Zer ikusiko dugu zinema aretoetan 2016an?
?Batman vs Superman. Dawn of Justice? Batman berri baten (Ben Affleck) eta Supermanen (Henry Cavill) arteko buruz burukoa da 2016an estreinatuko diren filmen artetik ikusmin gehien piztu duenetako bat. Nolanahi den, frankizien atal berriez gain, zuzendari handi askoren film berriak ikusi ahalko dira 2016an: Tarantino, Almodovar, Gonzalez Iñarritu...
Euskal zinemari dagokionez, urte berriak ?Pikadero? (Ben Sharrock) lanaren estreinaldia ekarriko du; Donostiako Zinemaldian oso kritika onak jaso zituen euskaraz filmatutako lanak. Halaber, ?Igelak? komedia soziala ere ikusi ahalko da (filmeko lantaldeak filmatze lanen berri eman digu eitb.eus-eko blogean), baita Daniel Calparsoro, Alex de la Iglesia eta Koldo Serra zuzendarien lan berriak ere.
Calparsoro ?Cien años de perdon?ekin helduko da bueltan, Luis Tosar, Raul Arevalo eta Jose Coronado aktoreak lagun, eta Alex de la Iglesiak Mario Casas, Jose Sacristan eta Camen Machirengana jo du ?El bar? pelikula egiteko. Frankotiratzaile baten mehatxupean taberna batetik irten ezinik dagoen pertsona talde baten inguruko istorioa da zuzendari bilbotarrarena, eta traizioa eta errua hartuko ditu hizpide bertan, besteak beste.
?Gernika? 2016an ikusgai egongo den proiektu handirako, James D?Arcy, Maria Valverde eta Jack Davenport aktoreak zuzendu ditu Koldo Serrak.
Zuzendari handiak eta sagak
Bestela, Oscarren atarian, film handiak helduko dira zinema aretoetara urtea hastearekin batera. ?Spotlight? da horietako bat, izar zerrenda oparoa erakusten duena: Michael Keaton, Mark Ruffalo, Rachel McAdams? Bostongo eliza katolikoan adingabeei eginiko abusuak azaleratu zuen kazetaritza ikerketari buruzko istorioa kontatzen du.
Gainera, ?Carol? Cate Blanchett protagonista duen drama erromantikoa (Todd Haynes), ?The Danish Girl? kritikarien arabera Eddie Redmayne paper izugarrian erakusten duen lana eta ?The Room? jaialdietan laudorioak ugari jaso dituen drama mingarria ere ikusteko parada izango da heldu den urtean.
Alejando Gonzalez Iñarritu iazko Oscarretako irabazleak sari horietan zorte handirik edukitzen ez duen aktore bat, Leonardo di Caprio, izan du ondoan ?The Revenant? pantailaratzeko. Sari nagusietarako lehian, ?The Hateful Eight? (Quentin Tarantino), ?Ave Cesar? Coen anaien komedia eta Michael Fassbender protaonista duen Steve Jobsen pelikula izango ditu aurkari nagusi, seguru asko.
?Batman vs Superman? Zach Snyderrek zuzendu duen filma martxoan helduko da Espainiako Estatuko zinema aretoetara. DC Comics etxeko bi pertsonaiak lehenengoz jarri dituzte elkarren aurrean film horretan.
Disneyren erantzuna bi hil geroago etorriko da: ?Civil War? lanean, Iron Man (Robert Downey Jr) eta Amerika Kapitaina (Chris Evans) jarriko ditu nor baino nor gehiago ekoiztetxe handiak, askatasunaren eta segurtasunaren arteko borroka bizian.Film horretan, gainera, Tom Hollandek lehenengoz jantziko du Spidermanen jantzia, 2017an egingo duen filmaren atariko gisa.
Baina sagak ez dira horretan soilik geldituko. Sylvester Stallone Rocky izango da berriz ?Creed? filmean; ?Divergent? sailak azkenaurreko atala eskainiko du, eta Ninja Dortokak ere bueltan izango dira. Ekainaren 16an, ?Warcraft? estreinatuko da, bide-jokoen zaleen zorionerako.
Aurrerago, uztail eta abuztu artean, ?Independence Day? berria iritsiko da, Will Smith gabe hori bai; ?Star Trek?en saga handitzen ere jarraituko dute, eta Matt Damon Bourne agentea izango da ostera ere.
Komikiez haraindi, Angelina Jolie eta Brad Pitt pantailan elkarrekin ikusi ahalko ditugu berriz, ?By the Sea? filmean; Jodie Fosterrek Julia Roberts eta George Clooney zuzendu ditu ?Money Monster?en; eta Johnny Deppek eta Anne Hathawayk ?Alice Through the Looking Glass? aurkeztuko dute.
Europa
Europako zinemari helduz, jaialdietan arrakasta bereganatu duten hainbat film helduko dira, hala nola ?Son of Saul? hungariarra, ?La giovinezza? Paolo Sorrentinoren azkena, Guy Ritchiek Artur erregearen istorioa helaraziko digu eta Harry Potterren sortzailearen azken lana, ?Fantastic Beasts and Where to Find Them? ere ikusi ahalko dugu.
Espainiako zinemaren aldetik, martxoaren 18an, Almodovarrek ?Julieta? estreinatuko du, Emma Suarez eta Adriana Ugarte protagonista dituen filma, eta Juan Antonio Bayona urrian itzuliko da, ?Un monstruo viene a verme? ipuinaren moldaketarekin; Felicity Jones eta Sigourney Weaver izan ditu bere aginduetara zuzendari espainiarrak.
Animazioa
Dory ?Finding Nemo? filmeko oroimenik gabeko arrainari bere pelikula egingo dio Pixarrek. Horrez gain, ?Zootropolis?, ?Angry Birds?, ?Ice Age? berri bat eta Alvin eta gainerako katagorrien beste pelikula bat ere estreinatuko dituzte.
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.