak ere baditu. Anabel Alonso, Enrique Villen eta Joaquin Reyes aktoreek parte hartu dute.
Laugarren film laburra Talento Cinergia gidoi lehiaketaren irabazleak zuzenduko du. Zinemako eta Ikus-entzunezko Komunikazioko ikasleak ari dira horretan parte hartzen.
Albiste gehiago zinema
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.
El Gran Wyoming da Fantasiazko eta Beldurrezko Zinemaren Asteko kartel ofizialeko protagonista
Urriaren 31tik azaroaren 7ra egingo dute Donostiako zinema jaialdiaren 36. edizioa. Espainiar aurkezle, aktore eta musikaria "Eraserhead" David Lynch zenaren lehen filmeko protagonista bihurtu da kartelerako.
Munduaren akabamendua Aragoiko basamortuan
Zeluloidezko ispilatzeetan barna gabiltza "Sirat"en adoratzaileok, burua erdi sano erdi joana dugula. Igual esnatzen garenean, sendatzen garenean, Nafarroako Errege Bardean gaudela deskubrituko dugu .
Zinemagileen "Tabakalera Belaunaldia"ri gorazarre, asteburuan Donostian
Kultura zentroaren 10. urteurrenaren harira, Zinemaldiak, Elías Querejeta Zine Eskolak, Euskadiko Filmategiak eta Tabakalerak osatzen duten ekosistemaren abaroan hazi den zinemagile belaunaldia omenduko dute asteburu honetan.