Kirk Douglasek 100 urte bete ditu
Kirk Douglasek, Stanley Kubricken esanetan Espartako bilakatu zen zinemaren mitoak, 100 urte bete ditu. Gladiatoreak 200 lagun eta seniderekin ospatuko du mendeurrena, Michael semeak eta Chatherine Zeta-Jones errainak antolatutako festa batean.
97 urteko Anne emaztea ere alboan izango du aktoreak. 1954tik daude ezkonduta. "Gure ezkontza zoragarriak eta gaueroko elkarrizketa preziatuek lagundu naute bizirik irauteko", esan du Douglasek.
"Nire lan bakarra ondo eta lasai sentitzea izango da, han agertzeko eta xarmagarria izateko. Eta, noski, hitzalditxo 'inprobisatua' emango dut; nire terapeutarekin praktikatu dut jendeak uler nazan", azaldu zuen Douglasek orain dela gutxi idatzitako artikulu batean.
1991n, Douglasek helikoptero istripua izan zuen, eta bi pertsona hil ziren. Bost urte geroago, istripu zerebrobaskular bat izan zuen, eta hitz egiteko gaitasuna nabarmen urritu zitzaion. Orain, 100 urte bete dituenean, hamaikagarren liburua prestatzen ari da. Ohorezko Oscar bat, hiru izendapen aktore bezala, bi Urrezko Globo eta Eric semearen heriotza (gaindosi baten ondorioz) izan ditu bidean.
Ongintzako erakundeei laguntzen ohituta dago, eta hiltzean, bere ondasun guztiak (80 bat milioi dolar) emango ditu, "joan baino lehen mundu honetan ongi gehiago egiteko".
Albiste gehiago zinema
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.
El Gran Wyoming da Fantasiazko eta Beldurrezko Zinemaren Asteko kartel ofizialeko protagonista
Urriaren 31tik azaroaren 7ra egingo dute Donostiako zinema jaialdiaren 36. edizioa. Espainiar aurkezle, aktore eta musikaria "Eraserhead" David Lynch zenaren lehen filmeko protagonista bihurtu da kartelerako.
Munduaren akabamendua Aragoiko basamortuan
Zeluloidezko ispilatzeetan barna gabiltza "Sirat"en adoratzaileok, burua erdi sano erdi joana dugula. Igual esnatzen garenean, sendatzen garenean, Nafarroako Errege Bardean gaudela deskubrituko dugu .
Zinemagileen "Tabakalera Belaunaldia"ri gorazarre, asteburuan Donostian
Kultura zentroaren 10. urteurrenaren harira, Zinemaldiak, Elías Querejeta Zine Eskolak, Euskadiko Filmategiak eta Tabakalerak osatzen duten ekosistemaren abaroan hazi den zinemagile belaunaldia omenduko dute asteburu honetan.