Alex de la Iglesiaren jairako gonbita Zinemaldira iritsi da
Igandea "Mi gran noche" Alex de la Iglesiaren filmaren eguna izan da Donostiako Zinemaldian. Bilbotar zuzendaria pelikulan Raphael kantari eta aktorea inguratzen duen antzeztalde ugariarekin heldu da zinema jaialdira (Hugo Silva, Mario Casas, Carolina Bang, Blanca Suárez, Carmen Machi, Carlos Areces…), eta ikusmin handia piztu du; jendez mukuru egon da Kursaaleko lehen areto erraldoia, goizeko bederatzietako emanaldian.
Jende-aldra barre egiteko gogoz bertaratu da aretora, eta helburu hori erdietsi egin du zinemagileak hasieratik, istorio eragabeari atea zabaltzen dion erritmo bizi-biziko hastapenetik. Kadentzia hori eten egiten da zenbait unetan, baina, tarteka, 100 minutuko filmean, Alex de la Iglesiak ohikoak dituen amaiera puztu, hanpatu, horietako batera iritsi arte. Amaiera harrotua izanagatik, nolanahi den, ez da "Zugarramurdiko sorginak" duela bi urte zinema topagune honetan bertan aurkeztutako filmeko azken oniriko haren mailara heltzen, zorionez.
Istorioak gaur-gaurko gizarte egoeraren hainbat zantzu erakusten ditu, hala nola krisi ekonomikoaren ondorioak, Suitzako bankuetako kontuak eta influentzia trafikoa, baina, inongo tranzendentzia asmotatik ihesi, ikuslearen bizimodua aldatzeko saiakerei iskin eginda (agerikoa da pelikula honek ez duela halakorik erdietsiko), jairako gonbita egiten du De la Iglesiak, ez gehiago ez gutxiago, zuzendariak berak prentsaurrekoan azaldu duenez: "Egungo egoeraren aurrean, barrez egin behar diogu aurre bizitzari, ez dugu beste aukerarik. Nire ustez, jaia dira pelikulak, eta, ni DJa izango banintz bezala, jendea dantzan jartzen saiatzen naiz. Bide horretan, jendeak entzun nahiko lukeenaren eta nik entzun nahiko nukeenaren arteko oreka aurktzen saiatzen naiz".
"Mi gran noche" ez da Alex de la Iglesiak inoiz egin duen filmik biribilena, esan gabe doa, baina helburua erdiesten du: jendea barrez jartzen du.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.