'Loreak', Oscarretan lehiatzeko bidean
Espainiako Zinema Akademiak Oscarretara, atzerriko film onenaren sailerako, zein film aurkeztuko duen aukeratzeko lehen hautaketa egin du, eta gaur eman dute hiru finalisten berri Jesus Castro eta Adriana Ugarte aktoreek: 'Loreak' (Jon Garaño eta Jose Mari Goenaga) euskarazko lana, 'Magical Girl' Donostiako iazko Zinemaldiko Urrezko Maskorraren irabazlea eta 'Felices 140' Gracia Querejetaren lana. Hiru pelikula horietakoren bat jardungo da Espainiako Akademiaren izenean 2016ko Oscarretan izateko lehian.
Irailaren 29an iragarriko dute, Antonio Resines Akademiako presidenteak azaldu duenez, hiru film horietako zein bidaliko dioten Hollywoodeko Akademiari, AEBko zinemaren sari handietarako hautagaien artean aintzat har dezan.
Bide oparoa ari da egiten Jon Garañoren eta Jose Mari Goenagaren filma, udazkenean estreinatu zutenetik: mundu osoko jaialdietan erakutsi dute; hainbat sari jaso ditu; Goya sarietarako bi izendapen jaso zituen, tartean film onenarena; Donostiako Zinemaldiko Sail Ofizialean lehiatu den euskara hutsezko lehen filma izan da; eta, orain, Oscarretarako behin-behineko bidean jarri du Espainiako Zinema Akademiak.
Irailaren 29an jakingo dugu, azkenik, Hollywoodeko Akademiako kideen hautaketan sartzeko behin betiko hautagai ote den EiTBren parte hartzea duen lanak.
"Ohorea izango litzateke"
Jose Mari Goenagak albistearen berri izan eta berehala esan duenez, "ohorea" izango litzateke euskara AEBko Akademiaren sarietan egon ahal izatea.
'Loreak' euskarazko lehen filma izan zen nola Goyetan hala Donostiako Zinemaldian, film onenerako lehian: "Itzela izango litzateke", esan du Goenagak, baina bertan egotea "oso zaila" izango dela gaineratu du.
Zure interesekoa izan daiteke
Ian Cortegoso 10 urteko bilbotarrak Nacho La Casaren "Un hijo" filmean egin du debuta
Ostiral honetan, maiatzaren 15ean, Ian Cortegoso 10 urteko aktore bilbotarra protagonista duen filma iritsi da zinema-aretoetara. Un hijo filmeko protagonista da, 8 urte zituenean grabatu zuena.
Aitor Etxebarriak musika jarri dio "The Black Mirror Experience" murgiltze-lanari
The Black Mirror Experience film espainiarra telesail ospetsuan oinarritutako murgiltze-lana da, eta Cannesko Zinemaldiko Immersive sail lehiakorreko sariaren bila dabil.
'Buzzheart' Dennis Iliadis greziarraren pelikula, Fanteko film luze onena
Fantasiazko zinemaren Bilboko jaialdiak Hyena Sail Ofizialeko labur onena eta Bea Lemaren El cuerpo de Cristo euskal film labur onena ere saritu ditu.
Daniel Calparsoro 'El Confidente', ETAko sator bati buruzko istorio berri bat, filmatzen ari da Donostian
Aktore taldean Javier Gutierrez, Miguel Herran eta Itsaso Arana daude, besteak beste. EITB grabazioan sartu da.
Euskal Herriko zinema-areto komertzialetako emanaldien % 2,25 izan ziren euskaraz 2025ean
Pantailak Euskaraz ekimenak eta Hizkuntza Eskubideen Behatokiak iaz euskal aretoetan egindako proiekzioak aztertu dituzte, eta datu “gordin bezain kezkagarriak” aurkeztu.
“Las hijas”: Alabak Cannesen daude
Yune Nogueiras protagonista duen filma thriller psikologiko bat da, Daniel Romero pelikularen zuzendariak eta Asier Guerricaechevarria bilbotarrak idatzia. Marché du Film topagunean parte hartzen ari da Cannesen, salmenta agenteen, banatzaileen eta jaialdietako programatzaileen faborearen xerka.
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...
Fabio Testi aktore italiarrak Ohorezko Fant saria jasoko du
Larunbatean, fantasiazko zinemako jaialdiaren amaiera galan, jasoko du aktoreak beldurrezko eta fantasiazko generoetan nabarmendu den profesionalentzako saria.
Jules Mamonek "bestetasun, singulartasun eta munstroaren figuraz" jantzi du Zinegoaken kartela
LGTBIQ+ Zinema eta Arte Eszenikoen Bilboko Jaialdiak 23. edizioaren irudia aurkeztu du. “Bestea deitu duten hori eztabaidaren erdian” jarri nahi du Zinegoakek.